Животните навики можат да бидат директна причина за најчестите хронични заболувања и за нарушувањата кои водат кон нив.
Кои се добрите вести?
Промените во животните навики (некогаш дури и малите промени) можат да бидат и решение на голем дел од споменатите здравствени проблеми.
Така на пример, недостатокот од физичка активност води кон нарушено кардиоваскуларно здравје, но почнувањето со редовна активност може значително да го подобри срцевото здравје или да биде одлична превенција!
[Поврзано: Како ,,седечкиот начин на живот” БУКВАЛНО ни го скратува животот?]
Редовна активност – лек за висок притисок?
Ризикот од висок крвен притисок или хипертензија зависи од повеќе фактори, помеѓу нив и некои на коишто не можеме да влијаеме, како стареењето. Како и да е, редовната физичка активност може да направи огромна разлика, без оглед на годините!
[Поврзано: Основни, а пресудни информации за крвниот притисок]
Ако веќе се соочувате со висок притисок, вежбањето може значително да ви помогне во неговото контролирање. За да го постигнете ова немојте да мислите дека треба да истрчате маратон или да се зачлените во теретана. Дури и наједноставните активности, како ПЕШАЧЕЊЕТО, ќе ја направат потребната разлика.
[Поврзано: Утринските прошетки го намалуваат притисокот слично како и некои лекови!]
Како вежбањето придонесува за намалување на притисокот?
- Зајакнување на срцевиот мускул
Редовната физичка активност го зајакнува срцевиот мускул. Посилното срце може да испумпува повеќе крв, употребувајќи помалку напор. Како резултат на ова, силата која дејствува на артериите се намалува, намалувајќи го и крвниот притисок. Кога го мериме притисокот, добиваме две вредности (плус онаа за пулсот). ,,Горниот” или систолен и ,,долниот” или дијастолен . На пример, 120/80. Горниот број (систолен) го претставува количеството притисок во артериите во текот на една контракција на срцевиот мускул. Долниот број (дијастолен) го претставува крвниот притисок за време на паузата помеѓу контракциите на срцето.
[Поврзано: КРВЕН ПРИТСОК – Што означуваат броевите? Зошто горниот е можеби позначаен?]
И двата броја се значајни во определувањето на состојбата, односно здравјето на срцето. Броевите поголеми од 120 за горниот и 80 за долниот означуваат дека срцето работи со поголем напор од нормалниот во целта да ја испумпа крвта низ целото тело.
Практикувајќи редовна активност, можеме да ги намалиме броевите и за ,,горниот” и ,,долниот” притисок. Колкаво би било тоа намалување сè уште не сме сигурни, но одредени истражувања укажуваат на намалување од 4 до 12 единици за дијастолниот и 3 до 6 единици за систолниот.
[Поврзано: 10 начни како да си го направиме пешачењето ПОИНТЕРЕСНО]
- Значителна помош во регулирањето на телесната тежина
Редовното вежбање придонесува и за регулирање на телесната тежина – друг многу значаен фатор за контрола на нормалниот крвен притисок. Ако имате проблем со килограмите, треба да знаете дека само 2 килограми помалку, можат значително да делуваат во намалувањето на притисокот.
[Поврзано: Пешачење за СЛАБЕЕЊЕ! КАКО и КОЛКУ?]
За да го одржите притисокот на нормално ниво, потребно е вежбањето да биде на редовна основа. За да се видат одредени резултати, потребни се од 1 до 3 месеци активност, а бенефитите траат сè додека трае и редовната активност.
Колку и какви вежби се потребни?
Веќе споменавме дека за да бидат видливи одредени резултати, не се потребни маратони и теретани. Почнете полека!
Најпрво е најдобро да се обидете со 150 минути неделно, умерени ,,аеробни” активности или пак со 75 минути поинтензивна активност. Целта треба да ви биде најмалку половина час пешачење во текот на денот, секој ден од неделата. Ако немате воопшто никакви навики за активност, полека прогресирајте кон споменатите броеви, без да си правите притисок.
Било која физичка активност што го забрзува пулсот, може да биде вистинската.
- Рекреативни спортови, како кошарка, фудбал, тенис, одбојка…
- Возење велосипед
- Качување по скали
- Танцување, градинарење и домаќински работи
- Трчање
- Пливање
Било која од овие активност можете да ја практикувате во комбинација со пешачењето или пак самостојно.
Ако имате работа која подразбира долги периоди на седење, добро би било по секој поминат час во седење, да станете и да пропешачите 5-10 минути.
