Пост-празничен ,,ДЕТОКС"

Нова година - нов/а јас! Но овој пат навистина 🙂

Новата година е идеална за нови почетоци! Почеток на поздрави навики, подобар изглед и конечно подобро здравје!

2023-та може да биде годината кога ќе ги смените своите навики, кога ќе почнете редовно да пешачите и ќе си ставите ред. 2023-тата може да биде годината на одамна изгубената, а посакувана идеална тежина.

Само променети навики може да ве ослободат од вечни диети, да ве ослободат од јојо-ефекти и од психолошкиот товар кој ги придружува нив. Нема друго решение за овие проблеми ОСВЕН постепена и трајна ПРОМЕНА НА НАВИКИ.

Но, менувањето на навиките не е едноставен процес. Зафатени со обврски дома и на работа, во трка со времето и уморот, денес човек има време за се’ освен за себе си. Со еден збор, од преголема зафатеност, се запуштуваме себе си и никако да дојдеме „на дневен ред”.

Новата година е моментот за тоа да се смени 🙂

Јас самиот знам како е, и од моето лично искуство, но и гледајќи ги моите пациенти секој ден. Особено родителите на мали деца (читај мајките) често ми кажуваат како се наоѓаат себе преморени на крајот на денот, кога завршила ноќната војна за ставање во кревет 🙂 па расчистување низ дома, и потоа конечно некаде пред 12 часот – доаѓа времето „за себе”. Но, тогаш човек е веќе преморен, истрошен и наместо вистинско време за себе, тоа се претвара во малку мир пред ТВ додека не се изгубиме во сонот… Во тој магичен круг, човек нема време и волја да почне да пешачи/вежба, нема време и волја да почне да се храни поздраво, и сите тие одлуки ги одложува за некое идно подобро време… кога ќе има барем малку повеќе енергија. А одложувањето само ги вложува состојбите, и единственото што напредува се килограмите! 🙂

Заедно е полесно!

Во 2020 почнав со првата група, со големата група пензионери, и работевме онлајн бидејќи така моравме во екот на короната.

Но, тогаш се случи чудо кое не го очекував: се создаде силен дух на поддршка и заедница во самата група, одеднаш членовите меѓусебно се бодреа и си беа сила еден на друг!

Луѓе во шеесетите и седумдесетите години на животот – ги сменија навиките, почнаа да се хранат поздраво, почнаа да пешачат, и не само месец-два, туку трајно ги сменија навиките!

Тие успеаја, а јас научив за моќта на групните програми.

Оттогаш, два пати во годината организирам вакви онлајн групи: една за нова година и втората е пролетното будење.

Групната програма ја црпи силата на заедништвото и создава дух на поддршка, и тоа ја прави уникатен метод кој помага да успеат поединци кои оставени сами на себе многу потешко би постигнале успех.

Погледнете ги подолу сведоштвата и искуствата на членовите од поранешните групи:

Некои ослабеа 5, а некои дури и 25 килограми за период од шест месеци! Тогаш дефинитивно ја сфатив моќта на групните програми. Групната програма ја црпи силата на заедништвото и создава дух на поддршка.

Истиот резултат ни се потврдуваше и во наредните групи, како ,,Пролетно Будење” и ,,Проект Јас”. Во овие групни програми учество земаат луѓе од повеќе различни генерации. Само некои од нивните искуства можете да погледнете низ фотографиите.

Прескокнување на предизвикот наречен празници

Но, за да почне успешно годината на трансформацијата, мора да се прескокне предизвикот наречен празници. Речиси и да не постои некој меѓу нас што не донел одлука за почеток на поздрав живот со почетокот на новата година. Сепак, празничните прејадувања, кафаните и особено пакетчињата (!) кои мораат да се ,,дојадат” – ни го уништувале секој обид.

За кого е наменета оваа програма и како функционира?

Новогодишната програма е наменета за оние што сакаат:

да стават ред во навиките
да ослабат на здрав начин
да започнат со пешачење ако досега биле пасивни

Едноставно кажано: За активни луѓе, кои сакаат на структуриран начин да ги сменат своите навики, да работата на себе си, да се посветат на себе си со цел да го оптимизираат своето здравје!

Групната програма не е наменета за пациенти со повеќе дијагнози, за пациентите со инсулинска терапија за дијабет, за екстремно покачена телесна тежина итн. Кај овие пациенти потребен е индивидуален пристап и следење. За нив ги препорачуваме нашите индивидуални програми.

За успех со навиките треба:

Одлука
Правилен пристап
Поддршка

Групните програми ги нудат овие точки на систематизиран начин, посебно последната точка. Особено се корисни за луѓето на кои им треба секојдневна помош во борбата со килограмите, со навиките, со стариот ,,Јас”.

Во периодот од 5 недели, членовите на групата добиваат:

Конкретни опции за исхраната – брзли, лесни и едноставни
Подкаст за пешачење – секојдневна поддршка и мотивација кога треба!
Мотивациски предавања
Постојана можност за директно поставување на прашања и интеракција

Едноставни и брзи здрави рецепти, сосема типични за нашето поднебје за оние што немаат време, но и гурмански, Медитерански за љубителите на готвењето. Посебни совети како да се однесуваме во празничните периоди и да ги избегнеме прејадувањата.

Совети за создавање на трајна навика за пешачење – пристап до посебен поткаст ,,Прошетки со Д-р Митов”. Редовни мои live вклучувања само за членовите од групата низ кои ќе се обидеме да се мотивираме за создавање и задржување на здравите навики. Можеби ќе се изненадите, но само 5 недели се доволни за трајно создавање на овие навики.