fbpx

Магнезиум – пресудно влијание за нашето здравје

Share on facebook
Share on google
Share on twitter
Share on linkedin
tonus

Магнезиумот е еден од седумте есенцијани макроминерали, или минерали кои треба да се внесуваат секојдневно, во релативно високи количества – најмалку 100mg дневно.


Микроминералите од друга страна, како железото или цинкот на пример, се исто така многу важни, но тие треба да се внесуваат во значително помали количини.

Многумина слушнале за улогата на магнезиумот во однос на нервните импулси, можеби и дека е значаен за здравјето на срцето, но далеку од тоа дека тука завршуваат улогите на магнезиумот во нашето тело.

"“Online”/

На пример, магнезиумот е незаменлив за работата на над 300 ензими во нашето тело, учествува во производството на енергија за телото (АТП), синтезата на ДНК и РНК, го штити здравјето на мозокот, учествува во прочистувањето на телото од токсини итн.

Во продолжение, нешто повеќе околу функцијата на овој есенцијален минерал, ризиците од недостаток и како да не дојде до него.

Улоги на магнезиумот во организмот

• Здравје на коските


Речиси сите имаме слушнато дека калциумот е важен за здравјето за коските. Сме чуле и за витаминот Д. Но многу ретко се знае вистинското значење и важноста на магнезиумот за здравјето на коските. Џабе се и калциумот и витаминот Д без магнезиум.

Fibro Gel

◦ Регулирање на транспортот на калциумот,

◦ Формирање на нова коскена маса,

◦ Активирање на витаминот Д во неговата функционална форма,

◦ Правилна апсорпција на калциумот,

◦ Стимулирање на калцитонин и потиснување на паратхормонот.

Како што гледаме, навистина долга е листата на функции на магнезиумот за да имаме здрави коски.

Едно истражување од 2013 година го поврзува адекватниот внес на магнезиум со поголема густина на коските, подобра формација на коскени кристали и намален ризик од остеопороза, особено кај жените по менопауза.

Значајна функција за нервниот систем

Магнезиумот делува како ,,стражар” на одредени рецептори кои се наоѓаат во нервните клетки и допринесуваат за развојот на мозокот, меморијата и способноста за учење.

При нормални услови, односно кај здравите поединци, магнезиумот ,,стои” на овие рецептори и превенира нивна стимулација од слаби сигнали кои би можеле да ги надразнуваат нервните клетки сосема непотребно. При пониски нивоа на магнезиум, овие рецептори можат да бидат престимулирани, што во крајна линија може да води и до оштетувања на нервните клетки.

• Кардиоваскуларно здравје


Магнезиумот е важен за оддржување на нормалниот ритам на отчукување на срцето.

Заедно со калциумот, имаат есенцијална улога во генерирањето на срцевите контракции.

Кога калциумот ќе навлезе во мускулните клетки на срцето, стимулира нивна контракција, додека магнезиумот е одговорен за нивната релаксација.

Ако нивоата на магнезиум се прениски, калциумовите јони можат да доведат до престимулација на срцевиот мускул, што води кон неправлиен срцев ритам, ситуација која во крајна линија може да биде животозагрозувачка.

Дополнително на ова, ензимот кој е клучен во генерирањето на мускулните контракции, има потреба од магнезиум за да функционира.

Истражувањата исто така укажуваат дека магнезиумот делува на намалување на високиот крвен притисок.

• Регулација на мускулните контракции

Слично како и кај срцевиот мускул, магнезиумот делува како ,,блокатор” или релаксирач на сите мускулните контракции.

Во недостаток на магнезиум, мускулите имаат сé поголем број на контракции, што често доведува до грчеви и отоци. Затоа, магнезиумот е прв третман при грчеви во мускулите.


Значајна улога во регулацијата на метаболизамот на инсулин


Една студија од 2015 година ни дава податоци според кои можеме да заклучиме дека огромниот дел од луѓето со дијабет имаа ниски нивоа на магнезиум и дека магнезиумот може да игра значајна улога во справувањето со оваа болест.

Факт е дека недостатокот од магнезиум може да ја вложи инсулинската резистентност, состојба која често води кон дијбетес тип 2. Но и преголемите количества магнезиум можат да бидат проблем за дијабетичарите, затоа треба особено да се внимава.

Според некои студии, правилното суплементирање со магнезиум се покажало како успешно во подобрувањето на инсулинската сензитивност.


Кои се можните последици при недостаток на магнезиум?

Според претходно наведените значајни функции, можеме и да претпоставиме дека недостатоците од овој минерал можат да бидат навистина проблематични. Тука влегуваат:

  1. Замор
  2. Намалена можност за вежбање
  3. Слабост на мускулите
  4. Грчеви на мускулите
  5. Астма
  6. ПМС
  7. Менструални грчеви
  8. Главобокла и мигрена
  9. Фибромијалгија
  10. Несоница
  11. Синдром на немирни нозе
  12. Иритабилност
  13. Депресија
  14. Покачен крвен притисок
  15. Остеопороза
  16. Срцеви аритмии

 

 

Препорачани количини за внес и природни извори на магнезиум

Препораките за внес на овој минерал се движат од 300-400mg дневно.

За жал, модерната исхрана богата со шеќери, бело брашно, термички обработена и замрзната храна, дополнително го намалува нивото на магнезиум во нашето тело, односно телото на располагање има помали количества магнезиум од што му се потребни. Плус на тоа, голема количина од магнезиумот и слабо се апсробира, а за време на термичката обработка, храната исто така се губи помеѓу 40-70% од магнезиумот.

Затоа е важно балансирано да се храниме.

Најдобри извори на магнезиум се:

◦ зелен лиснат зеленчук
◦ интегрални житарки(полнозрнаста храна)
мешунки
◦ семиња
◦ јаткасти плодови
◦ овошје

Како најбогати извори се вбројуваат: семки од тиква, бадеми, лешници, какао, овес, лен, сончоглед, чиа, бразилски ореви, сусам, кикиритки, ореви, кафеав ориз, соја, леќа, спанаќ, домат, суво грозје, сливи, авокадо, банани, компири и риба (туна).

 

Совети за подобра апсорпција

Одредени соединенија во храната исто така можат да го отежнат апсорбирањето на магнезиумот, како што се: маснотии, оксална киселина, калиум, железо, калциум и алкохол.

За да ја подобрите апсорпцијата, искористете ги следните совети:

• избегнувајте да јадете храна богата со калциум во комбинација со храна богата со магнезиум(или магнезиум суплементи)

• избегнувајте високи дози од цинкови суплементи

• јадете свеж зеленчук, наместо приготвен

• престанете да пушите

Некои состојби бараат дополнителен внес на магнезиум и негово суплементирање

Постојат посебни состојби, кои бараат дополнителен внес на магнезиум. На пример редовни понапорни физички активности (суплементирање пред спиење или за време на вежбите), алкохолизам, користење одредени лекови (тетрациклини, хинолонски антибиотици, диуретици, инхибитори на протонска пумпа), пациенти со гастроинтестинални заболувања, пациенти со дијабетес тип 2, постари лица, бремени жени, деца во развој и лица под континуиран стрес.

Во овие ситуации, потребно е да се надополни внесот на магнезиум преку храна, но опција е и суплементирањето.

Денес имаме и производи што во комбинација со магнезиум содржат витамин Б6, мелатонин и валеријана и се земаат во вечерните часови за да обезбедат целовечерен мирен сон, без опасност истиот тој да биде прекинат од болни грчеви во мускулите.

За конкретната доза и потребата од суплементирање на магнезиум, задолжително консултирајте се со својот матичен лекар.

DrMitov

DrMitov

Ние ви помагаме ВИШОКОТ КИЛОГРАМИ и поврзаните БОЛЕСТИ, на ПРИРОДЕН начин и трајно да ги отфрлите, за да бидете: ПОЗДРАВИ, ПОЛЕСНИ и ПОЛЕТНИ!

Leave a Replay

X