fbpx

10-те најдобри прехранбени производи после…

Share on facebook
Share on google
Share on twitter
Share on linkedin
tonus

Во претходните статии повеќе се посветивме на корисните ефекти од редовните, умерени физичките активности, бидејќи се најлесно применливи и најбезбедни, без оглед на вашето ниво на физичка подготвеност или дијагноза што ја имате. Заради овие причини, ваквите активности се и најодржливи на подолг рок, што е клучно за резултат. Сепак, тоа не значи дека поинтензивните активности нема да се одразат добро на здравјето, напротив. Секако, ако имате некаков здравствен проблем, најпрво треба добро да се консултирате со вашиот лекар околу евентуалната редовна примена на некаква поинтензивна активност.

Во најмала рака, интензивните активности, како трчањето на пример, се исто така корисни како и умерените. На оваа тема, многу повеќе прочитајте во една од нашите претходни статии: Што треба да знаете пред да почнете со џогирање? Трчање – корисни совети за почетници!

Исхрана за луѓе кои практикуваат трчање

Исхраната за лицата кои редовно применуваат поинтензивни кардио активности не треба значително да се разликува од она што општо се подразбира под здрава, разновидна исхрана. Во зависност од целта која сакате да ја постигнете (слабеење, зголемување или зацврстување на мускулната маса), потребен ќе ви биде различен тип на исхрана, но сепак, постојат неколку генерални ,,правила”:

"“Online”/

Внимавајте колку храна внесувате, веројатно ви е потребно повеќе – за да трчате потребна ви е енергија плус. Но, трчањето го зголемува и апетитот, особено кај почетниците. Затоа, особено ако имате намера да слабеете преку трчањето, треба ,,да им влезете во трагот” на внесените калории, барем на почетокот. Постои опасност да внесете или премногу или премалку калории.

Внимавајте дали внесувате доволно протеини – лицата кои практикуваат поинтензивни активности, имаат потреба од повеќе протеини или основни градбени блокови на телото.

Повеќе сложени јаглехидрати – добар и извор на енергија кој постепено се ослободува.

Повеќе течности и електролити – преку потењето телото троши доста течности и минерали кои треба да се надополнат. Повеќе на оваа тема, прочитајте тука.

10 типови храна кои се одлични за ,,тркачите”:

1) Банани

Покрај тоа што бананата е одличен извор на енергија (поради одличниот јаглехидратен состав), таа има и одличен минерален состав – пред се калиум. Ова е особено важно кога трчате на подолги патеки, на потопло време, бидејќи потењето е поинтензивно и се губат значајни минерали. Дополнително, доволните количества калиум го одржуваат нормалниот крвен притисок и ја олеснуваат циркулацијата, што е исто така важно при трчањето.

Една банана пред, за време или по тренингот е можеби најдобриот избор за ужина кај оние што практикуваат џогирање.

2) Овесна каша

 

Овесот е идеалниот доручек за трчачите. Обезбедува одлично количество квалитетни јаглехидрати, но во исто време и фибер, што му дава низок гликемиски индекс (глукозните единици поспоро преминуваат во крвотокот – продолжено чувство на ситост).

Според релевантните здравствени институции, дневниот калориски внес треба да отпаѓа околу 50% на квалитетните (сложени) јаглехидрати.

[Поврзано: Рецепт – златен овесен доручек!]

 

3) Путер од кикирики

Путерот од кикирики, секако не оној со додавани шеќери, е одличен избор за луѓе кои трошат доста калории. Покрај тоа што ќе ви обезбеди енергија од здрави маснотии (моно и полинезаститени масни киселини), путерот е богат со повеќе значајни минерали, но и важни витамини, како витаминот Е (можеби најсилниот антиоксидативен витамин). Исто така, неговата протеинската содржина е сосема солидна, што е значајна за растот и обновување на мускулна маса по трчањето.

Путерот од кикирики може да го подобри липидниот статус, да го појача имунитетот, да го забрза процесот на обновување на ткивата по тренингот, како и да придонесе во превенирањето од повреди.

[Поврзано: Путер од кикирики – ЕНЕРГЕТСКА, но и хранлива бомба!]

4) Брокули, киви, цитрусни, бобести овошки

Покрај импресивниот антиоксидативен состав на сите наведени свежи, нутритивно сконцентрирани прехранбени производи, тие содржат и огромен процет на витамин Ц.
Зошто е ова важно за тркачите?

Истражувањата покажуваат дека токму антиоксидативниот витамин Ц, може да делува на намалување, односно да превенира од болки во мускулите после интензивните тренинзи.

Допонително, брокулите и кивите се богати со витамин К и калциум, клучни микронутриенти за метаболизмот на коските.

Комбинирајте ги брокулите со лосос, одличен протеински, минерали и извор на здрави маснотии.

5) Незасладени јогурти

Извор на повеќето есенцијални аминокиселини, пробиотски култури и калциум – сите важни нутриенти, особено кога станува збор за оние кои често џогираат.

[Поврзано: Како да дознаете дали внесувате доволно КАЛЦИУМ?]

6) Хељда и киноа семе

Покрај тоа што се вбројуваат помеѓу најдобрите извори на протеини во растителниот свет, нивните протеини се составени од повеќето есенцијални аминокиселини, а доаѓаат заедно со бројни микронутриенти (витамини и минерали), висока концентрација на квалитетни сложени јаглехидрати и фибер.

7) Темна чоколада

 

Одличен енергетски извор, кој доаѓа заедно со можеби најимпресивниот антиоксидативен состав во природата, здрави маснотии, значајни минерали итн.

Нејзиниот богат флавоноиден, антиоксидативен состав ја намалува хроничната инфламација во телото, а ова чоколадо допринесува и за регулирање на липидниот статус, како и контролирање на крвниот притисок.


8)
Полнозрнеста паста и компири

 

Одличен извор на сложени јаглехидрати, но и растителни влакна. Интегралните шпагети,  макарони и компирите обезбедуваат зголемени резерви на гликоген, што е од особена важност за тркачите.

Дополнително, содржат одредени минерали и витамини, но и над 12% протеини. Можете да ги комбинирате на пример со конервирана туна, која ќе ви обезбеди и многу повеќе протеини.

9) Цвекло

Цвеклото покрај останатите микронутриенти, растителните влакна и пробиотиците, обезбедува и хранливи нитрати, кои во организмот за доста брзо време преминуваат во азотен оксид, што ги опушта крвните садови и обезбедува нормален притисок и добра циркулација.

 

10) Јаткасти плодови

Извонреден енергетски извор, кој е исто така богат со здрави маснотии, протеини, растителни влакна и минерали.

 

Поврзани статии и видеа:

 

Што се всушност калориите и колку дневно треба да се внесат за да слабеете?

Што треба да знаете за вежбите со тежина?

Придобивки од физичката активност

Физичка активност и срцеви заболувања

Физичка активност и зголемено ниво на шеќер во крвта

Кој начин на пешачење најбрзо ги согорува мастите?

5 изненадувачки придобивки од пешачењето!

Зошто физичката активност е најмоќниот антиоксиданс?

Fibro Gel

10 совети како да слабеете преку пешачењето

 

Д-р Митов

Д-р Митов

Ние ви помагаме ВИШОКОТ КИЛОГРАМИ и поврзаните БОЛЕСТИ, на ПРИРОДЕН начин и трајно да ги отфрлите, за да бидете: ПОЗДРАВИ, ПОЛЕСНИ и ПОЛЕТНИ!

Leave a Replay

X