Со заладувањето на времето, сè почесто ја користиме рерната за подготвување на нашите оброци. Иако зеленчуците најчесто најдобро е да ги користиме како свежи, поради тоа што на тој начин задржуваат најголем дел од својата хранлива вредност, сепак тие се одличен избор и кога се печени или варени.
[Поврзано: КОНЕЧНО – Кој начин на ГОТВЕЊЕ ги УНИШТУВА хранливите материи, а кој НЕ?]
Во продолжение, ви предложување еден интересен, но крајно едноставен и брз (ќе ви требаат само 20 минути!) Медитерански рецепт – печени јајца со зеленчуци!
[Поврзано: Повторно прогласена за најдобра исхрана на годината – Медитеранска исхрана 2020!]
Јајца – нутритивно концентрирана храна
Јајцата се особено нутритивна храна, па често се наречени и ,,мултивитамин на природата”. Содржат уникатни антиоксиданти и хранливи материи кои се значајни за мозокот, а многу луѓе имаат недостаток од нив.
[Поврзано: Нутритивно концентрирана храна – што е тоа?]
Многу повеќе за хранливоста и корисните ефекти, но и потенцијалните опасности од консумирањето јајца, прочитајте во една од нашите претходни статии: 5 причини зошто јајцата се помеѓу најхранливите намирници!
Пиперките во различни бои што се исто така во основата на овој рецепт, се извонреден антиоксидативен извор, а имаат и три пати повеќе од антиоксидативниот витамин Ц од портокалите, на пример!
[Поврзано: Зошто е важно почесто да јадеме пиперки?]
Печени јајца со лепеза зеленчуци!
За овој рецепт, потребни ќе ви бидат:
- 1 зелена пиперка, со извадено семе и ситно исечкана
- 1 портокалова пиперка, со извадено семе и ситно исечкана
- 1 црвена пиперка, со извадено семе и ситно исечкана
- 1 црвен кромид со средна големина, ситно исечкан
- 1 модар патлиџан со средна големина, исечкан по желба
- Сол и бибер
- Зачини по избор (ние ќе користиме кумин, суво оригано и босилок, сумак и малку чили)
- Малку ладно цедено маслиново масло
- 6 јајца со средна големина
- Неколку мали чери доматчиња, исечкани на коцки
- Малку свеж ситно исечкан магдонос и фета сирење за декорација
Начин на подготовка:
- Ставете ја рерната да се загрева на 200 степени.
- Во еден подлабок сад, ставете ги исечканите пиперки од сите бои. Додајте го црвениот кромид и модриот патлиџан, заедно со сите споменати зачини. Прелијте со одмерена количина ладно цедено маслиново масло. Добро промешајте ја смесата.
- Ставете ја содржината во една пониска, поголема тава за печење во еден слој. Печете во загреана рерна од 10 до 15 минути.
- Извадете ја тавата од рерна и користејќи вилушка направете неколку ,,дупки” или простор каде што ќе ги ставите јајцата. Внимателно искршете ги јајцата и додајте ги во просторите, без притоа да ги измешате белката и жолчката.
- Вратете ја тавата во рерна на 200 степени и печете додека јајцата соодветно не се подготвени (според ваш вкус). Печете најмалку 5 минути.
- Извадете ја тавата од рерна и зачинете повторно ако имате идеја за зачин. На крајот, додајте ги сечканите домати и по желба наронете фета сирење додека зеленчуците и јајцата се сè уште жешки.
- Овој рецепт прави 2-3 порции.
Нутритивна вредност:
(на една порција)
Калории: 500 Јаглехидрати: 28g од кои растителни влакна: 9g и шеќери: 19g; Протеини: 30g; Масти: 30g од кои заситени масти: 10g и омега-3: 0,4g; Витамин Б1: 0,4; Витамин Б2: 1,4mg; Витамин Б3: 3,5mg; Витамин Б5: 3,6mg; Витамин Б6: 1,2mg; Витамин Б9: 230µg; Витамин Ц: 333mg (пред печењето); Витамин А: 10000IU; Витамин Е: 7mg; Витамин К: 25mcg; Селен: 60µg; Железо: 4mg; Магнезиум: 100mg; Манган: 0,5mg; Цинк: 3,5mg; Калиум: 1100mg; Калциум: 230mg; Бакар: 0,2mg; Фосфор: 500mg
