fbpx

Колку ОВОШЈЕТО и ЗЕЛЕНЧУКОТ се значајни за МЕНТАЛНОТО здравје на децата?

tonus

Разновидната и здрава исхрана е клучна и незаменлива кога станвува збор за одржување и подобрување на нашето здравје. Таа го зајакнува и го одржува нашето физичко здравје, но интересно е што бројни истражувања покажуваат дека таа е неопходна и за менталното здравје. Правилната и разновидна исхрана е особено важна за децата, бидејќи кај нив развитокот и оформувањето не е завршено. Во тој поглед, една интересна нова студија ја покажува поврзаноста меѓу редовното консумирање на овошје и зеленчук и подобреното ментално здравје кај децата.

Зошто зеленчуците и овошјата се синоним за здрава исхрана?

Речиси нема здравствена препорака за здрава исхрана која не ги вклучува зеленчуците и овошјата. Тие претставуваат одличен извор на бројни макро и микронутриенти, се релативно ниско калорични, содржат задоволително количество на растителни влакна и се богати со разни антиоксиданти и други фитохемикалии. Бидејќи постојат огромен број на опции за внесување на овошје и зеленчук, нивното често мешање и испробување нови комбинации доведува до внес на повеќе различни корисни нутриенти одеднаш. Разновидното внесување на овошје и зеленчук може да го снабди телото со сите потребни витамини и минерали, а може да допринесе и за значително задоволување на потребите за растителни влакна, јаглехидрати, понекогаш и протеини и сл. Токму ваквите бројни бенефити се манифестираат и врз одржувањето и подобрувањето на менталното здравје кај луѓето и според едно истражување за кое ќе зборуваме во продолжение, тие се неопходни и за менталното здравје кај децата.

Овошјето и зеленчукот – исклучително корисни за менталното здравје на децата

Едно неодамнешно истражување спроведено во Обединетото Кралство, покажува дека исхрана богата со овошје и зеленчук е поврзана со подобро ментално здравје кај децата на возраст од околу 11-16 години. Исто така, истражувањето покажува дека без разлика на годините, јадење на нутритивен појадок и ручек се поврзани со подобра ментална благосостојба.

"“Online”/

За целите на истражувањето биле опфатени повеќе од 50 различни училишта низ Обединетото Кралство и вкупно биле поднесени околу 9,000  анкети од ученици. Анкетата покажала дека од можни 70 бодови за оцена на менталното здравје, учениците на возраст од 11-16 години имале просечно 46,6 поени. Од нив, само 25% пријавиле во анкетата дека ги внесуваат потребните 5 порции на овошје и зеленчук дневно. Од вкупниот број ученици, 10% не консумирале воопшто овошје и зеленчук. Околу 21% од децата за појадок имале некаков тип на пијалок (сок, млеко, чоколадно млеко и сл.), додека 11% од децата не ручале во текот на денот.

Резуататите од анализа на анкетите покажале дека децата кои јаделе само дел од дневните препораки за внес на овошје и зеленчук имале просечно 1,42 повеќе поени. Оние кои јаделе малку повеќе овошје и зеленчук имале во просек 2,34 поени повеќе, додека оние кои јаделе онолку колку што е препорачано (5 порции на овошје и зеленчук на ден) имале во просек 3,73 поени повеќе.

На што се должат ваквите резултати?

Наједноставно кажано, здрава и разновидна исхрана и внес на нутриенти се нешто што е неопходно за правилно развивање на телото (делба на клетки и репликација, синтеза на ДНК, правилен хормонски баланс, развиток на мозокот и сл.). Правилната исхрана го обезбедува телото со сите потребни елементи за правилно одвивање на овие процеси. Токму затоа, научниците од ова истражување го поврзале внесот на овошјето и зеленчукот со правилен развиток. Тоа се намирници кои се богати со витамини, минерали, антиоксиданти и растителни влакна. Дополнително, голем проблем лежи и во недоволниот внес на овие намирници кај голем број деца. Покрај развитокот на мозокот, ова истражување покажало дека исхраната, особено онаа богата со растителни намирници, може да допринесе и до подобро ментално здравје. Тоа подразбира подобро секојдневно функционирање, подобрена социјализација и интеракција со средината и луѓето, подобрено расположение, поголема продуктивност, полесно учење и меморирање и сл.

Покрај овошјето и зеленчукот, воглавно се препорачуваат сите растителни намирници, како и редовно нивно комбинирање со извори на здрави масти (маслиново масло, јатки, риба) и протеини (месо, мешунки, риба, млечни производи и сл.).

Децата се особено склони кон внесување на високо процесирани намирници (пржена храна, храна богата со шеќери, храна богата со транс масти, храна богата со масти и сол и сл.). Иако е невозможно целосно да се елиминира и забрани ваквата храна за децата, пожелно е таа да се лимитира и внесува во умерени, што помали количини.

Дополнително, типот на појадок или ручек бил исто така силно поврзан со благосостојбата на децата. Децата кои имале традиционален, целосен појадок имале подобри резултати, наспроти оние кои имале само мала ужина. Како и појадокот и ручекот силно влијае и е оброк кој го задоволува телото со најголемиот дел од калориите и потребните нутриенти. Често прескокнување на ручекот може да допринесе кон намалена концентрација и фокус во училиштето, како и до отежнат и послаб развој – физички и ментален.

Истражувањето покажало дека разновидни оброци, со честа употреба на зеленчуци и овошја, може да имаат значителен и импресивен ефект врз физичкото, но и менталното здравје кај децата во развој.

Д-р Митов

Д-р Митов

Ние ви помагаме ВИШОКОТ КИЛОГРАМИ и поврзаните БОЛЕСТИ, на ПРИРОДЕН начин и трајно да ги отфрлите, за да бидете: ПОЗДРАВИ, ПОЛЕСНИ и ПОЛЕТНИ!

Leave a Replay

X
Добијте бесплатен пристап до нашиот неделен информатор