fbpx

Медитеранска туна салата – рецепт!

Share on facebook
Share on google
Share on twitter
Share on linkedin
tonus

Постојат повеќе начини да уживате во вкусната туна. Интернетот е преплавен со високо-калориски туна салати на база на процесирани мајонези. Тие се богати со нездрави маснотии и се калориска бомба, па ние денес ќе ви препорачаме рецепт кој е поздрав, но и составен од комбинација намирници која нуди поширок спектар на вкусови. Заборавете на досадните туна салати и уживајте во освежителната, крцкава и хранлива медитеранската туна салата!

Медитеранската туна салата има потенцијал да биде главен оброк и да ве засити, но можете да ја користите и како ужина во комбинација со кускус салата или вкусен хумус. Се подготвува доста брзо и лесно, за само 15-тина минути.

Оваа туна салата најдобро оди со тенко исчени и потпечени лепчиња или пита лепчиња.

"“Online”/

Замена за мајонезот, односно компонентата која ја ,,сврзува” оваа туна салата е сенфот со богат и уникатен киселкаст, благо-налутникав вкус, наречен Dijon. Овој сенф можете лесно да го најдете во повеќето маркети.

Туна салатата е здрав оброк


Сите состојки од кои се прави медитеранската туна салата се особено здрави, па така нивната комбинација само дополнително го засилува ефектот. На пример, туната е одличен извор на протеини, на есенцијалните омега 3 масни киселини, но и на микронутриентите, како витамин Б6, Б12, витамин А, железо, цинк, магнезиум, калиум итн.

Најдобар избор е светлата туна на поголеми парчиња, во маслиново масло. Останатите намирници кои се користат за салатата се богати со низа други многу важни хранливи материи и моќни антиоксидативни компоненти, а повеќе за нив можете да прочитате со кликнување линкот кој е поставен на зборовите.

Fibro Gel

Значи, покрај туната се користат и краставици, целер, ротквици, кромид, медитерански каламата маслинки, лимон, а за дополнителна свежина се додаваат и ситно исечкани парченца магданос и нане. Сето тоа се сврзува со салатниот дресинг на база на Dijon сенфот. Може да се комбинира и со млад кромид.

Потребни состојки:
(сервирање до 5 луѓе)

за салатниот дресинг:

• 3 супени лажички Dijon сенф
• половина исцеден лимон
• 2 големи лажици ладно цедено маслиново масло
• половина супена лажичка сумак
сол и бибер, според вкус
• половина лажичка чили (доколку сакате луто)

за салатата (поситно исечкани):

150 грама туна (цели парчиња во маслиново масло)
• 2 парчиња целер
• едно парче краставица со средна големина
• 4-5 помали парченца ротквици
• 1 главица црвен кромид
• половина чашка каламата маслинки (со извадени семки)
• неколку гранчиња магданос
• неколку ливчиња свежо нане, добро исечкано
• чери домати по желба

Начин на подготовка на медитеранска туна салата


Рецептот се состои од 2 дела:

1. Подготвување на салатниот дресинг.

Во помал длабок сад ставете ги сите претходно наведени состојки за салатниот дресинг и мешајте до потполна хомогенизација.

2. Подготвување на салатата

Ситно исечкајте ги сите свежи компоненти (и каламата маслинките) во поголем сад и убаво измешајте ја целата смесата. Мешањето треба да биде темелно, но нежно и со дрвена лажица. На крајот додадете ја и туната, па повторно нежно промешајте со дрвената лажица. Салатата нека стои во фрижидер најмалку час и половина. По вадењето од фрижидер, почекајте 15-тина минути пред да ја консумирате.

Сервирајте со потпечени или пита лепчиња. Најдобро се комбинира со свеж домат и млад кромид.


Чување и претохдно подготвување

Оваа туна салата можете да ја употребувате до 2 дена, секако со чување во фрижидер на соодветна ниска температура. Ако сакате да ја подготвите за следниот ден, не ги мешајте однапред намирниците (свежите, салатниот дресинг и рибата). Подгответе ги одвоено и ставете ги во фрижидер.

Нутритивна вредност на медитеранската туна салата

Според количините наведени погоре, медитеранската туна салата има околу 300 калории, околу 21g масти, 27g протеини, 8g јаглехидрати и низа микронутриенти од кои највеќе: витамин Б3, витамин Б12, витамин К, фосфор, витамин Ц, железо, цинк, магнезиум, калиум и низа други во помали количества.

DrMitov

DrMitov

Ние ви помагаме ВИШОКОТ КИЛОГРАМИ и поврзаните БОЛЕСТИ, на ПРИРОДЕН начин и трајно да ги отфрлите, за да бидете: ПОЗДРАВИ, ПОЛЕСНИ и ПОЛЕТНИ!

Leave a Replay

X