fbpx

НЕСОНИЦА – едноставни совети за подобар сон!

Share on facebook
Share on google
Share on twitter
Share on linkedin
tonus

Во минатото, ниту во научните кругови спиењето не го добивaше заслуженото место и значење, како важен фактор за она што се подразбира под целокупно оптимално здравје. Во последно време, ова драстично се менува. Сè поголем број научни студии укажуваат колку тоа сонот е важен за квалитетот на животот и здравјето на човекот.

 

[Поврзано: Еве лесен начин за зајакнување на имунитетот – СПИЕЊЕТО!]

За жал, помеѓу населението сè уште се занемарува значењето на добрите навики за спиење. Секако, тука големо влијание има и модерниот, брз и динамичен начин на живот, кој не овозможува доволно време за спиење, а го нарушува и квалитетот на сонот, преку хроничниот стрес.

"“Online”/

 

Имајќи го предвид претходно кажаното, лесно може да се заклучи дека проблемите со несоницата заземаат пандемски размери.

Што е несоница?

Несоницата е нарушување на сонот кое погодува стотици милиони луѓе ширум светот. Пациентите со несоница имаат силни тешкотии да заспијат, а кога ќе заспијат, доста тешко се одржуваат во сон.

Според релевантните здравствени институции, како американскиот CDC, возрасните лица имаат потреба од најмалку 7 до 8 часа квалитетен сон, секојдневно.

Fibro Gel

Истражувањата од САД велат дека дури ¼ од населението во оваа земја, секоја година искусува некакви проблеми со несоницата. За среќа, огромниот дел од овие луѓе не развиваат долгорочни, хронични проблеми со несоница.

Краткотрајните проблеми со несоницата ги предизвикуваат типичните симптоми, како хроничниот замор, значително отежнатата концентрација, зголемениот стрес и нервоза во текот на денот итн. На подолг рок, ваквите проблеми можат да го зголемат ризикот од најразлични хронични заболувања, како на пример дијабет, обезност, кардиоваскуларни проблеми, депресија итн.

Можни причини за несоница

Несоницата може да биде резултат на најразлични физички, психички фактор или пак на нивната комбинација. Најчесто директната причина е некаков краткотраен проблем, како стресен период. Сепак, во некои ситуации, причините можат да бидат ,,подлабоки”, односно зад несоницата да се крие некаква сериозна медицинска состојба.

Помеѓу најчестите причинители за несоница се вбројуваат и:

 

  • Често менување на смени на работното место
  • Чести патувања кои подразбираат менување на часовни зони
  • Спиење во соба која е претопла или преладна
  • Живеење во простори кои се постојано гласни
  • Периоди кога во домот имаме бебе
  • Постојани проблеми со лоши соништа
  • Употреба на некакви опијати
  • Депресија, анксиозност или биполарно растројство
  • Хронични болки
  • Различни нарушувања на сонот, како спиечка апнеа, синдром на немирни нозе итн.
  • Проблеми со киселини или со тироидната жлезда
  • Симптоми на менопауза

 

Исто така, од проблемите на модерното време кои придонесуваат за несоницата, можеме да ја издвоиме честата изложеност (особено пред самото спиење) на сина светлина од различните електронски уреди.

Третирање

Постојат соодветни медикаментозни и т.н. ,,бихевиорални” терапии за несоницата, но во продолжение ќе зборуваме повеќе околу тоа како самите можеме да си помогнеме при несоница, како и што можеме да направиме за да имаме добри навики за спиење, што би превенирало воопшто од појавување на овој проблем.

 

Ако страдате од несоница, за среќа постојат и повеќе чекори кои самите можете да ги превземете за да си помогнете и да си го вратите добриот сон! Станува збор за менување на одредени животни навики и некои наши однесувања. Во продолжение, 11 конкретни совети за ,,борба” со несоницата:

Fibro Gel

 

  • Имајте распоред за спиење – гледајте да легнувате и да се будите отприлика во истото време, секој ден. Тоа треба да важи и за викендите!

 

  • Бидете редовно физички активни – уште една од навистина бројните придобивки од редовната активност е квалитетниот сон. Што повеќе активност во текот на денот, тоа подобар и подолг сон во ноќите. Сепак, избегнувајте активности до 4 часа пред времето за спиење.

 

  • Избегнувајте ги дневните дремки – логично е спиењето преку денот да ве остави будни подолго во ноќта. Ако имате силна навика за дневни дремки, кои секако, можат да бидат и позитивна работа, гледајте тие да не траат над половина час.

 

  • Ограничете ја употребата на кофеински пијалаци, особено навечер – ефектите од кофеинот, можат да траат повеќе часови и да не остават без сон. Дополнително, можат да придонесат и за почесто будење во текот на ноќта.

 

  • Ако сте пушач, најдобро е да ги оставите цигарите, а ако тоа не можете да го направите, ограничете ги цигарите испушени навечер – никотинот докажано влијае негативно на заспивањето и квалитетот на сонот.

 

  • Избегнувајте алкохол – иако алкохолот има седативно, односно смирувачко дејство, тоа е само на краток рок (неколку часа). По тој краток период, алкохолот влијае лошо на квалитетот на сонот. Значи, можеби полесно ќе заспиете, но ќе се будите почесто и ќе спиете пократко.

 

  • Немојте да ја игнорирате хроничната болка – зборувајте со вашиот лекар отворено околу сите проблеми со болките. Најдете ги причините и соодветно третирајте. Ова е особена важност и за квалитетниот сон.

 

  • Избегнувајте оброци доцна во ноќта, особено пообилни оброци – ваквите оброци го зголемуваат ризикот од појава на киселински рефлукс, а самото варење на храната може да биде мачно и да не ви дозволува да заспиете. Дополнително, на тој начин се зголемува и веројатноста за станување доцна навечер поради потребите од тоалет.

 

  • Избегнувајте активности во креветот – креветот е исклучиво за спиење и водење љубов. Особено ако страдате од несоница, никогаш немојте да го користите креветот за други активности, како учење, седење на телефон, гледање телевизија, јадење или било какви други активности.
  • Направете ја вашата ,,околина” за спиење удобна -температурата, светлината и звукот треба да бидат особено контролирани ако имате проблеми со сонот. Температурата треба да биде малку поладна, а светлината и звукот сосема ограничени.
  • Немојте ,,тврдоглаво” да се обидувате да заспиете ако тоа не ви оди од рака – колку поцврсто се обидувате да заспиете, толку потешко ќе ви оди. Заспивањето бара целосно релаксирање, затоа ако не можете да заспиете повеќе од 20 минути, станете и правете некакви активности, чекајќи да ви ,,дојде” сонот. Доколку повторно не можете да заспиете по повеќе од половина час, повторно повторете го советот.

 

Д-р Митов

Д-р Митов

Ние ви помагаме ВИШОКОТ КИЛОГРАМИ и поврзаните БОЛЕСТИ, на ПРИРОДЕН начин и трајно да ги отфрлите, за да бидете: ПОЗДРАВИ, ПОЛЕСНИ и ПОЛЕТНИ!

Leave a Replay

X