fbpx

Интересен рецепт за СКУША со зеленчуци и наут

tonus

Релевантни здравствени институции препорачуваат јадење риба 2 пати неделно. Зошто рибата во умерени количества се смета за здрава храна?

Без разлика на тоа за која риба конкретно се работи, рибите се добар извор на повеќе хранливи материи што често недостасуваат помеѓу населението. Такви хранливи материи се на пример: омега 3 масните киселини, Д витаминот, витаминот Б12, одредени минерали како што се железото, селенот итн.

[Поврзано: Витамин Д – Клучот за над 4000 клеточни процеси!
Сè што треба да знаете за Витамин Б12
Значење на омега 3 масните киселини]

"“Online”/

Покрај ова, различните видови риби се особено добар избор и на квалитетни протеини (протеини кои се составени од сите есенцијални аминокиселини, односно аминокиселини кои телото не може самото да ги продуцира), без притоа да имаат многу калории и превисоки концентрации на заситени масни киселини, како што е тоа случај со другите месни продукти.

Заради овие причини рибата поседува низа корисни дејства за нашиот организам – стимулира подобар вид, подобро здравје на тироидната жлезда, мозокот, срцето, ја контролира телесната тежина, спречува анемии, превенира коскени и кожни заболувања итн.

[Поврзано: Лосос – за што е корисна оваа риба; Туна – највкусната и една од најздравите риби, но во кои количини?]

Во претходните статии ви понудивме повеќе различни рецепти за вкусни риби: Пастрмка на пареа, Медитеранска туна салата – рецепт!, Туна салата со сусам и соја сос – РЕЦЕПТ!, РЕЦЕПТИ за 2 вида посни плескавици – грав и риба!;

Денес, една интересна комбинација со скуша, малку потценета риба, која е особено хранлива (види нутритивна табела најдолу), но има и уникатен вкус: ,,Похувана” скуша со зеленчук и наут

Начин на подготовка:

  1. Ставете ја рерната да се загрева на 200°C. Со четкичка за готвење, премачкајте една тава за печење со малку маслиново масло, па поставете ги филетите скуша.
  2. Изрендајте малку од кората на лимонот врз филетите, а потоа исцедете половина лимон врз нив. Покријте ја скушата со фолија за печење и добро притиснете на рабовите. Печете 10-тина минути.
  3. Додека рибата се пече, ставете ги компирите, грашокот и наутот да се варат додека добро не омекнат. Наутот можете да го користите и веќе подготвен, од конзерва.
  4. Сокот од другата половина лимон, измешајте го со лебните трошки, димената пиперка, 2-те лажици маслиново масло, 1 лажичка копар и малку магданос и власец. Наместо лимонот, можете да користите и јаболков оцет.
  5. Откријте ја рибата од фолијата и добро исцедете ги преостанатите течности. Прелијте ја со подготвениот сос, па така откриена, вратете ја повторно на печење, од 10-15 минути.
  6. Добро исцедете ги сварените компири, наутот (ако сте го вареле) и грашокот. Во еден сад измешајте ги со магдоносот, власецот и зачинете со 1 лажичка копар, бибер и сол.
  7. Испечената риба, сервирајте ја со зеленчуците и наутот и декорирајте со малку магдонос и сецкан лимон. Добар апетит!
  • Овој рецепт прави 4 порции.

Нутритивна вредност:

(на една порција)

Калории: 535 Јаглехидрати: 50g од кои растителни влакна: 7g и шеќери: 4g; Протеини: 28g; Масти: 24g од кои заситени масти: 4g и омега 3 масни киселини: 3,5g Витамин Б1: 0.5mg; Витамин Б2: 0,4mg; Витамин Б3: 13mg; Витамин Б6: 0,9mg; Витамин Б9 (фолна киселина): 120µg; Витамин Б12: 8,5µg; Витамин Ц: 100mg; Витамин А: 2000IU; Витамин Е: 1,6mg; Витамин Д: 310IU; Железо: 4,1mg; Калиум: 1050mg; Бакар: 0.4g; Селен: 45µg; Фосфор: 375mg; Цинк: 1,75mg; Магнезиум: 100mg; Манган: 0,7mg; Калциум: 100mg

 

Д-р Митов

Д-р Митов

Ние ви помагаме ВИШОКОТ КИЛОГРАМИ и поврзаните БОЛЕСТИ, на ПРИРОДЕН начин и трајно да ги отфрлите, за да бидете: ПОЗДРАВИ, ПОЛЕСНИ и ПОЛЕТНИ!

Leave a Replay

Може ќе ве интересира

Програми

X
Добијте бесплатен пристап до нашиот неделен информатор