fbpx

Улогата на полнозрнестите житарки во намалувањето на холестеролот!

Share on facebook
Share on twitter
Share on linkedin
tonus

Холестеролот е липопротеинска молекула која организмот има способност самиот да ја создава (главно во црниот дроб) и врши низа на многу важни структурни функции – градбен материјал за повеќе хормони (тестостерон, естрадиол, кортизол), дел од витаминот Д, а неопходен е и за синтеза на жолчните киселини кои пак се неопходни за дигестија на масната храна. Холестеролот можеме да го внесеме и преку храната, а денешната исхрана подразбира навистина високи количества од оваа компонента, што можат да создадат посериозни проблеми на подолг рок.

 

[Поврзано: Липиден статус или профил. Што означува?]

 

Кога велиме посериозни проблеми, се мисли пред сè на проблеми со здравјето на срцето. За жал, во Македонија распространетоста и смртноста од кардиоваскуларни заболувања е огромна. За целокупната исхрана наменета за подобрување на липидниот профил, прочитајте во нашите претходни статии.

"“Online”/

Во продолжение, повеќе околу улогата на полнозрнестите житарки во намалувањето на холестеролот.

 

Полнозрнестите житарки поседуваат низа бенефити за нашето целокупно здравје

Ако редовно ги следите нашите статии, сигурно веќе знаете кои се главните предности на полнозрнестата, пред рафинираната храна.

Пред сè, станува збор за:

– намалување на ризикот од срцеви заболувања, преку намалувањето на воспалителните процеси, но и холестеролот, крвниот притисок итн.

– подобра дигестија и олеснет процес на слабеење,

балансирање на цревниот микробиом

– намалување на ризикот од дијабетични заболувања

[Поврзано: Важни причини зошто треба трајно да ја замениме рафинираната храна (БРАШНА) со ПОЛНОЗРНЕСТА храна!]

Полнозрнести житарки за намалување на холестеролните нивоа

Главниот фокус на исхраната за намалување на холестеролот е избегнувањето на животинските продукти (месо, јајца и млечни производи) и јадењето повеќе свежа храна (овошје и зеленчук).

Но, дали сте знаеле дека заменувањето на храната добиена од рафинирани брашна, со полнозрнеста храна и општо, поголемата употреба на полнозрнести житарки, може исто така значително да помогне во намалувањето на холестеролот и мастите во крвта?

Овој ,,ефект” се должи на две работи, а ќе зависи и од видот на житарката. (како и да е, треба да знаете дека секоја житарка си има своја лепеза на позитивни дејства, помеѓу кои и подобра контрола на липидниот профил).

Прво, внесувањето на полнозрнестата храна во секојдневната исхрана, како интегралниот леб на пример, нужно ќе го намали внесот на производи од бели брашна и прости шеќери, што пак директно ќе се одрази на намалувањето на калориите и следствено на подобрување на телесната тежина и липидниот статус (триглицеридите и холестеролот).

[Поврзано: Полнозрнестата храна може да има ТЕРАПЕВТСКО дејство при хипертензија]

Второ, полнозрнестите житарки имаат таков хемиски состав што овозможува намалување на холестеролот во црниот дроб, желудникот и крвта.

Фитохемикалии на полнозрнестите житарки


Фитохемикалиите се карактеристични компоненти на т.н. цела храна (whole foods). Покрај макро и микронутриентите (витамини и минерали), и фитохемикалиите се од особена важност за одржување на доброто здравје и превенција од повеќе заболувања. Ги има во огромен број, па повеќето од нив не се доволно истражени, а веројатно уште повеќе не се ниту откриени.

[Поврзано: Не се доволни витамините и минералите, ни требаат ФИТОХЕМИКАЛИИ!]

Ќе наведеме 2 примери за фитохемикалии на полнозрнестите житарки кои потврдено поттикнуваат намалување на холестеролот: аликлрезорцинол и фитостероиди.

Во едно поново јапоноско истражување, се вели дека алкилрезорцинолите имаат сериозна моќ да ја супресираат обезноста и глукозната интолеранција, преку зголемувањето на инсулинската сензитивност и полесното излачување на холестеролот.

Исто така, постојат бројни научни студии кои наоѓаат директна поврзаност помеѓу фитохемикалиите на полнозрнестите житарки и контролирањето на телесната тежина, преку супресирањето на апетитот и значајното намалување на липидната акумулација (создавањето на масни наслаги)

Истражувањата утврдуваат дека алкилрезорцинолите (АР), главните биоактивни компоненти на полнозрнестите житарки, значително го намалуваат холестеролот во црниот дроб, а од друга страна битно го зголемуваат нивото на гама токоферол (главната форма на витаминот Е) во овој орган, што е утврдено како доста важно за спречувањето на срцевите коронарни болести.

[Поврзано: Витамин Е или токоферол – многу важен антиоксидативен витамин. Зошто?]

Растителните стероиди (фитостероиди), делуваат на намалување на ,,лошиот” или LDL холестеролот во крвта, а силно заштитно дејство од развојот на срцеви заболувања е утврден и кај лигнаните.

[Поврзано: ЦЕЛО зрно за ЗДРАВО срце – житарките и бетаините!]

Полнозрнестите житарки се веројатно најдобриот извор на фибер


Покрај тоа што содржат значителни количества квалитетни растителни влакна, житарките ја даваат храната што секојдневно ја употребуваме во поголеми количества, како лебот, житарките за доручек, тестенините итн.
Затоа, огромниот дел од внесените влакна се токму од полнозрнести житарки и нивните производи.

Доволниот внес на фибер се поврзува со намален ризик од кардиоваскуларни заболувања и тоа во сериозни студии со огромен број на испитаници, следени со години. Една таква студија, од Универзитетот Харвард, САД, следела над 40 илјади машки здравствени работници, при што утврдила дека оние што имале исхрана најбогата со фибер, имале намален ризик од срцеви заболувања за дури 40%. Друго истражување, со женски испитанички, покажува доста слични резултати и заклучоци.

Причините за драстично намалениот ризик се движат во неколку насоки: фиберот може да го намали нивото на холестерол и триглицериди во крвта, потоа да го регулира шеќерот во крвта, да помогне во намалувањето на крвниот притисок, да превенира метаболен синдром и не помалку важно – да го намали хроничното воспаление во ораганизмот.

На пример, студиите покажуваат дека псилумот може да го намали холестеролот во крвта, преку врзување на мастите и жолчните киселини во цревата, со што телото поуспешно и побрзо ги исфрла. Како телото надоместува за изгубените жолчни киселини, така црниот дроб троши холестерол. Последиците се логични, холестеролот во крвта паѓа. Дополнително, паѓаат и мастите, а нивото на ,,добриот” LDL холестерол се зголемува.

Сите споменати фактори, во најголема мера определуваат какво ќе биде нашето кардиоваскуларно здравје:

[Поврзано: Зависно од вашата возраст – што треба да правите за здраво СРЦЕ?]

Овесот и јачменот се веројатно најдобри кога станува збор за намалување на холестеролот!


Повеќе обемни и релевантни истражувања ги поврзуваат полнозрнестите житарки, како овесот и јачменот, со намалување на холестеролот.

[Поврзано: Овес – кралот на доручеците!

Една поголема мета-студија утврдува дека јадењето полнозрнеста храна може да го намали холестеролот во просек за 4,6 поени. Ако таа житарка е овесот, ефектот е за уште 50% подобар! Дополнително, кај лицата со исхрана во која има повеќе житарки, утврдено е зголемување на корисниот HDL холестерол.

[Поврзано: Како да подготвите златна овесна каша?]

Подобриот ефект на овесот и јачменот се смета дека е заради бета-глуканите. Се работи за водорастворливи растителни влакна кои значително го намалуваат ,,лошиот” LDL холестерол.

[Поврзано: Едноставна, а извонредна напивка: ЈАЧМЕНОВА ВОДА! Зошто е толку здрава и како да ја направите?]

Како да знаеме дали внесуваме доволно полнозрнеста храна во секојдневната исхрана?


Со целосното заменување (кое секако може да оди и постепено) на рафинираната храна (бел ориз, бел леб и најразлични продукти од бели брашна), ќе обезбедите доволен внес на полнозрнестите житарки и нивните продукти.

[Поврзано: Лебот е ЗДРАВА храна!]

Fibro Gel

Дополнителни корисни совети во оваа насока:

  • Започнувајте го денот со различен тип на житарка – на пример овес, просо, хељда, различни типови полнозрнести лебови, мешавина од житарки и слично. Овие житарки можете и да ги подготвувате на најразлични начини и во различни комбинации.
  • Изберете го интегралниот, пред белиот ориз – На следниот линк, прочитајте кои се различките помеѓу белиот и интегралниот ориз – Важни разлики помеѓу белиот и интегралниот ориз
  • Секогаш изберете интегрална, пред белата паста (макарони, шпагети итн.)
  • Постојано експериментирајте со различни житарки – обидувајте се во исхраната да вметнувате разновидни житарки. Секоја од нив си има свои благотворни дејства, а и вкус кој може да ви го понуди. Подгответе вкусен фиброгел леб: РЕЦЕПТ за екстра здрав леб – ФИБРОГЕЛ ЛЕБ!
  • Научете ги своите деца уште од помали да преферираат полнозрнеста храна – здравите навики најдобро се стекнуваат од што е можно помала возраст. Доколку поретко му давате на вашето дете пици, бел леб, паста со различни висококалорични сосови итн., а почесто полнозрнеста храна, тоа многу полесно и побрзо ќе стекне здрава навика. На пример можете да му подготвите здрава пица со интегрално брашно, зеленчуци, печурки и кечап!
  • Почесто јадете пуканки и слични полнозрнести грицки – можеби ви звучи изненадувачки, но пуканките подготвени со малку масло се одлични за здравјето! Секогаш кога имате потреба од грицки, изберете пуканки. Многу повеќе за нив, прочитајте во една од нашите претходни статии: ПУКАНКИ – ЕКСПЛОЗИЈА ОД ЗДРАВЈЕ!

Д-р Митов

Д-р Митов

Ние ви помагаме ВИШОКОТ КИЛОГРАМИ и поврзаните БОЛЕСТИ, на ПРИРОДЕН начин и трајно да ги отфрлите, за да бидете: ПОЗДРАВИ, ПОЛЕСНИ и ПОЛЕТНИ!

Leave a Replay

Може ќе ве интересира

Програми

X