fbpx

ЧИА – семето што го освои светот

tonus

Чиа семето во последно време станува сè попоуларно и во нашата јавноста. Овој тренд ни доаѓа од западот, бидејќи ова семе не е типично за нашето поднебје. Популарноста низ светот чиата ја стекнува поради својата висока нутритивна вредност.

Може да се користи во подготовката во најразлични смути напитоци, кондиторски производи, протеински барови, пудинзи итн. Потекнува од Јужна и Средна Америка и се смета за храна на воините од племињата на Маите.

Поради својата навистина богата хранлива вредност, чиата се смета за ,,супер-храна”. Корисните дејства кои може да ни ги обезбеди се должат токму на богатиот хранлив состав.

"“Online”/

Во само 28g чиа семе се содржи:

– 137kcal
– 12,3g јаглехидрати
– 4,4g протеини
– 8,6g масти
10,6g растителни влакна (44% од ДПВ)
– 0,6mg манган (30% од ДПВ)
– 265mg фосфор (27% од ДПВ)
– 177g калциум (18% од ДПВ)
– 1mg цинк (7% од ДПВ)
– 0,1mg бакар
– 44,8mg калиум

1) Може да придонесе за здравјето на кожата и да делува на спречување на хроничното воспаление на организмот

Чиата се смета за една од најбогатите намирници со антиоксиданти. Овие две позитивни својства се директно поврзани со антиоксидативното дејство на чиа семето. Антиоксидантите се ,,борат” со слободните радикали кои постојано се создаваат во телото, а можат да предизвикаат оштетувања на клетките или оксидативен стрес.

Ваквото дејство може да биде корисно за здравјето на кожата. Но, поважно е дека може да придонесе за намалување и превенција на хроничните инфламаторни процеси во телото. Ваквите процеси водат кон повеќето добро познати хронични заболувања (дијабет, рак, кардиоваскуларни заболувања, остеопороза итн). Некои животни навики, како јадењето на нездрава храна, пушењето, неактивноста и други, го забрзуваат овој процес. Од друга страна, храната богата со антиоксиданти може да делува позитивно. Таква храна дефинитивно е и чиа семето.

Една студија спроведена на 20 пациенти со дијабет траела 3 месеци и во текот на тој период испитаниците консумирале 40g чиа семе, дневно. Ваквата група го намалила т.н. воспалителни маркери за дури 40% во однос на испитаната контролна група. Вакво антивоспалително дејство покажуваат и други бројни студии.

2) Чиа семето може да помогне во подобра дигестија и во процесот на слабеење

Ова корисно дејство на чиата главно е причинето поради една важна компонента која е присутна во неа во значителни количини: растителните влакна. Во само 28g чиа семе се содржат дури 11g растителни влакна! Тоа е речиси половина од просечните дневни потреби на еден возрасен човек. Поглемиот дел од јаглехидратниот состав на чиата отпаѓа на растителните влакна.

Помеѓу најбитните позитивни влијанија на растителните влакна се: одржувањето на здравјето и перлистатиката на тенкото црево, како и дебелото црево, хранењето на корисната микрофлора, обезбедувањето на постепено испуштање на глукозата во крвта и намалувањето на ,,лошиот” холестерол во крвта. Сè повеќе студии укажуваат на важноста на здравјето на цревната микрофлора за целокупното здравје на човекот.

Додатно на ова, во врска со слабеењето, растителните влакна примаат доста вода додека се во стомакот, па така помагаат и во продолженото чувство на ситост. Дополнително, храната богата со протеини, како што е чиата, се поврзува со намалени нивоа на хормонот грелин кој се смета за хормон на гладта, или хормон кој ја стимулира гладта.

Една студија објавена во American Journal of Clinical Nutrition покажува дека зголемениот внес на протеини за само 15% на дневно ниво, може да води до намалување на внесот на калории и помал апетит.

3) Може да придонесе за поздраво срце

Благодарение на високиот процент на антиоксиданти, растителни влакна и здрави маснотии, чиа семето може да придонесе за подобро кардиоваскуларно здравје. Процесите на воспаление, кои се одвиваат исто така и во крвните садови и зголемениот холестерол се ризик фактори за нарушено кардиоваскуларно здравје. При двете ситуации може позитивно да придонесе чиа семето.

Имено, антиоксидатите можат да ја намалат инфламацијата, а омега 3 масните киселини, со кои е исто така богато ова семе, можат да делуваат на намалување на нивото на LDL или ,,лошиот холестерол” во крвта. Омега 3 масните киселини можат да делуваат и на намалувањето на високиот крвен притисок.

4) Чиа семето може да придонесе за баланс на шеќерот во крвта

Ова својство се базира пред сè на високиот процент на хранливи влакна и нискиот гликемиски индекс на чиа семето. Тоа е богато и со алфа-линоленската киселина која исто така може да придонесе за намалување на шеќерот во крвта.

Лабораториските студии на животни, но и испитувања на луѓето даваат слични резултати: додавањето на чиа семето во белиот леб го намалува гликемискиот индекс на лебот и превенира од високи пикови на шеќерот во крвта.

5) Придонесува за здрави коски

Една од главните придобивки на чиа семето е неговата моќ да придонесе за здравјето на коските, да ја задржи нивната густина и да го намали ризикот од сериозни заболувања како што е остеоартритисот. Причина за ова се богатите вредности на калциум и манган кои ги има ова семе, а се многу важни за здравјето на коските. Само 30g чиа семе ви обезбедува 20% од дневните потреби за калциум и 30% од дневните потреби за манган.

6) Чиа семето може да помогне за поздрава усна празнина

Поради богатиот микронутритивен состав, односно присутниот калциум, фосфор, витамин А и цинк, чиа семето може да го има ова својство.

Калциумот е градбена компонента на забите и е неопходен за зачувавуање на оралното здравје. Цинкот може да придонесе за превенција од забен камен и има антибактериски ефект, додека витаминот А и фософорот се важни за силни заби и здрава усна празнина.

7) Чиа семето е богат извор на квалитетни протеини

Ова е особено важно за луѓето кои не консумираат месо. Чиа семето содржи околу 15% протеини, но за разлика од некои растителни извори има добар баланс на есенцијани аминокиселини кои се градбените блокови за протените кои телото не може само да ги синтетизира. Како што кажавме, внесот на поголеми количини на протеини може да придонесе за намалување на телесната тежина. Една студија покажува дека високиот внес на протеини може да води до намалување за 50% на желбата за храна во доцните часови и до 60% намалување на опсесивните мисли за храна.

Д-р Митов

Д-р Митов

Ние ви помагаме ВИШОКОТ КИЛОГРАМИ и поврзаните БОЛЕСТИ, на ПРИРОДЕН начин и трајно да ги отфрлите, за да бидете: ПОЗДРАВИ, ПОЛЕСНИ и ПОЛЕТНИ!

Leave a Replay

X
Добијте бесплатен пристап до нашиот неделен информатор