logo
Want create site? Find Free WordPress Themes and plugins.

Д-р Александар Митов

Д-р Александар Митов е магистер по јавно здравје и влијанија на животната средина врз здравјето. Дипломира медицина на Медицинскиот факултет во Скопје како првенец на генeрација. Магистрира јавно здравје на кипарскиот институт на Harvard School of Public Health, а подоцна завршува магистерски студии за политики за животна средина во Кембриџ, Велика Британија.

Од 2012-та година до 2017-та е Советник за здравство на Претседателот на Владата на Република Македонија, а беше и главен стручен консултант на кампањата за здрава храна на Владата на РМ, „Здравјето е избор!“

ПРОЧИТАЈ ПОВЕЌЕ

Лекуваме причини, не последици!

ЕМИСИИ

БОЛЕСТИ

ДИЈАБЕТ

Во изминативе неколку години, многу од работите за кои бевме убедени дека се точни за дијабетот – испаднаа неточни. Новите сфаќања за важноста на исхраната ни покажаа и како да го спречиме, но и како да го лекуваме дијабетот.

Нашите тела ги претвораат скробните храни во глукоза, која е гориво за нашите мускули и мозок. Инсулинот ја отвара вратата за глукозата да влезе во клетките. Луѓето со дијабет тип 2 најчесто имаат доволно инсулин, но, нивните клетки се отпорни кон инсулинот и не реагираат на него. И затоа премногу глукоза останува во крвта, па велиме „шеќерот расте”.

Стариот пристап за исхрана кај дијабет препорачуваше намален внес на шеќери, броење калории и лебни единици, ограничени порции и калорични рестрикции. За среќа, има нов пристап. Растителна исхрана, со малку масти, е идеална за пациенти со дијабет. Впрочем, во научна студија во 2006та, Д-р Барнард докажува дека овој пристап дава подобри резултати отколку исхраната препорачана од Американската Асоцијација за дијабет.

Што може да очекуваат пациентите?

Во рок од неколку недели од следењето на овој пристап, потребата за лекарства се намалува, а кај пациенти во порана фаза на болеста – потребата од лекови и целосно се губи.

Причината за тоа е бидејќи овој пристап ги лекува ПРИЧИНИТЕ, а не последиците од дијабетот!

СРЦЕВИ

Кога пред неколку децении Д-р Орниш и Д-р Еселстин тврдеа дека „запушени” крвни садови може да се „отпушат” само преку промени во исхраната и физичката активност (лајфстајл медицина) – малку кој им поверувал.

Денес, и двајцата уживаат светска слава. И двајцата имаат илјадници пациенти кај кои го постигнале токму тој ефект (подобрена циркулација и проток на крв во срцевите садови) и тоа само преку промени во начинот на живот.

Сега веќе е и официјална препорака: кај пациенти со покачен крвен притисок, пред да им се дадат лекови, треба да се направат промени во исхраната и начинот на живот.
Програмата за срцевите заболувања на Д-р Митов е дизајнирана според научните основи поставени од Д-р Орниш и Д-р Еселстин.

Без разлика дали пациентот веќе има прележано срцев удар, без разлика дали има стент или добил препорака за стент, без разлика дали бил опериран или се спрема за операција –најпаметната инвестиција во своето здравје е да ги искористи придобивките на лајфстајл медицината.

Во голема мера, истото важи и за пациенти со мозочен удар.

Причината за тоа е бидејќи лајфстајл медицината ги лекува ПРИЧИНИТЕ, а не последиците од срцевите и мозочните удари!

МАЛИГНИ

Ако со некоја болест вреди да се бориме со сите докажани средства – таа болест, секако, е канцерот.

Дополнително на конвенционалната терапија, постојат низа интервенции кои можат да го подобрат исходот на лекувањето и квалитетот на животот.

Во прв план, исхраната. На пример, значаен број научни студии го докажуваат ефектот на медицинските печурки за зајакнување на имунитетот. Или, куркумата е најдено дека делува на долга листа видови канцери. Глуварчето, пак , кај некои видови канцер помага, но кај други може да направи штета!

Најнови научни студии покажуваат неочекувано силни позитивни ефекти на физичката активност, особено кај ракот на дојка и дебело црево.

Сите овие препораки се систематизирани во протоколите на Д-р Митов.

Стручниот совет е особено важен кај малигните болести бидејќи постојат многу непроверени и штетни производи кои се широко распространети.

АВТОИМУНИ

Автоимуните болести предизвикуваат силни болки и страдање, а може да имаат и трајни последици по здравјето. Терапијата за нив и самата може да има силни несакани ефекти.

И покрај значајниот број научни студии за ефективноста на диетарните интервенции кај автоимуни болести, се’ уште се игнорира можноста да им се помогне на пациентите преку исхраната. Пациентите не се информирани за таа можност и најчесто не се свесни за потенцијалното позитивно влијание на исхраната.

Правилната исхрана со соодветна комбинација на природни суплементи им ја нуди можноста на пациентите за ремисија.

Колку порано се започне со овој пристап – толку поголеми се изгледите за ремисија, бидејќи се лекуваат ПРИЧИНИТЕ за воспалението, а не последиците!

ОСТЕОПОРОЗА

Здравјето на коските зависи од исхраната и физичката активност.

Правилната исхрана не само што го снабдува организмот со неопходните градбени елементи и витамини, туку и ги отстранува негативните ефекти врз коските минимализирајќи ја загубата на калциумот.

Физичката активност, од друга страна, ги зајакнува мускулите, ја подобрува рамнотежата и ја намалува веројатноста за пад и фрактура на коските. Конечно, самиот напор од физичката активност моеже да ја подобри минералната концентрација на коските.

Лекувајќи ги ПРИЧИНИТЕ, а не последиците, вашите коски можат да бидат поздрави!

Did you find apk for android? You can find new Free Android Games and apps.