fbpx
Закажи Консултација

Д-р Митов

Ние ви помагаме ВИШОКОТ КИЛОГРАМИ и поврзаните БОЛЕСТИ, на ПРИРОДЕН начин и трајно да ги отфрлите, за да бидете: ПОЗДРАВИ, ПОЛЕСНИ и ПОЛЕТНИ!

Уште една докажна придобивка од медитеранската исхрана!

by

Новите неодамнешни истражувања водат до податоци кои уште еднаш го потврдуваат позитивното дејство врз здравјето на медитеранскиот начин на исхрана, овој пат од малку поразлична перспектива од порано.

Имено, во една студија објавена во понеделникот, во едно од најреномираните медицински списанија British Medical Journal утврдено е дека јадењето според медитеранскиот начин на исхрана во период од само една година, може да ја подобри цревната микрофлора (заедницата од бактерии со позитивно дејство по здравејто на човекот- бактерии кои ни помагаат во разградувањето на храната) кај повозрасните луѓе на начин што позитивно влијае на функцијата на мозокот и води кон долговечност.

Студијата утврдува дека ваквиот начин на исхрана може да ја инхибира, односно да ја спречи продукција на низа од воспалителни соединенија што можат да предизвикаат загуби на когнитивните функции и развој на најчестите хронични болести на денешницата како што се дијабет, малигни заболувања и артериосклероза.

,,Нашите наоди го поддржуваат тврдењето дека промената на животните навики (преминувањето на медитеранската исхрана) може да ја модулира, односно да ја измени цревната микрофлора во насока што ќе обезбеди поздраво стареење.” -вели авторот на оваа студија.

Улогата на микрофлората

Според науката, околу 60 тони храна минува низ дигестивниот тракт на човекот во текот на просечен животен век. Овој факт значи дека во текот на животот телото е изложено на милиони различни бактерии, плус бактериите со кои сме родени. Многу од овие микроскопски организми играат значајни улоги (добри или лоши) во однос на тоа колку добро ќе се апсорбираат хранливите материи во дигестивниот систем; во однос на функционирањето на имуниот систем; и во однос на нивото на нашата енергија, односно на метаболитичките патишта.

Исто така научно утврдено е и дека со текот на стареењето губиме дел од природно присутната, ,,наша” микрофлора. Лошата исхрана, односно исхраната која ги нема сите неопходни макро и микронутриенти е доста честа кај возрасните лица кои се хоспитализирани, се наоѓаат во старечки домови или живеат сами. Некои здравствени состојби, како и честите проблеми со забите се чести кај оваа категорија на популација, па исто така можат да ја нарушат нормалната, добро балансирана исхрана.

Како што се намалува корисната микрофлора, така расте создавањето на воспалителни соединенија што придонесуваат за инфламаторни процеси кои се типични за возрасните луѓе. Овие воспалителни процеси можат да водат до сериозни здравствени нарушувања како што се канцер, невролошки заболувања и многу други.

Забележителна промена во 12-те месеци

Во оваа студија биле анализирани цревните флори на 612 возрасни лица (65-79 години) од Франција, Италија, Холандија, Полска и Велика Британија, по што 323 од нив биле ставени на режим на исхрана со траење од 12 месеци.  Тој режим подразбирал јадење на многу овошје, зеленчук, јатки, легуминози (грав, грашок, леќа, боранија), маслиново масло, риба и во многу мали количини процесиран шеќер, црвено месо и храна богата со заситени масти, општо. Всушност, медитеранска диета.

Останатите 289 испитувани лица продолжиле со начинот на исхрана кој го практикувале и до тогаш.

По една година, кај оние кои што ја следеле медитеранската исхрана било утврдено успорување во губењето на корисната микрофлора и ниска продукција на воспалителни соединенија, па тие биле сведоци на бенефитите од промените во микрофлората на нивниот дигестивен систем. Во исто време очигледни биле растот и ефектите на корисните бактерии кои се поврзуваат со подобрување во меморијата и функционирањето на мозокот. Ваквата исхрана покажала и потикнувачко дејство во однос на ,,keystone” бактериите, односно бактериите кои влијаат значително на составот на вкупната микрофлора.

*(keystone организми, организми кои што имаат клучна позиција во екосистемите и од нив зависи развојот и присуството на останатите организми).

Еден од позитивните ефектите исто така се и намалените знаци на слабост при движењето на рацете и нозете, што било од особена значајност кај постарите лица.

Студијата е дел од еден поголем проект на испитувања на случајни 1200 возрасни испитаници, наречен ,,Европски проект за исхраната кај возрасните луѓе” кој е започнат уште во 2012 година. Претходните публикации во рамките на овој проект утврдија дека следачите на оваа исхрана ја подобруваат својата eпизодна меморија и општо своите когнитивни способности, а подолготрајното следење на овој начин на исхрана, исто така, води кон подобрување на здравјето на коските, регулирање на крвниот притисок и намалувањето на масните наслаги во крвните садови.

Бенефитите од медитеранската исхрана

Откритието дека следењето на оваа исхрана делува позитивно на цревната микрофлора не е особено изненадување; диетата веќе доби доста научни признанија за своето повеќекратно позитивно дејство. Намалување на ризикот од дијабетес, од висок холестерол, деменција, губење на меморија, депресија и рак на дојка се само дел од палетата позитивни дејства кои се потврдени. Оброците од сончевиот Медитерански регион се поврзуваат и со силни коски, поздраво срце и долговечност, но да не го заборавиме тука и губењето на вишокот килограми!

Диетата вклучува едноставно готвење базирано на растителна храна, со поголемиот дел на оброци базирани на овошки и зеленчук, интегрална зрнеста храна, легуминози и семиња, со по неколку јатки и поголема употреба на ладно цедено маслиново масло. Рафинираните шеќери и белите брашна се консумираат само во ретки прилики. Масна храна, особено масната храна со заситени масни киселини (од животинско потекло) се консумира екстремно ретко. Meсото исто така ретко се употребува, а особено ретко како главно јадење слично како и млечните продукти, јајцата итн. Рибата од друга страна се употребува доста често.

Значајно за овој начин на исхрана е тоа што тој подразбира јадење со пријателите и семејството, што ја става храната во втор план, а социјализирањето во прв. На тој начин се избегнуваат прејадувањата и се јаде во поумерени количини. Треба да се напомене и дека самиот начин на живот на луѓето кои живеат во Медитеранскиот регион подразбира честа физичка активност и постојана подвижност.

Мислите некоја диета е НОВА? Прoчитајте какви се’ постоеле.

by

„Од сите паразити кои го нападнале човештвото, јас не познавам поопасен за човековата психа од гојазноста.”

На овој начин Вилијам Бентинг, бизнисмен од Америка го започнува своето „ Писмо за дебелината” , веројатно првата книга со режим на исхрана (диета), објавена во 1864 година. Во неа тој го опишува своето успешно искуство со губењето на килограми (намален внес на леб, шеќер и компири и зголемен внес на протеинска месна храна и свежа храна) и нуди план за исхрана кој ,,може да Ви помогне и вам”.

Од тогаш, па до ден денес, трендот на регулирање на тежината преку диети не е запрен. Низ годините само се менува неговиот облик и интензитет. Во продолжение ќе видите до кои граници се спремни да одат луѓето за да ја достигнат својата идеална тежина. Идеална тежина според самите нив.

Диети базирани на течности

Во 60тите години на минатиот век се појавуваат алкохолно базирани диети, како на пример ,,Диетата на Пијаниот човек” која подразбирала внес само на ,,машки намирници” како стек, риба, со колку што е можно поголемо количество на алкохол.

Мотивирани од Лорд Бајрон кој тврдел дека неговата витка става се должи на консумацијата на оцет, вода и мед, во 50-тите години се појавува тренд на диета која вклучува пиење на мешавина од оцет, вода и мед. Последната верзија на оваа диета, иако без никаква научна потпора, тврди дека 3 лажички јаболков оцет пред секое јадење помага за контрола на апетитот и ,,горење” на мастите.

Прочистувања

Исто така диети базирани на течности кои се т.н. прочистувачи или детоксификатори. Овие течности треба да помогнат за телото да се ослободи од токсините, иако нашето тело поседува механизми и самото да го направи тоа. Во 40-тите години на минатиот век ентузијастот за алтернативна медицина Стенли Бароус ја креира -,,Лимонада диетата” со која тврди дека се намалува желбата за брза храна, алкохол, цигари и опијати. Се што треба да направите е да консумирате микс од лимон, јаворов сируп и кајене бибер шест пати во денот, најмалку десет денови. Популарната Бијонсе ја враќа во мода оваа диета во 2000-тите, тврдејќи дека само со нејзина помош ослабнала 11 килограми за само 2 недели.
Исто така верзии на оваа диета прави и популарниот доктор Оз, како и други.

,,Селебрити диети”

Познатите личности имаат големо влијание на повеќе аспекти од животот  на нивните следачи, а особено на нивниот имиџ. Имиџот неминовно е поврзан и со изгледот, односно обликот на телото, па со тоа и на прифатливата телесната тежина. Затоа често фановите се интересираат за диетите, а неретко и идолите  ги споделуваат со нив. Овие диети се карактеристични за поблиското минато и всушност повеќето диети кои постојат денес можеме да ги класифицираме во оваа категорија.

Спиењето е можност да се избегне јадењето. Има гласини дека Елвис Присли ја користел диетата ,,Заспана убавица” за да ја одржува физичката кондиција. Оваа диета подразбира употреба на медикаменти за спиење со што се продолжува спиењето и на тој начин се избегнуваат редовните оброци. Од каде да почнеме со објаснување на нејзината погрешност?

,,Беверли Хилс диетата” која станува популарна во 80-тите и е достигнува вртоглава популарност подразбира јадење на еднородна храна во текот на 10 дена. Еднородна во смисла првите десет дена само овошје, потоа само протеини, па само масти.

Диета со колачиња
Доктор од Флорида препорачувал консумирање на блендирани колачиња со посебен рецепт кој подразбира амино киселини и протеини, а го знае само тој, со цел да се контролира апетитот и останувањето на висок калориски дефицит. За кратко време диетата направила бум во Холивуд.

Диетата на Елизабет Тејлор која е објавена во нејзината книга која има голема популарност предвидува јадење на зеленчуци и намази секој ден точно во 3 часот попладне за да се останете витки.

Течната диета на Опра Винфри е хит кон крајот на осумдесетите и промовира течности и протеинска храна.

Во деведесетите години гојазниот бизнисмен Хорас Флечер ослабнува значително и го доведува употребувањето на диетите до феномен на поп култура со својата
,, Диета со џвакање”. Тој предлага џвакање на храната се додека не се втечни за да се избегне прејадување.

ВЕРОЈАТНО НАЈПОГРЕШНАТА: ДИЕТА ПО КРВНИ ГРУПИ

Кон крајот на деведесетите се појаува Диетата според крвната група. Според лекарот Питер Дадамо крвната група одредува што треба еден човек да јаде. Зад ваквите тврдење нема никаква наука.

Макробиотска диета – Оваа диета добива на популарност кога Мадона и некои други ѕвезди почнуваат да ја следат. Таа подразбира отфрлање на процесираните шеќери, млеко месо и јајца и фокусирање на зеленчуци, легуминози (леќа, грав, грашок, боранија) и соја.

,,Саут бич диетата” има голема популарноаст во почетокот на 2000-тите години кога нејзин следач е и претстедателот на САД, Бил Клинтон, по проблемите кои ги имал со срцето. Диетата се базира на книгата од Артур Агатсон и се фокусира на исхрана со храна со низок гликемиски индекс, незаситени масти  и храна богата со протеини.

ПРОТЕИНСКИТЕ ДИЕТИ – ОПАСЕН ТРЕНД

Аткиносонова диета – Во 2000-тите години во голем замав се диетите кои препорачуваат консумирање на храна со ниска содржина на шеќери. Тоа резултира со евидентно помала потрошувачка на храната богата со јаглехидрати како ориз и тестенини. Во последно време Ким Кардашијан и ја врати популарноста на оваа диета.

Диетите кои подразбираат целосна замена на оброците со шејкови стануваат особено популарни во последно време.

Безглутенска диета – Продажбата на ,,глутен-фри” продуктите во периодот од 2012 до 2014 година порасна за вртоглави 63 проценти, иако само 1 процент од Американците страдаат од целијачна болест. Причината за ова може да се бара кај ѕвездите кои ја следат ваквата исхрана како што се Лејди Гага, Мајли Сајрус и многу други.

Алкална диета – Иако диетата потекнува од пред 1 век ѕвездите како Викторија Бекам и Гвинет Палтроу неодамна ја враќаат во мода. Концептот на оваа диета подразбира јадење на храна која создава алкална средина во организмот и ,,има позитивен ефект” кај превенција и лечење на болести како артритис, камења во бубрези, срцеви заболувања, па дури и рак. Вистината е пак дека не можеме да ја промениме pH вредноста во организмот со внесувањето на одредена храна.
Овој режим на исхрана предвидува исклучување на кафето, шеќерот, млечните производи, животинските продукти воопшто.

Палео диета – Познатите актерки Џесика Бил и Ума Турман тврдат дека телото е во најдобра кондиција ако за исхрана го земеме примерот на исхрана на пештерскиот човек, односно јадење само на храна која му била достапна во тој период. Сепак, некои научни студии се сомневаат на постоење на канибализам (јадење на човечко месо) во тој период. Дали тоа значи дека треба да јадеме и човечко месо?

МОЈ СОВЕТ:

Наместо следењето на вакви диети треба да запаметиме дека не постои ,,брз” начин и ,,тајна” за губење на тежината. Постигнувањето и одржувањето на постојана оптимална телесна тежина подразбира соодветно редуцирање, односно намалување на калорискиот внес и зголемување на физичката активност, па потоа може да се потпреме и на магичните својства на грејпфрутот, црвената зелка, па и чајот од маточина.

Медитеранскиот начин на исхрана е досега најдокажаниот и најздравиот начин на исхрана!

Искуства за пациентка со полицистични јајници

by

Се викам Павлинка и сум 26год. Уште во тинејџерски години имав проблем со месечниот циклус за да после многу прегледи се постави дијагноза полицистични јајници. Имав покачен ANDROSTENDION. И од тогаш почнав со хормонски терапии, diane35, primolut nor итн. 

Од сите овие ефектот беше дур се пијат, чим престанам пак исто и телесната тежина значително се зголемуваше. Се изморив од апчиња и престанав со сите терапии и неколку години ништо не примав. 

Но почнаа мачнини, немање циклус со месеци и отидов кај акушер кој дијагностицира – инсулинска резистетност. Ми препишаа глукофаж од 1000. Ги пиев редовно. Но пак имав ненадејни кризи за благо, шекерот висок до 12 идеше, притисокот 100 со 140 нон стоп, главоболки. 

За Др.Митов случајно прочитав на интернет и се одлучив за консултации кај него како последна моја надеж за подобрување. Ми ја испрати програмата тој и првата мисла ми беше зар ќе живеам јас со оваа храна. Всушност, кога почнав да пазарам сфатив дека цело време сум била на погрешен рафт во маркет. 

Со овој начин на исхрана за еден месец шеќерот се намали на 5 и тоа јадена,притисокот се врати во нормала и за мене најголема радост намалив 5кг од телесната тежина. Претходно немаше средство за слабеење што јас го немав купено. 

Многу сум му благодарна на Др.Митов за овие резултати после години неуспех.

И сакам да кажам дека мене лично многу ми олесна сега не мислам секој ден што да јадам а тоа да не дебелее да не качува шекер па стрес притисок заради тоа. 

Циклус почнав да добивам.

Сфатив дека се е до нас, особено ние младите, имаме избор што ке јадеме. Програмот не е исцрпувачки или да гладуваш, напротив имаш 4-5 оброци,за разлика од пред тоа ко јадев по 2 пати и пак нон стоп гладна бев и кризи за благо.

Продолжувам со за мене мојот стил на исхрана, бидејќи така си го прифатив а не како диета, и со менување на навиките трајно, па на наредната контрола кај Др.Митов ке го видиме натамошниот резултат!

Како да се мотивирам да ослабнам?

by

ЦИКЛУС : Мотивациски работилници за слабеење – Како да се мотивирам?

Начинот на слабеење честопати е помал проблем отколку МОТИВАЦИЈАТА да се почне и да се издржи.

Оваа работилница е ПРВИОТ ЧЕКОР до трајниот успех.

Ќе научите: како да поставите цели за слабеење, како да се мотивирате на дневна основа, како да смените навики… и не преку диети, туку преку трансформација да постигнете УСПЕХ.

Бројот на учесници на работилниците е ограничен бидејќи ќе работиме во мали групи.

Цена: 450 денари плус ДДВ.

Термин: понеделник, 16.12.2019 17-19.00 часот.

Со посетата се добива и ваучер за 10% на сите програми на д-р Митов.

Пријавување и информации на 071588286.

„Д-р Митов” е мојата успешна приказна

by

Пред осум години, сосема неочекувано, добив инфаркт иако имав  добро здравје, нормален крвен притисок и редовно планинарев и остварував други физички активности.

Некои велеа дека е тоа судбина, други дека е од стрес од новинарската работа (тогаш бев вработен во А-1 телевизија каде што репортерството беше многу захтевна профсија) итн.

За среќа, после брзата интервенција од неколку часа потоа  на д-р Жарко Христовски во Охрид (бидејќи во Битола немаше интервентна кардиологија), бев стентиран и го продолжив својот живот со терапија и лимитите што ми беа поставени.

За сето тоа време и потоа, воопшто не се исплашив. За жал, не обрнав внимание на најважното – на исхраната.

 

Секоја година започнаа да се трупаат килограмите и пред две години ја заминав “стотката“ и сосема случајно при преглед на крвната слика беше забележено зголемување на нивото на шеќерот, за подоцна да биде дијагностициран дијабет од типот Б.

Метформинот како терапија го прифатив, меѓутоа никако не сакав да се откажам од омилената храна – овчо сирење и кашкавал во големи количества, чварки, тестенини и многу овошје, што ова лето, кога се вратив од САД, на вагата покажа речиси 108 кг телесна тежина.

Квалитетот на животот ми беше сосема изменет, оти тешко пешачев, не можев да си ставам обувки, одбегнував  скали, со еден збор, како што ми велеше сопругата – не можев да си ја владеам снагата. Уште пострашно беше што колку и да јадам, веќе бев влезен во некоја чудна спирала на постојана незаситеност и глад.                

Конечно се исплашив Беше петок на вечер на почетокот на септември, кога почуствував голема мачнотија, лошење и стегање во градите. За разлика од првото искуство со слични симптоми, овој пат сериозно бев загрижен, но ништо не и кажав на сопругата која е д-р стоматолог по ортодонција, од проста причина  да ми вика брза помош на полноќ според лекарските принципи.

Другиот ден, сепак со нејзе, направивме цел еден протокол на дијагностички иследувања дали бил инфаркт, некоја друга кардиолошка тескоба или нешто трето. Се покажа дека повраќањето било од абдоминална природа поради виремични тескоби. Меѓутоа, резултатите од крвните наоди ме шокираа. Се’ беше во нормала, а шеќерот се кренал до 15, дали од стресот, стравот или од повраќањето. Тогаш за прв пат сериозно помислив, што правам со своето здравје и дека морам нешто сериозно да преземам со исхраната да не стасам до инсулинска терапија. Претходно, сопругата како лекар ме убедуваше дека тоа може да се избегне со правилна и одмерена исхрана, а со инсулинот веќе ќе бидам инвалид.                

Средба со д-р Митов 

Истиот ден до вечерта,  сопругата  ми испрати линк со порталот на  д-р Александар Митов во Скопје. Иако со скепса, бидејќи и порано сум имал искуства со нутриционист, сепак го отворив линкот и сe’ прочитав. Едноставно, се препознав себе си со своите проблеми и мојата спирала на полифагија (ненаситност за храна).

Референците на д-р Митов уште повеќе ме охрабрија да го исконтактирам и да се препуштам на неговите знаења и новите најсовремени искуства на науката поврзани со исхраната и здравјето.

Нашата саботна средба во Скопје беше срдечна, непосредна и многу искрена и траеше 90 минути за да ја раскажам својата горчлива приказна, која д-р Митов стрпливо ја слушаше, водејќи белешки.

Јас, се разбира, носев дијагностички протоколи и најсвежи резултати од крвната слика во која тримесечниот просек на шеќерот беше 9. Потоа направивме договор,  да го нападнеме шеќерот и тежината, за што, како што рече, ќе направи целосна анализа и ќе изготви протокол на исхрана според моите потреби и состојби, а ќе бидеме во постојан контакт.                

Два месеца потоа 

Откако го добив протоколот во кој беше исклучено се’ што дотогаш  јадев, во кој целта беше да се обезмасти џигерот и клетките, да јадам вегетарјанска храна и само еднаш неделно риба (заради полесно слабеење), работата си ја сфатив сериозно и со голем елан.

Започнав да пешачам два пати дневно по неколку километри (иако отпрвин „се тркалав”) и да го применувам протоколот според сите детаљи. Единствено не го јадам интегралниот леб на ручек, за да не ја отворам повеќе вратата на мојата слабост – тестенините.

Меѓутоа, ништо не ми фали, не сум повеќе гладен и постојано чуствувам ситост, а шеќерот ми се нормализира.

Го мерам два пати дневно и на вечер на д-р Митов на Вајбер му ги праќам резултати во порака, а потоа тој коментира, главно пофалби и охрабрување кон мене. Значи, за само нецели два месеца, стасав до телесна тежина од  минус 20 кг, т.е. сега имам околу 87 кг.

Се чуствувам многу полесно, Тумбе кафе го искачувам со леснотија, повторно два пати бев на „Пелистер” по 6 часа, на рамно брзо пешачам и „летам” и сега можам да се дотерам и пак да носам одела, бидејќи огромниот стомак се стопи.

Шеќерот како магија, влезе во референтните зони од  5- 5,5, а најважното од се’ е што се чуствувам одлично и физички психички. Едноставно, ми се врати мојот ведар дух, а нервозите ми исчезнаа и животот го гледам со оптимизам, небаре имам само педесеттина година, иако летово ги наполнив 64. 

Долгорочни цели 

На крајот од третиот месец, со д-р Митов ќе имаме квартална  средба, како што се договоривме, а се разбира, ќе го носам и резултатот од просекот на шеќерот за трите месеци, заради продолжување на нашата соработка и што понатаму?!.

Моја и негова цел е да стасам до референтната тежина (според висината и годините нешто под 70 кг) и со негово очекување и моја надеж, да се ослободам од метформинот и со правилниот начин на исхрана, на организмот да му овозможам природна регулација на шеќерот.

Искрено верувам во тоа, а најмногу во знаењето на д-р Митов и научните достигнувања во оваа област, што започна да ги применува кај нас.

И најнакрај, се надевам дека заеднички со овој човек кого го почитувам како вистински мој пријател, ќе го најдеме алгоритмот за надминување на мојата карактерна слабост – да дојдам до целта и да застанам, наместо да продолжам (како што досега сум правел). Сега, цврсто сум решен оваа моја прекрасна приказна да не биде само една етапа по која би се вратил повторно назад. Напротив, силно сакам, таа да остане како моја култура на живеење, а за тоа силната поткрепа доаѓа од д-р Митов!                

Пеце Стефановски, новинар во АЛФА ТВ- Скопје

СТАБИЛИЗИРАН ШЕЌЕР, НАМАЛЕНИ ИНСУЛИНСКИ ЕДИНИЦИ, НОРМАЛИЗИРАН ПРИТИСОК! Со Д-Р МИТОВ

by

По подолго боледување за кое време бев повеќе во кревет отколку на нозе случајно на ФБ го прочитав името на д-р АЛЕКСАНДАР МИТОВ и неговата работа.

Незнаејќи веќе кај кој доктор да се обратам заради моите дијагнози (дијабет кој веќе 10 години не можев да го средам иако примав инсулин три пати на ден со по 30 единици наутро и навечер, а на пладне 20, и два пати метформин од 1000; висок крвен притисок кој стасуваше и до 200/120; високо ЦРП и многу високи леукоцити; со две колена оперирани десетина години и движење со две штаки; и една дијагноза која не може со сигурност да се дефинира надворешна поткожна инфекција – непознато и црвенило на нозете кое беше страшно да не отвори рани кои покасно поради дијабетот тешко дека ќе се затворат) – решив да се јавам на објавениот телефонски број.

 

Првиот впечаток со направениот телефонски број ми влеа доверба во него и се решив на средба. Не знам за докторот што помисли за мене кога ме виде со две штаки, а богами и со позамашна килажа, ама мојата прва мисла беше: „ОВОЈ ЧОВЕК ОД СРЦЕ СЕ НАСМЕВНУВА И МОРА ДА Е ПРЕКРАСНА ЛИЧНОСТ”. И во тоа не се прелажав.

Веднаш се договоривме да отпочнеме со неговата терапија која не беше страшна. 

По неколку дена од отпочнатата терапија шеќерот почна многу бргу да паѓа, а воедно и притисокот.

 Секојдневно се допишувавме со докторот по два пати на ден, а само да напоменам дека претходно мојот шеќер и покрај инсулинот доспеваше 24 или до 3! Веднаш се увиде потребата да ја коригирам вечерната доза за неколку единици.

Придржувајќи се до неговите упатства за исхрана, се намали потребата и од дозата за ручек така што за еден месец истата беше исфрлена од потреба, и до ден денес.

Во паралела се намалуваше и утринската доза.

Се’ на се’ – сега по три месеци – јас примам инсулин наутро и навечер само по 16 единици, и на пладне само една таблета метформин. 

За притисокот дури не можам и самат да си поверувам: години и години висок, а овие три месеци се движи од 135/80 до 125/70, идеално за мене и моите години. 

ЦРП дојде до најдолната граница, црвенило на нозете нема и се движам со една штака.

Сакам да напоменам дека со новиот начин на исхрана се намалува и телесната тежина и конечно да легнам на стомак и спијам.

Докторе, најмногу на свет сум Ви на Вас благодарна што ми ја вративте желбата за живот и поубави денови. Ако некој сака подобро здравје, мојот совет за сите е Д-Р АЛЕКСАНДАР МИТОВ!  

 Марче

Пре-дијабетот е жолт картон!

by

Пре-дијабет е состојба во која шеќерот во крвта е повисок од нормалните вредности, но не  е доволно покачен за да се воспостави дијагноза дијабет. Пре-дијабетот нема знаци или симптоми. Луѓето со пре-дијабет имаат значително повисок ризик од развој на дијабет и кардиоваскуларни болести. Без промени во животниот стил, вклучувајќи правилна исхрана, зголемена активност и намалена тежина, голем дел од пациентите со предијабет ќе развијат дијабет. Постојат три пре-дијабетни состојби:

  • Нарушена толеранција на глукоза е кога нивото на глукозата во крвта е повисоко од нормално, но не доволно за да се класифицира како дијабет;
  • Нарушена глукоза на гладно – кога глукозата е покачена во фаза на гладување, но не доволно за да се класифицира како дијабет;
  • Можно е да се присутни и двете претходни состојби.

  Ризик фактори Ризик фактори за пре-дијабет се:

  • Зголемена телесна тежина – ообено насобирање масно ткиво околу половината (над 94цм за мажи и 80цм за жени);
  • Физичка неактивност;
  • Високи триглицериди и низок „добар” холестерол и/или висок вкупен холестерол;
  • Висок крвен притисок;
  • Претходна фамилијарна анамнеза на дијабет.

  Зголемен дополнителен ризик:

  • Жени со синдром на полицистични јајници;
  • Жени кои имале дијабет во време на бременост.

  Третман Ако имате дијагноза на пре-дијабет – прва линија на препорачана терапија се промени во животниот стил. Тоа вообичаено подразбира правилна исхрана, зголемена физичка активност и намалување на телесната тежина. Пациентите со пре-дијабет имаат зголемен ризик од срцев удар и затоа треба особено внимание да се посвети на нормализирање на крвниот притисок, холестеролот и  триглицеридите.   Програма на д-р Митов за пре-дијабет Дијагнозата за нарушен метаболизам на глукозата не значи дека сигурно ќе добиете дијабет. Тоа значи дека имате 10 до 20 пати поголем ризик од останатите да добиете дијабет. Силни научни докази потврдуваат дека дијабетот може да биде спречен  во 58% од случаите на пре-дијабет. Состојбата на пре-дијабет означува дека не е доцна. Пре-дијабетот е жолт картон и предупредување за вашето здравје, но и шанса да се поправат работите пред да биде предоцна! Термин за консултација со д-р Митов може да закажете тел 071-588286.  

Информации

Програми

Брзи Линкови

Продавница

X
Добијте бесплатен пристап до нашиот неделен информатор