fbpx

Недостатоци на МИНЕРАЛИ – тивки проблеми за здравјето

tonus

Сите сме слушнале дека покрај витамини и минералите се доста значајни за нашето здравје. Всушност, станува збор за есенцијални микронутриенти, односно хранливи материи кои е неопходно да ги внесуваме во ,,микро” количества, преку секојдневната исхрана.

[Поврзанo: Како ВАРЕЊЕТО влијае на ВИТАМИНИТЕ?]

Постојат минерали кои треба да се внесуваат во нешто поголеми количества, како калиум, магнезиум, натриум, фосфор, но и минерали кои се потребни во ,,траги”, како железо, бакар, манган, цинк итн.

"“Online”/

Секој еден од нив е од исклучителна важност за стотици различни физиолошки процеси во телото. Сè што е под или над оптималните минерални нивоа во организмот, го нарушува финиот минерален баланс и следствено на тоа, може да создаде различен вид негативни здравствени импликации.

[Поврзано: 6 лесни совети за ЕЛЕКТРОЛИТЕН БАЛАНС!]

 

Каква е улогата на есенцијалните минерали во нашето тело?

 

Цврстината им овозможува на различните метали да наоѓаат најразлични примени во секојдневниот живот, но во организмот тие ретко имаат структурни улоги,  најчесто се активатори ни ензимите – молекули кои претставуваат катализатори (забрзувачи) на биолошките процеси. Без нив не би биле можни бројните метаболитички функции кои се основата на животот.

Како и да е, металите (минералите) имаат и други есенцијални улоги, како на пример:

  • Калциум – структурна улога за коските, забите, регулирач на крвниот притисок, мускулните контракции, нервните сигнали, соодветното згрутчување на крвта итн. Многу повеќе за овој важен минерал, прочитајте тука.

 

  • Калиум – придонесува за баланс на течностите во организмот, ги пренесува нервните сигнали, помага за нормалниот срцев ритам и мускулните контракции, а има влијание и на крвниот притисок и коските.

 

  • Натриум – придонесува за баланс на течностите во организмот и заедно со калиумот помага за нервните импулси и мускулните контракции.

 

  • Железо – учествува во градбата на хемоглобинот (молекулата на крвта која го пренесува кислородот низ целото тело) и на миоглобинот (протеин во мускулните клетки). Претставува есенцијален минерал за активирање на одредени ензими и за синтезата на одредени значајни аминокиселини, протеини, невротрансмитери, хормони итн.

 

  • Магнезиум – слично дејство како калциумот, учествува во градбата на коските и забите, но и во регулирањето на крвниот притисок, крвниот шеќер, ги овозможува мускулните контракци, пренесувањето на нервните сигнали, правилното згрутчување на крвта и работата на одредени ензими.

 

  • Цинк – придонесува за синтезата на различни важни протеини и ДНК молекулата, потоа го помага побрзото заздравување на раните и делбата на клетките, го овозможува оптималниот имун одговор итн.

 

  • Бакар – учествува во катаболизмот (создавањето енергија), синтезата на црвените крвни клетки, регулирањето на невротрансмитерите, поседува антиоксидативна улога итн.

 

  • Други важни минерали: фосфор, јод, хлор, суфлур, селен, хром, молбиден, манган итн.

Од каде доаѓаат овие минерали?

Нашиот организам нема способност да ги создаде овие елементи, па тие мораат да бидат секојдневно внесувани преку исхраната. Како тие ,,стигнуваат” до храната која потоа ја јадеме?

Минералите се присутни во почвата, камењата, водата и во речиси сето она што не опкружува. Кога растенијата растат, тие ги апсорбираат споменатите минерали и ги вградуваат во својата структура, која подоцна е консумирана од животните и луѓето.

Затоа, не е само свежата храна извор на овие минерали, туку и житарките, јатките, рибата, месото итн. Дополнително, одредени типови храна, како муслите на пример, често пати се збогатувани од прехранбената индустрија со одредени витамини и минерали, кои вообичаено се дефицитарни помеѓу популацијата.

Секако, минералите можеме да ги внесуваме и преку соодветната суплементација, но пред тоа треба добро да се информираме за препорачаните количествата и начинот на дозирање, а најдобро би било да ги имаме податоците и за нивното ниво во нашиот орагнизам (преку соодветни тестови). Особено ако земаме некаква медикаметозна терапија, силно е препорачливо консултирање со вашиот лекар пред да суплементирате било каков минерал, па и витамини или било кој друг вид на суплементи.

Кои минерали можеме ,,лесно” да ги внесеме преку исхраната и ретко се дефицитарни?

Според експертите на тема нутриционизам, доколу имате здрав начин на исхрана, кој вклучува разновидна храна – свежа храна, овошје, зеленчук, мешунки, семиња и во помала мера месо и млечни проиозводи, тогаш не треба посебно да се грижите дали ви недостасуваат минералите. Веројатно внесувате доволно од сите.

За жал, модерниот начин на исхрана и живеење тешко може да ни ги обезбеди сите потребни микронутриенти во оптимални количества, па тоа е случај и со голем дел од минералите.

Како и да е, одредени минерали, како на пример манганот, многу лесно можеме да го внесеме во доволни количества ако имаме барем разновидна исхрана. Дневните препорачани количества манган за возрасни лица се околу 1,8mg. Во само половина чаша зготвен интегрален ориз, имаме околу 1mg манган. Сличното важи и за други минерали, како хром, цинк, бакар, молибден итн.

[Поврзано: МАНГАН – не толку познат, но клучен за здравјето!]

За жал, одредени минерали многу често не ги внесуваме во доволни количества

Поголемиот дел од населението има некаков недостаток (во различна мера) од повеќе важни минерали, како железо, калиум, калциум, магнезиум итн.

Дополнително, за жал одредена растителна храна која е добар минерален извор, содржи и компоненти т.н. антинутриенти, што значително ја отежнува  апсорпцијата на минералите во дигестијата. Многу повеќе на оваа тема и како да ги ,,неутрализираните” ваквите антинутриенти, прочитајте на следниот линк: Што се тоа АНТИ-НУТРИЕНТИ и како да се ослободиме од нив?

 

  • Калциум (1000mg дневно, над 51 година, 1200mg дневно) – Недостатокот од овој минерал е честа појава, особено кај повозрасните жени и луѓето кои имаат неправилна исхрана. Недостатокот од калциум, пред сè води кон намелна густина на коскено ткиво и коски подложни на скршеници.Богати извори: јогурт, сирење, тофу, сардини, лосос, лиснат зелен зеленчук, брокули, кељ итн.
  • Железо (околу 8mg дневно) – во посебен ризик се жените, особено во периодот на менструација. Исто така, во ризик се обезните лица и лицата со повишена телесна тежина, бидејќи кај нив е нарушена апсорпцијата. Дополнително, во ризик се и лицата кои не јадат животински производи, заради тоа што железото од растително потекло доста потешко се апсорбира во организмот на човекот. Повеќе на тема недостаток на железо и различните анемии кои следат, прочитајте тука.Богати извори: зготвена соја, семки од тиква, леќа, наут, риба, житарки и различни збогатени прехранбени производи (ориз, тестенини, житарки, сокови од портокал, мусли за доручек итн.)

    Кога сме кај железото, доста значајно да се каже е и дека различните цитрусни овошки и останатата храна богата со витамин Ц (црвени пиперки, домати, бобести овошки итн), овозможуваат подобрена апсорпција на железото во дигестијата..

 

  • Магнезиум (420mg дневно за мажи и 320mg дневно за жени) – потребите за магнезиумот знаат значително да се зголемат доколку пиеме некакви диуретици, имаме дијареа или губење на многу течности од различни причини.Богати извори: бадеми, лешници, спанаќ и останат лиснест зелен зеленчук, брокули, овес, соја, путер од кикирики, сончогледово семе и други семиња, полнозрнести производи итн.

 

  • Калиум (4700mg дневно) – според статистиките од САД, огромниот дел од популацијата внесува само ⅓ до ½ од дневните потреби за овој клучен минерал. Од друга страна, помеѓу населението има тенденцијата на прекумерно внесување сол. Исхраната со малку калиум, а многу натриум (сол), води кон различни здравствени проблеми, помеѓу кои клучен е повишениот крвен притисок.Заради овие причини, битно е да намалите со солта и да внимавате на препроцесираните продуктите со додадена сол, како и на оние со ,,скриена сол”, а повеќе да јадете богата храна со калиум, како: банани, домати, суво грозје, спанаќ, јогурт, мешунки, компири итн.

Дали внесувањето минерали преку храната може да биде доволно?

Како што претходно веќе споменавме, здравата и разновидна исхрана би требало да ни ги обезбеди сите неопходни нутриенти, па и сите минерали.

Сепак, заради најразлични причини во праксата се јавуваат недостатоци од некои минерали, при што во дадени ситуации суплементацијата станува неопходна. Пред да посегнете по суплементите, најпрво треба да проверите какви се вашите нивоа на даден минерали и да се консултирате со вашиот лекар кој ве следи.

Кои се можните несакани ефекти од неправилното и прекумерно суплементирање со минерали?

  • Формирање на опасни соединенција, наречени слободни радикали кои можат да го зголемат ризикот од срцеви и заболувања на црниот дроб (при претерување со суплементи на железо).
  • Интеракции со различни лекови (заради ова се препорачува задолжителна консултација со лекар доколку имате некаква медикаметозна терапија). На пример, можна е несакана интеракција на магнезиумот со одредени антибиотски терапии.
  • Бубрежни камчиња и срцеви проблеми (при несоодветни дози калциум) – за подобро апсорбирање на калциумот, комбинирајте го со витамин Д од 600-800 IU.
  • Гадење, повраќање, болки во стомакот и дијареа

 

 

  • Губење на косата (претерување со селенот)

Д-р Митов

Д-р Митов

Ние ви помагаме ВИШОКОТ КИЛОГРАМИ и поврзаните БОЛЕСТИ, на ПРИРОДЕН начин и трајно да ги отфрлите, за да бидете: ПОЗДРАВИ, ПОЛЕСНИ и ПОЛЕТНИ!

Leave a Replay

X
Добијте бесплатен пристап до нашиот неделен информатор