Тестостеронот е клучниот машки полов хормон. Тој главно се продуцира во тестисите и во помал обем во надбубрежните жлезди, а одговорен е за сексуалната функција, фертилноста, здравјето на коските, за контролирањето на мускулната маса и низа други многу битни телесни функции.

Опаѓањето на неговите нивоа е нормален, природен процес кој се одвива со текот на времето (секоја година по 1-2%). Сепак, одредени медицински состојби, начинот на живеење и други помали фактори можат да придонесат за намалување на неговите нивоа.

Нормализирањето на нивото на овој хормон се постигнува со одредени медикаменти, но можеме и самите да го поттикнеме организмот да продуцира повеќе тестостерон, преку менувањето на исхраната и зголемувањето на внесот на одредени продукти, но и преку менувањето на некои животни навики.

Зошто намалениот тестостерон претставува проблем?

Како што претходно рековме, нивоата на тестостерон природно се намалуваат со текот на времето. Но, неговите намалени нивоа, низа на студии ги поврзуваат со гојазност, зголемена опасност од повеќе заболувања и со предвремена смртност. Ова не е воопшто изненадување, имајќи предвид колку значајни функции извршува.

Нивоата на овој т.н. ,,машки” хормон, се многу значајни и за жените, заедно со нивниот женски хормон естроген, но и прогестеронот. Кај жените овој хормон се синтетизира во јајниците.

Нормалните граници на тестостеронот за возрасните мажи е помеѓу 300 и 1000ng/dL, а кај  жените помеѓу 8-60ng/dL. Нивото најчесто се утврдуваат со крвен тест или т.н. серумски тестостерон тест.

Симптоми на намалени нивоа на тестостерон:

• Намалена секусална желба (либидо)
• Отежната ерекција – Тестостеронот директно не ја предизвикува ерекцијата, но  стимулира одредени рецептори на мозокот да продуцираат азотен оксид кој е тригер (поттикнувач) за хемиските реакции кои всушност ја овозможуваат ерекцијата. Секако, ова е само една од можните причини за еректилна дисфункција.
• намален волумен на сперма
• губење на косата – Загубата на косата е природна последица на стареењето, но ако е во комбинација и со опаѓање на влакната од брадата, веројатно станува збор за ниски нивоа на тестостерон.
• хроничен замор
• намалена мускулна маса
• зголемени нивоа на масно ткиво
• намалена густина на коски
• чести промени во расположението
• нарушена меморија
• намален обем на тестиси
• анемија

На кои начини можеме самите да го поттикнеме телото да продуцира повеќе тестостерон?

Како што претходно споменавме, со промените во животниот стил, можеме да поттикнеме нормални нивоа на тестостерон. Како?

Здрава исхрана

Она што го јадеме има огромен импакт врз тестостеронот, како и што има и врз нивоата на сите останати хормони.

Ова е уште една дополнителна причина повеќе да обрнеме внимание на здравата исхрана и на калорискиот внес. Низа студии покажуваат дека постојаниот зголемен внес на калории или константното прејадување, води кон нарушени нивоа на тестостерон.

Така, контролирањето на здравата телесна тежина, исхранувајќи се здраво – доволно квалитетни протеини, здрави маснотии и сложени јаглехидрати (+ растителни влакна) – ќе го оптимизира и нивото на тестостерон во организмот.

Прехранбени продукти кои во студиите се покажуваат како поттикнувачи на повисоки нивоа на тестостерон:

▫ Морска храна (школки, туна, лосос, сардини, харинга итн.) – заради високите концентрации на цинк и омега 3 масни киселини
▫ Мешунки и јаткасти плодови – исто така богати со минералот цинк
▫ Калинки – симбол на фертилноста и сексуалната функција
▫ Растителни млека – често се збогатени со многу важен нутриент за синтезата на тестостерон – витамин Д (со овој витамин се збогатуваат и некои сокови од портокал, житарки, млечни продукти итн.)
▫ Зелен лиснат зеленчук – богати со минералот магнезиум, кој може значително да придонесе во зголемувањето на нивото на тестостерон во организмот (со овој минерал се богати и мешунките, јаткастите плодови, семињата, полнозрнастите житарки)
▫ Ладно цедено маслиново масло – богат антиоксидативен состав
▫ Кромид

Прехранбени продукти кои влијаат негативно на нивото на тестостерон и треба да бидат избегнувани:

▫ Препроцесирана храна –богата со празни калории
▫ Конзервирана и храна пакувана во пластика – ваквата храна може да има одредена интеракција со одредени штетни компоненти од пакувањето, па да влијае на наршувањето на хормонските нивоа, вклучително и она на тестостеронот. На пример компонентата бисфеол С, од пластичните шишиња или пластичните садови за јадење, може да ги намали нивоата на тестостерон, но и на естроген.
▫ Алкохол

2) Бидете редовно физички активни

Физичката активност е најефективниот начин да се превенираат сите заболувања поврзани со животниот стил. Интересно, студиите нѝ покажуваат дека таа може да биде корисна и во зголемувањата на нивото на тестотерон.

Имено, едно ново истражување спроведено на гојазни волонтери, дава податоци според кои можеме јасно да заклучиме дека зголемената физичка активност е дури покорисна од претходно споменатата здрава исхрана, во намерата да се подигнат нивоата на тестостеронот.

Иако секоја физичка активност е корисна во оваа цел, за најдобри можат да се сметаат вежбите со тежина (повеќе околу нив, прочитајте тука) и поинтензивните ,,кардио” вежби.

3) Научете да го контролирате стресот на долги патеки

Долготрајно неконтролираниот стрес поттикнува постојани повишени нивоа на стресниот хормон – кортизол. Повишените нивоа на овој т.н. стресен хромон, многу брзо делуваат на намалување на тестостеронот. Ако кортизолот оди нагоре, тестостеронот оди надолу и обратно.

Дополнително, кортизолот води кон прејадувања и зголемување на телесната тежина на долг рок – уште еден ризик-фактор за намален тестостерон.

Повеќе околу кортизолот и начините како да го намалите, прочитајте тука.

4) Спијте доволно

Често се потценува ефектот на квалитетниот сон, но тој е исто толку значаен за здравјето како и исхраната и редовната физичка активност.

Лошата ,,хигиена” на сон може да делува и на нивото на тестостерон во организмот.

Истражувањата утврдуваат дека спиењето само 5 часа во текот на ноќта е поврзано со 15% намалување на тестостеронот.

Една подолготрајна студија утврдува дека хроничниот недостаток од сон (постојаното спиење помалку од 5 часа), значително ги намалува нивоата на тестостеронот (до минималните граници).

5) Користете суплементи и некои природни подобрувачи на тестостеронот

За најефективна суплементација во оваа цел се смета онаа со витаминот Д и цинкот.

Исто така, како корисни се сметаат и суплементите: магнезиум, Б комплекс витамини, витамин Ц, А и Е.

Секако, ако имате намера да користите било какви суплементи, за било која цел, треба претходно да се консултирате со вашиот лекар. Ова особено важи ако имате одредена дијагноза и користите некаква терапија.

Само за неколку природни ,,подигнувачи на тестостеронот” постои научна поткрепа, а највеќе за билката ашваганда. Докази постојат и за екстрактот од ѓумбир.

Ќе споменеме само две студии. Едната вели дека ашвагандата може да ги намали нивоата на кортизол за 25%, што претходно споменавме, по автоматизам го крева нивото на тестостеронот. Според другата студија, ашвагандата може да го зголеми тестостеронот за дури 17%, а бројот на сперматозоиди (клетки) за дури 167%.

Многу повеќе околу тоа што велат студиите за овој најсилен природен афродизијак, прочитајте тука.

Краток заклучок:

Сите претходни совети за подигнување на тестостеронот без исклучок, се преклопуваат со она што значи здрав животен стил, односно усвојување на принципите на здравиот живот. Здрава исхрана, избегнување алкохол, непушење, редовна физичка активност, квалитетен сон, менаџирање со стресот  и одржување нормална телесна тежина.

Значи, покрај другите добро познати бенефити од водењето на животот според овие принципи, како причина плус нека бидат и нормалните нивоа на тестостерон.

Убавината на насмевката е можеби еден од важните фактори во градењето  самодоверба. Заради овие причини, луѓето ширум светот трошат значителни средства за белење на забите. Но постои загриженост околу составот, односно безбедноста на препаратите за белење и дилема дали можеме на некои начин самите дома да придонесеме за бели заби.

Секако, со редовната и темелна хигиена на усната празнина, секој од нас може да превенира од различни орални инфекции, воспаленија, па и од менување на бојата на забите. За среќа, постојат и дополнителни природни, лесни начини како да ги направите вашите заби побели. Во продолжение, нешто повеќе на оваа тема.

Што ги пожолтува забите?

Голем број на фактори можат да придонесат за менување на природната, бела и сјајна боја на забите.

На пример, одредени типови храна можат да придонесат за оштетување на забната глеѓ, заштитниот слој на забите и на тој начин да придонесат за пожолтени заби. Веднаш под глеѓта се наоѓа забно ткиво кое има природно жолто обојување.

Развивањето на забниот плак (заради лоша хигиена и исхрана), исто така може значително да придонесе за пожолтените заби. Дополнително, лошата навика пушење е огромен ризик-фактор за жолти заби.

Други ризик-фактори:

▫ возраст
▫ честа употреба на силно пигментирана (обоена) храна и/или пијалаци
▫ употреба на антибиотици
▫ наследен фактор
▫ јонизирачко зрачење итн.

1) Направете промени во исхраната

Избегнувајте храна која може да ги оштети забите, како препроцесираните производи со додадени шеќер, сол и заситени масти. Намалете и со честата употреба на силно пигментирана храна, која содржи танини, како виното, чајот итн.

Дополнително, кафето, газираните пијалаци и цитрусните овошки, поради киселата средина, можат исто така значително да придонесат за оштетување на глеѓта, што ќе води до промена на белата боја на забите.

Стоматолозите препорачуваат миење на забите после најмалку половина час од оброкот, токму поради можното присуство на киселините од храната.

Јадете повеќе овошје и зеленчук, бидејќи тоа е добро и за вашата орална хигиена. Јадењето на крцкавите, свежи плодови може да помогне во отстранување на забниот плак, а одредени овошки, како на пример ананасот и папајата, содржат бромелаин, ензим со докажана ефективност во отстранувањето на обојувањата на забите, поголема дури и од пастите за заби.

Храната богата со калциум, исто така значително придонесува за превенција од ерозијата на забниот енамел (глеѓ).

2) Оставете ги цигарите

Уште една причина плус за да ги оставите цигарите, во морето на причини – пожолтени заби и подобра орална хигиена. Добро е познато дека тутунот може да ја оштети забната глеѓ, но и да го зголеми ризикот од најразлични заболувања на усната празнина, па дури и малигни.

[Поврзно: Побелен ЈАЗИК – што може да значи, што го предизвикува и како да си помогнеме?]

3) Ладно цедени масла

Премачкувањето на забите со ладно цедени масла е значаен дел од оралното здравје во индиската традиционална медицина.

Целта на премачкувањето е отстранување на бактериите кои имаат потенцијал да создадат забен плак и да ги пожолтат забите.

Не постојат конкретни научни студии кои потврдуваат дека премачкувањето со овие масла може директно да ги побели забите, но од друга страна, јасен е силниот антимикробен ефект на повеќето масла, како кокосовото на пример. Ова масло и не е баш погодно за консумирање поради големата концентрација на заситени маснотии, но е одличен избор за оралната хигиена и одржувањето на здрава кожа.

Различните видови од Streptococcus бактериското семејството, се главна причина за формирање на забниот плак и развивањето на гингивитис. Поголем број научни истражувања покажуваат дека редовното премачкување на забите со различни масла (како сусамовото, на пример), може значително да го намали бројот на овие бактерии и да помогне при забен плак и гинтивитис. На тој начин, ваквото премачкување индиректно помага во превенцијата и борбата со пожолтените заби.

[Поврзано: ГИНГИВИТИС или воспаление на непцата – причини и последици!]

За премачкување на забите, како најдобро масло се покажало кокосовото. Има пријатен вкус и иако е во цврста форма, на температурата во усната празнина лесно ќе се растопи. Употребувајте 1 кафена лажичка масло од кокос со која ќе ги премачкувате забите неколку минути. Оставете го маслото да стои 10-тина до 15 минутиа, а потоа, плукнете го.

За разлика од другите методи за побелување на забите, при премачкувањето со масло не ги изложувате забите на киселини кои можат да ја уништат забната глеѓ. Затоа, овој метод можете сосема безбедно да го применувате секојдневно.

4) Четкање на забите со употреба на сода бикарбона

Содата има природни својства кои ги побелуваат забите, затоа и често се употребува во комерцијалните пасти за заби. Taa е умерено абразивно средство кое може значително да помогне во отстранувањето на различните пигменти кои можат да се најдат на забите.

Дополнително, добро е познато дека содата создава силно алкална средина, oдносно pH средина во која бактериите е невозможно да се развиваат. Важно е да се каже дека за да се забележат ,,побелувачките” резултати од четкањето со содата, потребно е редовно нејзино употребување подолг период.

За да ја употребите содата, растворете 1 лажичка сода во 2 кафени лажички вода и четкајте ги забите со оваа смеса. Правете го тоа неколку пати во неделата.

[Поврзано: Природни решенија за непријатниот здив]

5) Куркумата може да помогне?

Исто како и кај ладно цедените масла, за куркумата нема директни податоци кои би покажале дека помага за оваа цел, но познато е нејзиното силно антивоспалително и антимикробно дејство.

Постојат истражувања кои велат дека куркумата може да придонесе во превенцијата и борбата со гингивитис и другите заболувања на непцата. Таа може да помогне и во отстранувањето на забниот плак, да го оневозможи растотот на штетните бактерии и да придонесе за намалување на инфламацијата во усната празнина.

,,Пастата” со куркума можете да ја направите на следниот начин: искомбинирајте и добро измешајте ⅓ лажичка куркума со 1 супена лажица кокосово масло. Четкајте ги забите со смесата неколку минути, а потоа оставете ја на забите околу 5 минути. На крајот исчеткајте ги забите со комерцијална паста за заби.

[Поврзано: Антиканцерогената куркума – како да го подобрите апсорбирањето за 2000 пати!]

На крајот – превенцијата е најважна

Најдобро е да превенираме воопшто да дојде до пожолтување и на забите, а тоа најдобро ќе го постигнеме со одржување на оптимална, редовна орална хигиена – редовно миење на забите (најмалку 2-3 пати дневно), користење на конец за заби, листерин и редовни превентивни прегледи кај стоматолог.

Дополнително, значаен дел од она што значи превенција е и правилната исхрана. Балансираната и здрава исхрана подразбира помалку процесирани шеќери, кои се инаку најпогодна средина за развој на бактериите од наслагите на непцата и забите и доволни количества на храна богата со витамин Ц и со сите други нутриенти потребни за силен имунитет и здравје на забите и непцата.

Голем дел од луѓето имаат проблем со непријатен здив. Претходно зборувавме за можните причини и некои природните решенија за овој проблем, а денес нешто повеќе околу една честа причина за непријатен здив, која можеби ја игнорирате.

[Поврзано: Природни решенија за непријатниот здив]

Дали некогаш сте имале чувство дека нешто ви е заглавно во пределот на грлото, а не сте сигурни за што се работи? Се обидувате да го искашлате, но проблемот никако да се реши. Во ваква ситуација, можно е да се работи за тонзилни камчиња или камчиња во крајниците. Ако не сте слушнале за нив, имате среќа, бидејќи оние кои се соочуваат со проблемот знаат дека овие камчиња создаваат силна нелагодност, нервоза, но и непријатен мирис од усната празнина.

Што претставуваат овие камчиња, зошто се развиваат, колку траат и како да се ослободиме од нив?

Што сe тонзилните камчиња?

Тонзилните камчиња или камчињата на крајниците се релативно мали грути, налик камчиња кои се појавуваат во пределот на крајниците. Имаат жолто или бело обојување , а се составени од талози или остатоци од храна. Се формираат и ,,заробуваат” во малите празнини во крајниците.

Покрај остатоците од храна, во нив се наоѓаат и бактерии, плунка или мукозна течност, мртви клетки и повеќе други супстанци. Непријатниот мирис кои го предизвикуваат се должи на присуството на сулфур и дејствувањето на бактериите кои создаваат метаболити со непријатен мирис.

Иако сите луѓе имаат празнини (тонзилни крипти) во пределот на крајниците, сепак само кај одредени поединци доаѓа до развивање на вакви камчиња. Зошто?

Не постои конкретен одговор, но појавата на овие камчиња се поврзува со хронична инфламација и проблеми со синусите. Дополнително, познато е дека луѓето со чести проблеми со воспаление на крајниците и анатомски поголеми крајници, почесто развиваат тонзилни камчиња.

Симптоми

Луѓето кои веќе еднаш имале тонзилни камчиња се свесни кога тие повторно се појавуваат, но доколку никогаш сте ги забележале или почувствувале, можно е тие да се ,,сокриени”. Всушност, можно е камчињата сами да се ,,откачат”, па да ги проголтате заедно со храната без да го забележите тоа.
Следните симптоми можат да послужат како доказ дека сте имале тонзилни камчиња:

• Болки во грлото
• Кашлица
• Тешкотии при голтањето
• Непријатен здив
• Чувство дека имате нешто заглавено во пределот на грлото
• Чувство на притисок во ушите
• Метален вкус во устата

Како да ги отстраните овие камчиња?

Во зависност од длабочината на тонзилните крипти и големината на камчињата, нивното отстранување може да биде нешто полесно или потешко.
Кога камчињата се поголеми и се лесно видливи на огледало:

▫ Со памукче нежно притиснете околу камчето, за да можете полесно да го повлечете кон предниот дел на устата. Доколку камчето не е видливо, ќе треба нешто посилно да притиснете од страните на образот, за да можете да го извадите.

▫ Направете гаргара со 50% воден раствор на сол.

Ако камчињата се цврсто ,,приклештени” и не можете самите да ги извадите, не ги оставајте, туку јавете се на лекар кој ќе ви ги отстрани со специјални инструменти за таа намена. Никако немојте да употребувате некакви остри предмети при вадењето, бидејќи местото е доста нежно е лесно можете да го повредите, при што би дошло до крварења, иритации и инфекции. Затоа, доколку е неопходно, посетете лекар.

Кога ќе извадите едно камче, проверете дали има уште некое, бидејќи најчесто првото не е и единствено, туку е дел од поголеми наслаги.

Пример како самите да ги извадите камчињата, можете да погледете и на следниот линк.

Достапни третмани

Кај некои луѓе тонзилните камчиња се јавуваат од време на време, но кај поединци тие се хроничен проблем. Ако постојано ви се појавуаат камчињата или имате постојано воспалено грло, заедно со камчиња, консултирајте се со лекар. Најчесто стручните лица препорачуваат антибиотски третман, гаргара со солена вода и физичко отстранување на камчињата.

Во одредени исклучителни ситуации, се предлага и посебна ласерска метода со која се менува обликот на крајниците, односно тонзилните крипти и на тој начин се оневозможува понатамошен развој на тонзилни камчиња. Процедурата се изведува со локална анестезија. Сепак, не секогаш перманентно се решава проблемот со примената на ваква процедура.

Како да превенирате тонзилни камчиња?

Можеби најдобриот начин за справување со тонзилните камчиња е самата превенција. Таа се постигнува со добра хигиена на усната празнина: редовно четкање на забите (најмалку 2-3 пати во денот), користење на конец за чистење на забите, редовни прегледи кај стоматолог, користењето на некои средства за орална хигиена итн.

Со ова се постигнува превенција од кариес, забен плак, забен камен, различни инфекции во усната празнина итн. Сите овие фактори можат да бидат значаен предуслов за формирање на тонзилни камчиња.

Поврзани теми: ГИНГИВИТИС или воспаление на непцата – причини и последици!
Побелен ЈАЗИК – мал или голем проблем?

ЗАРАДИ ГОЛЕМИОТ ИНТЕРЕС, ЈА ПРОДОЛЖУВАМЕ ПРОМОЦИЈАТА ДО 11-ТИ ЈАНУАРИ, ПОНЕДЕЛНИК!

———————————————————————————————-

А започнуваме на 15-ти ЈАНУАРИ!

ЗОШТО ЈА ПРАВАМ ОВАА ПРОМОЦИЈА?

Имам еден личен голем предизвик: КАКО ДА ГИ НАТЕРАМ МАЈКА МИ И ТАТКО МИ ДА ОСЛАБАТ? 🙂  Досега не ми успеало! И тие се пензионери, и тие се седнати дома со цела ситуација, и тие ми велат дека „ништо не јадат“, a килограмите се качуваат ли се качуваат и им го нарушуваат здравјето…

ЗА КОГО Е НАМЕНЕТА оваа промоција?

САМО за лица над 60 годишна во3раст!

ШТО ПОДРАЗБИРА ПРАЗНИЧНАТА ПРОМОЦИЈА?

После празнично „чистење на телото” од сите вишоци собрани за време на празниците: холестерол, маснотии, шеќер, задржана вода…

Учесниците ќе добијат:

• тримесечна програма од 15 јануари до 15 април во формат:
• 12 НЕДЕЛНИ МЕНИ за исхрана според препораките на д-р Митов
• препораки и мотивација за пешачење и физички вежби
• Фејсбук група  САМО за  учесниците во кои ќе имаат редовни и екслузивни презентации од д-р Митов
• награди за учесниците со најдобри резултати, пример – најголемо намалување на тежината.

ШТО ЌЕ СОДРЖИ НЕДЕЛНОТО МЕНИ?

• МАКЕДОНСКА храна! Нема авокада, киноа, чиа…
• Достапни и евтини препознатливи производи
• Лесни за готвење и блиски на македонската кујна!

КОГА ЗАПОЧНУВА?

                ПРИЈАВУВАЊЕТО ќе биде: од 29-ти декември до 5-ти јануари!

                ПОЧЕТОК: 15 -ти јануари!

ЦЕНА?

          Еден месец е 330 денари, а вкупната збирна цена на ПРОМОЦИЈАТА е 990 денари.

Како се разликува ПРАЗНИЧАТА промоција од ПРОГРАМИТЕ за животен стил?

Кај Програмите, има лични консултации со д-р Митов, и директна секојдневна комуникација. Празничната промоција за пензионери ќе биде групна, и комуникацијата ќе се одвива преку Фејсбук група.

Има два начини на уплата:

1) Преку веб страната, со картичка, на следниот линк : Промоција за пензионери – Д-р Митов (drmitov.mk)

2) Преку банка, на сметка:

ДУТП  ЦЕНТАР ЗА ЛАЈФСТАЈЛ МЕДИЦИНА ФЕНИКС ДООЕЛ увоз-извоз Скопје

СМЕТКА БР.210-071-581-220-108 НЛБ Тутунска Банка

ЦЕЛ НА ДОЗНАКА:

Празнична промоција

990 денари (330 за месец)

Идеален подарок за вашите најблиски за празниците!

Среќни и здрави празници!

Човекот го искусува и учи за светот и околината преку своите сетила. Едно од нив е и сетилото за допир.

Без разлика дали се работи за ,,обична” прегратка со пријателот или гушкање со блиска личност, допирот или физичкиот контакт претставува и начин да ја покажаме својата наклоност, приврзаност кон некого. Секако, тоа зависи и од културата, а според нашиот менталитет кој е близок до Медитеранскиот, физичкиот контакт е од особена важност. Тоа го докажа и изминатиов периодот на пандемијата со коронавирусот, односно навистина тешкото доживување на неопходноста од физичката дистанца.

[Поврзано: Чудото на природата наречено ,,допир”]

Окситоцин – хормон на љубовта

Зад потребата од допир и чувството на љубов и припадност кое со себе го носи тој допир, стои сложен биохемиски механизам. Допирот, односно прегратката стимулира лачење на окситоцин од страна на хипофизата, жлезда во мозокот.

Окситоцинот се смета за хормон на љубовта и својот пик го доживува за време на сексуалниот чин и оргазмот. Овој хормон придонесува за градење на чувство на припадност и врска помеѓу партнерите. Но, неговата функција не запира овде. Окситоцинот во истражувањата покажува и низа на други функции и здравствени бенефити.

Во продолжение, нема да зборуваме за некакви магични ефекти од гушкањето, тука научно потврдени корисни дејства од допирот со некоја за нас значјана личност.

1) Гушкањето го подобрува сонот!

Огромен дел од популацијата страда од недостаток од сон, поради најразлични причини – неконтролиран стрес поради брз ритам на живот, некакви хронични заболувања кои се пропратени со хронични болки, различни здравствени проблеми поврзани со сонот, како спиечка апнеа итн.

Истражувањата покажуваат дека повишените нивоа на окситоцин можат да го продолжат траењето и да го подобрат квалитетот на сонот, но да придонесат и за поправилен ритамот на дишење и забрзана циркулација на крвта. Многу повеќе околу придобивките од гушкањето за квалитетот на сонот, прочитајте во една од нашите претходни статии.

[Поврзано: Како да го подобрите сонот?]

2) Гушкањето може да помогне за слабеење?

Постојат низа физиолошки фактори кои стојат зад варијациите во телесната тежина, но кога станува збор за психолошкиот дел од процесот на слабеење (исто така многу битен дел од процесот), повишените нивоа на окситоцин поради гушкањето, можат да бидат од значителна помош. Имено, според достапните истражувања, окситоцинот ја намалува потребата за јадењето поради задоволство (емотивно прејадување) и на тој начин го поттикнува чувствотото на ситост.

Во една од претходните статии зборувавме околу различните начини како да помогнете на некоја ваша блиска личност доколку има проблеми со телесната тежина. Таму споменавме 10 начини, а гушкањето нека биде 11-тиот! Повеќе на темата, прочитајте тука.

3) Го намалува хроничното воспаление

Воспалението е неопходен и корисен механизам на борба со различни ,,итни” состојби во организмот, како на пример физички повреди. Сепак, хроничните процеси на воспаление, кои често се јавуваат поради различни причини, се вбројуваат помеѓу главните ризик-фактори за појава на т.н. болести на модерното време или повеќето најзастапени хронични заболувања: различни кардиоваскуларни, дигестивни болести, дијабет, па дури и малигни заболувања. Повеќе на оваа тема прочитајте тука.

Не само што окситоцинот може да поттикне поинтензивна синтеза на Т-регулаторните клетки, што води до намалување на инфламацијата, туку овој хормон го намалува воспалението и преку намалувањето на проинфламаторните протеини, наречени цитокини.

4) Физичкиот допир има потенцијал да ги намали симптомите на анксиозност

Одамна ни е познато дека прегратката знае да ни го намали стресот и да делува смирувачки, а во поново време и науката го потврдува позитивниот ефект на физичкиот допир во однос на намалувањето на симптомите на анксиозност, па дури и на нејзините потешки облици.

5) Поздраво срце!

Веќе зборувавме дека истражувањата ги поврзуваат покачените нивоа на окситоцин, со намалувањето на процесите хронична инфламација и анксиозноста, но исто така, овој хормон може да го намали и стресот, како и високиот крвен притисок. Сите споменати фактори влијаат лошо на здравјето на срцето. Така, може да се смета дека прегратката е своевиден лек и за срцето!

6) Гушкањето го појачува имунитетот

Веќе рековме дека окситоцинот може да ги зголеми нивоата на Т- регулаторните имуни клетки, што води кон балансирање и појачување на имуниот одговор.

Дополнително, гушкањето поттикнува и лачење на хормонот на среќата, наречен серотонин. Околу 95% од овој хормон, кој се смета и за невротрансмитер (исто како што се смета и окситоцинот), се продуцира во дигестијата. Серотонинот исто така делува стимулирачки во однос на имунитетот. Впрочем, според некои студии, почестото гушкање нè прави поотпорни на заболувања, а ако тие се појават, ги олеснува нивните симптоми.

[Поврзано: Како ИМУНИТЕТОТ е поврзан со животниот стил?]

7) Ги олеснува хроничните болки

Истражувањата утврдуваат значително пониски нивоа на окситоцин кај лицата кои страдаат од различни облици на хронични болки. Окситоцинот може да ги намали болките кај луѓето кои се соочуваат со болки во половината, но и оние кои страдаат од посилни болки, како болки при канцер, хронични стомачни болки итн.

[Поврзано: 5 правила за самопомош кога сме соочени со ХРОНИЧНИ БОЛКИ
Имате хронични болки? Губењето килограми може значително да Ви помогне!]

Гушкањето, може да придонесе и за:

▫ Зајакнување на пријателските, родителските и љубовните врски
▫ Намалување на стресот и напнатоста
▫ Намалување на чувството на осаменост, страв, летаргија, безволност и тага

▫ Подобрување на расположението итн.

Високите нивоа на глукоза во крвта се примарна грижа за луѓето со дијабет. Ова е случај кога телото не може ефективно да ја транспортира глукозата од крвта до клетките кои имаат потреба од неа.

Продолжените периоди на нетретирана ваква состојба, можат да водат кон дијабет или шеќерна болест.

Зошто е важно контролирањето на шеќерот во крвта?

,,Држењето” на шеќерот во нормални граници е од голема помош за избегнување на посериозните компликации кај луѓето со дијагностициран дијабет.

Високиот крвен шеќер може да предизвика повеќе непријатни, лоши ефекти кои можат да се јават одеднаш, како киселинско натрупување во крвните садови или да се развиваат со текот на времето.

При долготрајно нетретираните високи нивоа на шеќер во крвта, може да настанат оштетувања на поголемите крвни садови во неколку органи и органски систем, што може да води кон посериозно последици, вклучително:

• нарушен вид и слепило
• инфекции на екстремитетите и ампутации
• откажување на бубрезите и потреба од дијализа
• срцев и мозочен удар
• периферно васкуларно заболување
• оштетувања на нервниот систем

Одржувајќи го нивото на шеќер под 100mg/dL пред јадењето и под 180mg/dL по јадењето, луѓето со дијабет можат значително да си помогнат во намалувањето на ризикот од несаканите компликации.

10 природни начини како да го намалите или да го одржите нормалното ниво на глукоза во крвта

1) Бидете редовно физички активни

Редовното вежбање може да помогне во намалувањето на телесната тежина и во подобрувањето на инсулинската сензитивност. Ова значи дека клетките ќе имаат подобрена способност за искористување на шеќерот во крвотокот.

Физичката активност помага и во согорувањето на шеќерите од мускулатурата, за енергија за мускулни контракции.

За умерена физичка активност, како што е пешачењето, брзото пешање, возењето велосипед, работата во градина итн, способен е секој без разлика на возраста и физичката спремност.

2) Одржувајте здрава телесна тежина

Губењето килограми помага во контролирањето на шеќерот. Луѓето со повишена телесна тежина имаат зголемен ризик од инсулинска отпорност. Гојазноста можеби и е примарната причина за појава на дијабетот тип 2.

Студиите покажуваат дека намалувањето на телесната тежина за само 7%, може да ги намали шансите за развивање на дијабет дури за 58%.

Многу е важно да се разбере дека пациентот не треба да дојде до идеалната телесна тежина за да има корист од тоа, токму споменатата студија е доказ.

3) Внимавајте на внесот на јаглехидрати и што е поважно, нивниот тип

Телото, освен што директно ги добива шеќерите, ги добива и индиректно преку разградувањето на сложените јаглехидрати или полисахаридите. Тоа се големи молекули кои се составени од низа на шеќерни мономерни единици.

Кога ќе внесете поголеми количества јаглехидрати, особено ако имате проблем со дијабетот, нивоата на глукоза во крвта драстично ќе пораснат.

За среќа, постојат начини како да си помогнете, а тоа е да внимавате на внесот на јаглехидратна храна и кога ја внесувате, таа да биде полнозрнаста или интегрална. Полнозрнастата храна има помал гликемиски индекс, односно поспоро се разградува и на тој начин, глукозата постепено се ослободува во крвотокот.

Полнозрнастата и интегрална храна се интегралните житарки, тестенини, ориз итн.

4) Зголемете го внесот на растителни влакна-фибер

Покрај тоа што фиберот го намалува гликемискиот индекс на полнозрнастата и интегрална храна која е богата со јаглехидрати, тој делува и на чувството на ситост, претставува храна за корисната цревна микрофлора и што е многу значајно, ја успорува целокупната дигестија(го намалува гликемискиот индекс на внесената храна).

Ова значи дека треба да гледате во секој оброк да има присутни растителни влакна. Други добри извори на фибер се свежата храна, мешунките, јатките итн.

Препораките за внес на фибер во текот на еден ден се 38g за мажи и 25g за жени. Доколку тешко го достигнувате ова ниво, можете да се обидете и со фибер суплементи.

5) Јадете помали порции

Помалите порции можат да го намалат калорискиот внес и да водат кон слабеење. Контролирањето на телесната тежина најчесто оди рака под рака со здравите нивоа на шеќер во крвта и го намалува ризикот од дијабет тип 2.

Со тоа што се намалува општиот внес на храна, се превенираат и силните шеќерни пикови по оброците.

6) Најдете механизми за контролирање на стресот

Истражувањата наоѓаат директна релација помеѓу стресот и нивоата не шеќер во крвта.

Хормоните како глукагон и кортизол се лачат при стресни ситуации и индиректно предизвикуваат зголемување на нивоата на глукоза во крвотокот.

Една студија која за волонтери имала повеќе студенти, вели дека релаксирањето и медитацијта значително можат да го намалат стресот, а со тоа да ги намалат нивоата на шеќер во крвта.

7) Редовно следете го нивото на шеќер во крвта

Мерењето и следењето на глукозата во крвта во студиите се покажало од значителна помош во нејзиното контролирање.

На пример, ваквото следење овозможува полесно да заклучите дали и кога треба да направите одредени промени во оброците или медикаментите, а исто така може да помогне и во откривањето на влијанието врз вашето телото на одредени конкретни прехранбени продукти.

8) Спијте доволно

Лошите навики за спиење исто така можат негативно да влијаат на нивото на глукоза во крвта, но и на инсулинската сензитивност. Може да водат до повишен апетит и да поттикнат развивање на гојазност.

При нарушен сон, нивоата на хормонот за раст опаѓаа, а се зголемува нивото на кортизол, кој рековме дека влијае негативно во однос на шеќерот. Хормонот за раст, исто така игра улога во контролирањето на глукозата во крвта.

Секако, сонот е значаен и за многу други аспекти од општото здравје.

9) Јадете повеќе храна богата со магнезиум и хром

Високиот шеќер е поврзан и со недостатокот од одредени микронутриенти, како минералите хром и магнезиум.

Хромот е значаен во метаболизмот на мастите и јаглехидратите, контролата на глукозата во крвта и неговиот недостаток може да води до јаглехидратна интолеранција. Храна богата со хром е полнозрнастата храна(житарки), кафето, јатките, мешунките, брокулите итн.

Во една студија, луѓето кои имале исхрана богата со магнезиум, имале за дури 50% помал ризик од развој на дијабет.

Храна богата со магнезиум: зелен зеленчук, темна чоколада, банани, мешунки, риба, полнозрнасти житарки итн.

10) Пијте доволно вода

Пиењето доволно вода може да го одржи нивото на глукоза во крвта во здрави граници.

Дополнително, спречувањето на дехидратацијата ја помага работата на бубрезите во филтрирањето на вишокот шеќер од крвта во урината.

Низа од студии укажуваат дека редовното и доволно хидрирање ја рехидрира крвта, го намалува нивото на шеќер во неа и го намалува ризикот од развивање дијабет.

Општо е познато дека за пандемијата на гојазноста во модерното време, пред сé  одговорни се неправилната исхрана и физичката неактивност. Но, дали сте знаеле дека постојат и класи синтетски соединенција кои се поврзуваат со нагло зголемениот ризик од гојазност? Тие се наречени обезогени соединенија и се наоѓаат во низа секојдневни производи.

Во продолжение, дополнителни причини плус за исфрлање од употреба на пластичните чашки, прибор и различните прехранбени пластични пакувања и причина плус за зголемување на внесот на свежа и непроцесирана храна.

Што се обезогени соединенција?

Обезогените соединенција се синтетски или вештачки добиени хемикалии кои можат да се најдат во различните пакувања за храна, пластичен прибор и прибор за готвење. Ваквите компоненти се сметаат за нарушувачи на ендокрината функција на организмот.

На тој начин, тие влијаат и врз телесната тежина. Освен тоа, тие можат и да нарушат некои други хормонски дејства, делувајќи на фертилноста и пубертесткиот развој.

Постојат над 20 утврдени обезогени соединенција, а ваквото име го добиле пред 16 години, кога било утврдено нивно нарушувачко дејство на метаболитичките процеси, што резултирало со зголемена телесна тежина, но и општо, зголемен ризик од зголемена телесна тежина во текот на животот.

Според истражувањата, обезогените соединенија го поттикнуваат зголемувањето на телесната тежина преку нарушувањето на метаболизмот на адипоцитите(масните клетки), зголемувајќи ја резервната енергија во масните ткива и  преку нарушувањето на невроендокрината контрола на апетитот и заситувањето.

Кои се најчестите обезогени супстанции?

1) BPA или бисфенол А

Токсичниот ефект на ова соединение е добро познат и се состои од зголемена инфламација, инфертилност и недостаток од витамин Д.

Но, според новите истражувања, ВРА се поврзува и со гојазноста и дијабетот. Една мета-студија од 2019 укажува на можна причинско-последична врска помеѓу детската гојазност и изложеноста на споменантата хемикалија бисфенол А.

Најчесто бисфенол А се користи кај пластичните шишиња, пластичниот прибор за една употреба, играчките, некои типови на медицински прибор, ПВЦ пластични компоненти, но исто така можно е да се сретне и кај металните буриња за пиво, металните пакувања за кафе, лименките и металните затворачи за тегли.

2) Фталати

Фталатите се хемикалии кои се додаваат на пластиката, со цел зголемување на нејзината флексибилност и рок на траење. Нашле примена во широк спектар на козметичките продукти и пакувањата за храна, но и детските играчки, кремите за сончање, детергентите итн.

Се смета дека во САД над 75% од населението во својот организам има одредено количество од овие компоненти.

Една мета-анализа од 2019 година, анализирала податоци од 29 истражувања, по што дошла до заклучок дека постојат силни индикации за директна поврзаност на изложеноста на фталати и гојазноста, особено кај повозрасните лица.

Покрај негативниот ефект во однос на метаболизмот и гојазноста, фталатите се поврзуваат и со репродуктивни нарушувања, вкучително оштетувања во ДНК на сперматозоидите, токсичност за тестисите и нарушен пубертет.

3) Полихлоринирани бифенили

Синтетски компоненти со широка индустриска примена, вклучително како обојувачи на хартија, пластификатори на боите, а присутни се и во различни пластични и гумени производи. Иако во повеќето земји веќе овие компоненти се забранети, сепак сé уште можат да се најдат во многу производи, но и како загадувачи на водите и почвите.

Тие можат да се акумулираат во листовите и другите делови од растенијата и на тој начин да станат храна за рибите и другите животни, но да стигнат и до трпезите.

Студиите нашле релација помеѓу развојот на гојазност и овие компоненти. Дополнително, пронајдени биле и влијанија на зголемената инсулинска резистентност, зголемен ризик од дијабет тип 2 и метаболен синдром.

4) Атразин

Еден од најчесто употребуваните хербициди, односно земјоделски препарати за заштита на насадите од треви и други штетници. По нанесувањето на почвите, тој може да навлезе во нив, а така да стигне и до подземните води и евентуално да ја контаминира водата за пиење. Секако, дел од овој хербицид може да остане и на самите земјоделски култури.

Истражувањата покажуваат дека оваа компонента може да придонесе за развивање на инсулинска резистентност и гојазност, особено во комбинација со исхрана богата со маснотии.

Како да ја намалиме нашата изложеност на овие штетни компоненти

Кога се работи за овие обезогени супстанции, најважно е да се внимава дали бебињата и децата се изложени на нив, бидејќи во првите години од животот телото сé уште нема доволно развиени контролни механизми за тежината, а и штетите се повозможни. Секако, изложеноста е опасна за секого, па во продолжение неколку совети како да ја намалите изложеноста на ваквите штетни соединенија:

• Избегнувајте храна која е пакувана во било каква пластика

• Употребувајте стаклени чаши и шишиња(стаклото е најинтертниот, односно најмалку реактивниот материјал за пакување, единствената маана му е нееластичноста и лесната кршливост)

• Не ставајте пластични садови или разни пластични пакувања со храна во микробранова

• Употребувајте повеќе домашно подготвена козметика

• Внимавајте дали пластични продукти кои ги користите содржат ВРА

• Употребувајте прибор за готвење од нерѓосувачки челик, од легури на железо и карбон или од отпорно стакло

• Добро мијте ја и јадете повеќе свежа храна