fbpx

„Киселини” – Што може сами да направите за олеснување и кога да се побара стручна помош?

tonus

Жиговината или кај луѓето попoзната како ,,киселини” е проблем со кој речиси секој од нас барем еднаш се има соочено.

Но што се подразбира под жиговина?

Тоа е всушност чувство на топлина или горење во долниот дел на градите, кое најчесто е проследено и со киселкаст вкус во грлото и устата. Симптомите на жиговина можат да бидат полоши по обилните оброци, особено доколку веднаш по јадењето легнете.

"“Online”/

Најчесто можеме успешно да ги третираме симптомите на жиговинатата и во домашни услови. Сепак, ако киселините се јавуваат често или предизвикуваат потешкотии при голтањето, можно е да се работи за некое посериозно заболување.

Што ги предизвикува киселините?

Жиговината се случува кога одредено количество од киселинската содржина на желудочните сокови ќе се ,,подигне” до езофагусот (цевковидниот канал кој води од грлото до желудникот, или хранопроводот).

Долниот дел на хранопроводот е поврзан со желудникот со специјализиран сфинктер мускул. Доколку овој мускул работи правилно, веднаш се затвора по влегувањето на храната во желудникот.

Сепак, кај некои луѓе, овој сфинктер е ослабен и не функционира добро.

Токму ова предизвикува враќање на содржината од желудникот во хранопроводот. Добар дел од таа содржина се желудочните киселини кои можат да предизвикаат иритации на езофагусот и следствено се јавуваат претходно наведените познати симптоми. Оваа ситуација е наречена уште и рефлукс.

Слични симптоми и кај хернија

Жиговината може да биде исто така резултат и на хијатална хернија или кила на желудникот. Ваквата дијагноза се јавува кога желудникот на еден начин се изобличува, односно ја менува својата природна положба во стомакот. Природно се наоѓа под дијафрагмата, а при ова заболување доаѓа над неа.

И периодот на бременоста може да биде ризик-фактор за појава на киселини. Тоа се случува бидејќи за време на бременоста, хормонот прогестерон може да предизвика олабавување на споменатиот мускул сфинктер што може да води до рефлукс.

Други здравствени состојби или животни навики кои можат дополнително да ги влошат симптомите на киселини:

• пушење
• гојазност
• честа употреба на кофеински пијалаци
• често пиење на алкохол
• лежење веднаш по оброците
• некои медикаменти како аспирин и ибупрофен

Кога мора да се обратите кај лекар?

Киселините се многу чест проблем кој како што споменавме, не е толку сериозен. Но доколку се јавува доста често, може да биде проблем за чие решение е потребно стручна помош. Тоа е така бидејќи во некои ситуации жиговината може да е симптом на некое посериозно заболување, како на пример чир или друго гастроинтестинално заболување.

Веднаш контактирајте со вашиот лекар доколку:

◦ жиговината ја искусувате повеќе од 2 пати во неделата
◦ имате тешкотии или болки при голтање
◦ имате жиговина која е пропратена со крвава или забележително променета столица
◦ имате жиговина која е проследена со тешкотии при дишењето
◦ имате вртоглавици, замор и потење при рефлукс

Многу често посилните симптоми на жиговина се слични на оние на срцев удар, но треба да знаете дека овие две состојби не се поврзани.

Најчестите симптоми на срцев удар се:
силни болки во градите, тешко дишење, вкочанета и болна вилица и болки во рацете.

Кој се опциите за третирање на оваа состојба?

Ако често ве мачи овој проблем, постојат неколку ,,домашни лекови” и промени во животниот стил кој можат да ви помогнат во надминувањето на симптомите:

○ одржувајте идеална телесна тежина
○ не пушете
○ не легнувајте веднаш после оброците
○ избегнувајте чоколади, кафе, цитрусно овошје и домати
○ избегнувајте алкохол
○ избегнувајте газирани пијалаци

Доколку овие совети воопшто не помагаат, тогаш побарајте стручна помош. Медицинското лице ќе ви направен соодветен преглед, потоа проверка на историјата на болести, а може и да препорача рентген, ендоскопија или pH тест. Според утврдената дијагноза, лекарот ќе ви препише соодветна терапија.

Иако терапиите успешно се справуваат со симптомите, тие можат да имаат и бројни несакани ефекти, како дијареа, запек. Советувајте се со вашиот лекар доколку ви се појават вакви симптоми по третирањето.

Кои се можните компликации и како да ја превенираме жиговината?

Вообичаено, киселините не претставуваат поголем проблем и можат да се надминат со поедноставни совети. Сепак, ако симптомите се јавуваат пречесто, можно е тоа да е знак на некакво гастроинтестинално заболување.

Ако овие заболувања не се третираат навремено, можни се дополнителни здравствени проблеми, како воспаление на езофагусот или Баретово заболување на хранопроводот, кое е голем ризик-фактор за канцер на хранопроводот.

Долготрајното справување со киселините може значително да го намали квалитетот на животот, затоа немојте да го одложувате прегледот и секогаш внимавајте на превентивата – хранете се здраво и следете ги следните неколку совети:

• внимавајте која храна ви предизвикува симптоми за да можете да ја избегнувате

• Храната која содржи ѓумбир или сокот/чајот од ѓумбир можат да делуваат превентивно и да ги намалат симптомите

• Водете здрав начин на живот и немојте да пушите

• Избегнувајте алкохол

• Избегнувајте да јадете и грицкате некакви грицки доцна во ноќта. Не јадете барем 3-4 часа пред спиење

• Подобро е да јадете повеќе помали оброци, отколку 2 или 3 обилни

• Можете пред оброците да употребувате таблети за џвакање на база на хидроталцит, за превенирање на непријатните симптоми

Д-р Митов

Д-р Митов

Ние ви помагаме ВИШОКОТ КИЛОГРАМИ и поврзаните БОЛЕСТИ, на ПРИРОДЕН начин и трајно да ги отфрлите, за да бидете: ПОЗДРАВИ, ПОЛЕСНИ и ПОЛЕТНИ!

Leave a Replay

X
Добијте бесплатен пристап до нашиот неделен информатор