Летната ладна киноа салата со цвекло и спанаќ

Додека повеќето салати ќе ве остават гладни за кратко време, оваа е поразлична благодарение токму на киноа семето. Таа има потенцијал да биде цел оброк и тоа со особено балансирана хранлива вредност. Покрај тоа, во летниот период особено ни е важно храната на трпезите да биде ,,лесна” – Летната ладна киноа салата со цвекло и спанаќ е токму тоа што ни треба!

[Поврзано: Свесно јадење – Едноставен начин на јадење што обезбедува  трајни резултати]

Киноа семе – Растителен извор на сите 9 есенцијални аминокиселини

Киноа семето е богато со протеини (има доволни количества на сите есенцијални аминокиселини) и растителни влакна, што ја прави оваа храна поттикнувач на чувство на полн стомак и особено корисна при слабеење.

Покрај тоа, киноа семето содржи повеќе витамини од Б групата, калиум, железо, калциум, фосфор, витамин Е и низа на корисни антиоксиданти. Сите набројани компоненти имаат свој специфичен корисен импакт на нашето здравје.

[Поврзано: Киноа семе – еден од ретките растителни извори на сите девет есенцијални аминокиселини!]

Дополнително, и другите присутни намирници во салатата содржат исто така низа корисни компоненти, што ја прават оваа салата особено богат извор на најразлични микронутриенти и фитохемикалии.

[Поврзано: Не се доволни само витамините и минералите, ни треба ФИТОХЕМИКАЛИИ! Што претставуваат тие?]

За овој рецепт, потребни ќе ви бидат:

За салатата:

• 100g киноа семе, зготвена во 200ml вода (1 шоља)
• 75g соја зрна
• една шака бадеми (можете и да ги потпечете во рерна, сосема кратко)
• 1 свежно цвекло со средна големина, излупено и крупно изрендано
• 1 голем морков, излупен и крупно изрендан
• 300g спанаќ, добро измиен и исчистен и крупно исецкан

За сосот (преливот):

• 3 супени лажици јаболков оцет
• сок од половина лимон
• 2 супени лажици маслиново масло
• 2 супени лажици мед
• ½ до 1 кафена лажичка Dijon сенф
• малку сол
• бибер (по желба)
• магдонос или нане, ситно исецкани

Начин на подготовка:

1. Подгответе го зеленчукот на начинот објаснет погоре.
2. Добро измијте ја киноата и ставете ја да се вари во 200ml вода. Оставете ја да зоврие, а потоа намалете го огнот и оставете ја да се крчка 15-тина минути. Тргнете го тенџерето од оган и оставете го на страна 5 минути пред да го исцедите вишокот вода. Потоа оставете го киноа семето да се излади и подгответе ја салатата.
3. Во еден голем сад за салата, ставете ги цвеклото, морковот, спанаќот, сојата и бадемите. На крај, додадете ја зготвената киноа откако убаво ќе се излади. Промешајте ја целата наведена содржина.
4. Во едно помало садче, ставете ги сите состојки кои ви се потребни за сосот и добро, телено промешајте, внимавајќи на текстурата.
5. Прелијте го сосот врз салатата и нежно промешајте ја. Зачинете со сол и бибер. На крај, можете да го додадете магдоносот или нането, во зависност од вашите преференци.

– Овој рецепт прави 2-3 порции.

Идеи за додаток: хумус, фалафел, пита лепче.

Нутритивна вредност на 1 порција, без додатоци:

Овој оброк е особено богат со следните микронутриенти: витамин А, витамин К, потоа железо, калиум, натриум