Како еден од најпопуларните пијалаци во светот, кафето често има и социјален аспект, односно е нешто што го асоцираме со дружење и зближување со блиските. Поради тоа, голем дел од популацијата консумира кафе и неколку пати во денот, а некогаш се случува тоа да е и навечер. Но, проблемот се јавува кога кафето го пиеме при крајот на денот, бидејќи истото може да влијае негативно врз квалитетот на спиење. Сепак, постои добра вест за оние кои ќе се договорат со пријателите за вечерно кафе, а тоа е безкофеинското кафе. Во продолжение ќе зборуваме накратко за овој тип кафе и ќе погледнеме дали е истиот погоден за пиење навечер и дали влијае негативно на спиењето.
Кафето – омилен пијалок на многумина, богат со антиоксиданти
Кафето, еден од најпопуларните пијалаци во светот, се подготвува од печените зрна на растенијата од родот Coffea. Тоа нуди исто така низа на здравствени придобивки, како што се:
- Намалување на ризикот од дијабет тип 2
- Намалување на ризикот од појава на Алцхајмерова болест, Паркинсова болест и деменција
- Намалување на ризикот од кардиоваскуларни заболувања
- Практично е без калории (поради отсуството на макро нутриентите), а сепак содржи одредени витамини како витамините B2,B3,B5 како и минералите манган и магнезиум
Кафето е докажано дека содржи високи количества на антиоксиданти– соединенија кои ги неутрализираат штетните слободни радикали кои се секогаш присутни во човековото тело. Имено, кафето е особено богато со антиоксидантите фенолпропанонска киселина и полифенолите. Токму овие соединенија – антиоксидантите, ги пружаат здравствените придобивки кои се препишани на кафето.
По чајот, кафето е вториот најпопуларен пијалок во светот и поради тоа се смета дека кај популациите кои редовно консумираат кафе, најголемиот дел од антиоксидантите во исхраната доаѓаат токму од овој пијалок.
Исто така за луѓето кои внимаваат на внесот на калории, кафето е одличен пијалок бидејќи скоро и воопшто да не содржи калории.
Дали безкофеинското кафе може да го замени обичното во вечерните часови?
Кафето без кофеин навистина може да биде соодветна алтернатива за оние кои сакаат да уживаат во шолја кафе навечер, без притоа да ги добијат стимулативните ефекти на кофеинот кој може да го загрози нивниот сон. Научно гледано, кафето без кофеин се подложува на процес за отстранување на поголемиот дел од неговата содржина на кофеин, обично задржувајќи околу 3% од првичната содржина. Истражувањата покажуваат дека умереното консумирање на кофеин, особено во вечерните часови, може да го наруши режимот на спиење и да го наруши квалитетот на сонот. Затоа, изборот на кафе без кофеин може да ги елиминира или ублажи овие ефекти, задржувајќи ја хигиената на спиење. Од друга страна, кафето без кофеин сè уште содржи корисни соединенија кои се наоѓаат во обичното кафе, како што се антиоксидантите, кои се асоцираат со различни здравствени придобивки, вклучително и намален ризик од хронични болести и дијабетес тип 2.
Сепак, вреди да се напомене дека кафето без кофеин сепак содржи минимални количества на кофеин, па така индивидуалните одговори кон кофеинот може да варираат. Некои луѓе сè уште може да искусат благи стимулирачки ефекти од конзумирањето кафе без кофеин, иако во помала мера во споредба со обичното кафе. Генерално гледано, за луѓето што редовно пијат обично кафе, безкофеинското не би требало да влијае стимулативно и истото е сосем прифатливо за вечерните часови. За оние кои и онака не пијат често кафе, можеби истото е најдобро да се прескокне.
