Немате идеја за брз и лесен, летен оброк, кој е истовремено вкусен, здрав, но и хранлив?
Во продолжение ви нудиме 3 рецепти за ладна супа на кои нема да можете да одолеете. Се работи за нискокалоричен оброк со потенцијал да ве најаде, но и да биде увертира за друг лесен летен оброк.
Ладна супа од грашок со зачини
Кремаста, ладна и освежителна, оваа зелена супа е перфектен начин за справување со летните горештини.
Потребни намирници:
- 3 лажици путер од кикирики
- 1 среден црвен кромид, ситно исечкан
- 2 пакувања смрзнат или свеж грашок
- 1 чаша густ јогурт
- 1,5 лажички крупна, морска сол и бибер според вкус
- Сосема малку ладно цедено маслиново масло за сервирање
- Малку копар и други зачини по избор
Начин на подготовка:
Стопете го путерот на едно тавче поставено на средно висока температура, а потоа додадете го ситно сецканиот кромид и гответе додека не зарумени. Додајте ја солта, заедно со 2 чаши вода и повремено мешајте додека не зоврие.
Додајте го грашокот и гответе неколку минути додека не омекне. Кога ќе се свари грашокот, исцедете го и во друг подлабок сад комбинирајте ја смесата со јогурт. Користете блендер за да добиете текстура на супа и потоа додајте го ладно цеденото маслиново масло и зачини по избор.
Клодник – ладна полска супа со цвекло, краставици и јајца
Класична полска супа, одлична за летно освежување – кремаста супа со нежно крцкави краставици.
Потребни намирници:
- 2 цвекла со средна големина, ситно исецкани
- 2 средни краставици, излупени и многу ситно исецкани
- 2 средни ротквици, многу ситно исецкани
- Неколку исецкани кисели краставички, грубо исечкани + половина чаша сок од теглата кисели краставички
- 1,5 чаша кефир
- ¾ од канче кисело млеко
- Малку сечкан млад кромид
- Малку крупна морска сол и бибер според вкус
- 4 тврдо-сварени јајца
- 1 лажица копар и други зачини според вкус
Начин на подготовка:
Соодветно измијте го и исчистете го цвеклото. Исечканото и измиено цвекло, вклучително и исечканите дршки и листови, префрлето го во средно тенџере и покријте го со вода и со водата од киселите краставички.
Посолете и поклопете го тенџерето, па загревајте до зовривање. Цвеклото е готово кога низ него убаво ќе можете да поминете со вилушка.
Исецкајте ги ситно ротквиците, краставиците (+киселите краставички) и младиот кромид. Во тенџерето со цвеклото, најпрво додајте го кефирот, а потоа и краставиците, заедно со ротквиците и младиот кромид. Зачинете со копар (убаво би било да се додаде повеќе свеж копар). Посолете, додајте бибер и темелно промешајте.
Сервирајте со исечкани четвртинки тврдо сварени јајца.
Брзо летно Гаспачо
Подгответе ладна супа, полна со свежина, со експлозија на вкусови. Бидејќи не вклучува вриење, добро е само во лето, како лесна вечера или освежителен аперитив.
Потребни намирници:
- 1 краставица, ситно исечкана
- 6 средни зрели домати
- Неколку ливчиња босилок
- 1 страк целер, ситно исечкан
- 1 црвена пиперка, ситно исечкана
- 2 чешниња лук, ситно исечкани
- 1 лажица ладно цедено маслиново масло
- Сок од еден лимон
- 1 лажица балсамико оцет
- Малку крупна, морска сол и бибер според вкус
Начин на подготовка:
Поставете ги сите споменати намирници во процесор за готвење и блендирајте додека не добиете, густа и мазна смеса. Ако не ви се допаѓа текстурата, додавајте по малку вода. На крајот, зачинете со сол и бибер.
Сервирајте со малку маслиново масло, откако смесата ќе стои во фрижидер околу 2 часа.
Сите супи се соодветни за околу 4 порции.