Во последно време на социјалните мрежи посебно популарна е салатата на познатата актерка Џенифер Анистон.
Имајќи предвид дека се работи за оброк што во својата основа е исклучително хранлив и здрав, решивме да Ви го претставиме во малку модификувана форма.
Всушност, пролетта е вистинското време за вакви освежителни, но истовремено заситувачки и хранливи оброци!
Инспитацијата и во овој случај е од шаренилото и свежината на Медитеранската кујна!
[Поврзано: Пролетта е вистинско време да стекнеме навика за свежа храна! Зошто е тоа толку важно?]
За нашата ,,Џенифер Анистон Салата”, потребни ќе ви бидат:
- 200g булгур/кус-кус или киноа семе, незготвено
- 2 чаши вода
- 1 чаша со ситно исечкана краставица
- ½ чаша ситно исецкан магдонос
- ¼ чаша нане, ситно исецкано
- ½ чаша ситно исецкан црвен кромид
- ⅓ чашка ситно исецкани јатки (по можност ‘фстак)
- 1 конзева/тегла веќе приготвен наут
- 2 исцедени лимони (или лимонов сок)
- 2 лажички оцет од јаболка
- 250g нискомаслена урда
- 3-4 лажици ладно цедено маслиново масло
- Бибер и ноктец според вкус
- Малку морска сол
Начин на подготовка:
- Сварете го кус-кусот или намирницата што ја користите според упатството на пакувањето. Откако ќе се свари, оставете ја содржината да се олади 5-10 минути.
- Во подлабок сад со средна големина помешајте ги кус-кусот, сецканите краставици, магдоносот, нането, црвениот кромид, наутот и јаткастите плодови.
- Додајте од лимоновиот сок и маслиновото масло, па потоа зачинете по желба.
Додајте од урдата (можете да користите и фета сирење – исецкано на поситни коцкички). - Сервирајте веднаш или почекајте салатата да отстои во фрижидер неколку часови.
- Вака подготвената салата можете да ја чувате до 5 денови во соодветни услови (фрижидер).
- Овој рецепт прави 3-4 порции.
Нутритивна вредност:
(на една поголема порција што може да служи како цел оброк)
710 калории; 95g јаглехидрати, од кои 18g растителни влакна и 16g шеќери; 25g масти; 30g протеини; 54mg витамин Ц; 4mg витамин Е; 70mcg витамин К, 3mg железо; 400mg калиум; 1mg цинк; 250mg калциум
