fbpx

Печен грашок со домати и пиперки

Share on facebook
Share on google
Share on twitter
Share on linkedin
tonus

Грашокот има тенденција да биде здодевен гарнир во западната кујна, но во медитеранската исхрана, важи за еден навистина вкусен и нутритивен зеленчук кој често се конзумира и како главно јадење. За жал, навиките за јадење грашок, како ,,главно јадење” и кај нас во Македонија се речиси загубени.

Извонреден нутритивен извор, еден од најдобрите извори на протеини во растителниот свет!

 

Грашокот е извонредна, нискокалорична мешунка, која изобилува со протеини, растителни влакна, витамини и минерали, пред сè: манган, железо, фосфор, калиум, витамин К, витамин А, фолна киселина (витамин Б9), останати витамини од Б групата итн.

[Поврзано: Растителни протеини – Дали се доволно, колку и кои се најдобрите извори?]

"“Online”/

Ваквиот состав и специфичните нутритивни карактеристики, му овозможуваат на грашокот својства што поттикнуваат бројни корисни дејства за нашето здравје. Ќе наведеме само неколку:

  • Антиинфламаторно дејство
  • Поуспешен процес на слабеење
  • Подобро кардиоваскуларно здравје
  • Поуспешно регулирање на глукозата во крвта
  • Подобро дигестивно здравје
  • Силен потенцијален антиканцероген ефект

[Поврзано: Богат со растителни протеини, одличен за слабеење – ГРАШОК]


Печен грашок со домати и пиперки

Значи, грашокот треба што е можно почесто да се наоѓа на нашата трпеза како главно јадење, но и како додаток. Затоа, во продолжение еден интересен рецепт со печен грашок, домати и пиперки.

Во ова специфично јадење, покрај оние од грашокот, ќе ги искористите и дополнителни хранливи материи и антиоксиданти од маслиновото масло, доматите и пиперките.

[Поврзано: ПИПЕРКИТЕ имаат три пати повеќе витамин Ц од портокалите и штитат од канцер!]

За овој рецепт, потребни ќе ви бидат:

  • 1 среден црвен кромид, ситно исецкан
  • 1 голема црвена бабура, исечена на прстени
  • Oколу 3 големи лажици маслиново масло
  • 2 ловорови листови
  • 2 кесички смрзнат грашок (околу 900g)
  • 450ml доматно пире
  • ¾ шоља сушени домати (по желба) *
  • ¼ шоља свеж копар или магдонос, ситно исецкан
  • 3 супени лажици презла (по желба) *
  • ½ кафена лажичка морска сол
  • ½ кафена лажичка бибер

Начин на подготовка:

  1. Загрејте ја рерната на температура од 180°C и премачкајте една поголема тава со малку маслиново масло.
  2. Во тенџере или тавче, загрејте лажица ладно цедено маслиново масло и пропржете ги кромидот и пиперката околу 5 минути. Тргнете го тавчето од оган и оставете го настрана.
  3. Во големо тенџере со зовриена вода, додадете двата ловорови листови и грашокот. Варете го сосема кратко, околу 2 минути. Тргнете го од оган и исцедете го.
  4. Во голем, длабок сад измешајте ги грашокот, кромидот и биберот, пирето од домати, копарот, солта и сушените домати (ако користите). Промешајте и истурете ја смесата во тавата. Додадете го и остатокот од маслиновото масло. Посипете со лебни трошки.
  5. Додадете околу ½ чаша топла вода во некој агол од тавата, за водата да се рашири низ целата тава.
  6. Додадете малку црн пипер одозгора и печете во рерна околу 30 минути додека не се згусне смесата.
  7. Извадете го и оставете го да се олади пред да служите.
  8. Послужете како што е или со фета сирење.

–        Овој рецепт прави 6 порции.

Нутритивна вредност:
(на 1 порција)

Калории: 210; Јаглехидрати: 30g од кои растителни влакна: 8,5g и шеќери: 11g; Протеини: 9,5g; Масти: 7,5g од кои заситени масти: 1g;  Витамин Б1: 0,5mg; Витамин Б6: 0,35mg; Витамин Б9: 120mcg; Витамин А: 4400 IU; Витамин K: 60 IU; Калиум: 500mg; Железо: 3.5mg;  Бакар: 0.3mg; Манган: 0.6mg;

Fibro Gel

Дополнително, оброкот содржи и сосема солидни количества  на: цинк, фосфор, калциум, магнезиум, фосфор, витамин Е, витамин Ц итн. Протеините се составени од солидни количества на сите 9 есенцијални аминокиселини.

Д-р Митов

Д-р Митов

Ние ви помагаме ВИШОКОТ КИЛОГРАМИ и поврзаните БОЛЕСТИ, на ПРИРОДЕН начин и трајно да ги отфрлите, за да бидете: ПОЗДРАВИ, ПОЛЕСНИ и ПОЛЕТНИ!

Leave a Replay

Може ќе ве интересира

Програми

X