Uncategorized

Во модерното време кое се одликува со постојано брзање, стрес и натпревар за поголема работна продуктивност, не е воопшто лесно да се биде трпелив или толерантен. Трпеливост е вредност чија практична применливост во секојдневнието многу се потценува.

Трпеливоста е всушност нашиот капацитет за прифаќање или толерирање на одреден вид непријатност која ни е причинета од различни фактори, без да се бидеме нервозни и вознемирени. Под вознемиреност и нервоза може да се подразбира и стресот. Постојаното ,,насобирање” на малите моменти на вознемиреност и нервоза во секојдневнието е пат кој води кон хроничен стрес.

Наоѓањето начин за справувањето со стресот е една од клучните работи во одржувањето на она што значи добро ментално, но и целокупно здравје.

[Поврзано: Како СТРЕСОТ ја зголемува телесната тежина и што да направите за да го
спречите тоа?
Како стресот го намалува имунитетот?]

Зошто трпеливоста се смета за вредност?

Вредност е некаков начин на однесување кој отсликува високи морални стандарди. Трепеливоста всушност ја отсликува нашата способност за ,,контрола на себеси”.

Во продолжение нема да зборуваме за трпеливоста од философски аспект, туку ќе ги наведеме потенцијалните корисни ефекти од применувањето на смиреноста, толерантноста, стрпливоста и истрајноста, како дел од начинот на живеење.

1) Овозможување на подобар фокус на долгорочните цели

Добар пример за ова е процесот на слабеење. Доколку очекувате и добивате ПРЕБРЗИ резултати, не сте на добар пат. Големите промени, како промените на начинот на живот кој ве донел до проблемот гојазност, имаат потреба од подолг период.

Во текот на процесот на слабеење ќе ви се јават низа препреки, а ако дозволите тие да ве ,,допрат” и дефокусираат, значително ќе си го усорите патот до целта.Потребно е да бидете стрпливи. Трпеливоста ќе ви овозможи посвесно или порационално да согледате вашите предности и да продолжите со нив, но и полесно да ги детектирате и поправите грешките.

[Поврзано: Важни принципи на процесот наречен слабеење – Што треба, а што не треба да правите?]

2) Правење подобри избори

Кога одлуките ги носите со ,,ладна глава”, секако дека исходот ќе биде подобар. Можноста за рационално согледување на работите и на тој начин олеснување на најразличните избори пред кои ќе бидете ставени во текот на животот е една од најпозитивните работи кои може да ги поттикне трпеливоста како начин на однесување.

Емоциите нè надвладуваат или ни ја превземаат контролата над себеси најчесто кога не сме во ситуација да истролерираме некаква стресна ситуација.

3) Полесно градење доверба

Нестрпливоста често може да нè натера да се откажеме од најразлични работи, како на пример некакви обврски. Ако луѓето знаат дека сте трпеливи, многу полесно ќе можат да ви веруваат и да се потпираат на вас.

Градењето доверба помеѓу вас и луѓето кои ви значат на било кој начин е многу важен аспект од она што значи социјален живот – елемент без кој не можеме да функционираме.

4) Подобро ментално здравје

Способноста за справување со хроничниот стрес и за порационално размислување кои можат да бидат поттикнати од трпеливоста, се од особено значење за доброто психичко здравје.

Хроничниот стрес е непријател број еден за менталното здравје. Честото емотивно носење одлуки може да нè направи уште поизложени на стресни ситуации.

[Поврзано: Како да препознаете високи нивоа на КОРТИЗОЛ]

5) Подобро физичко здравје

Психичкото и физичкото здравје се неразделиви и се во постојана меѓусебна интеракција.

Трпението ни овозможува попозитивно да гледаме на работите и да го избегнеме стресот. Добро е познато дека хроничниот стрес се поврзува со зголемен ризик од  најразлични заболувања, како дигестивни проблеми, висок крвен притисок и најразлични други кардиоваскуларни проблеми.

[Поврзано: Дали оптимистите се поздрави?
Синдром на скршено срце – може ли да се умре од тага?]

6) Трпението ќе ве направи пољубезен и подобар човек

Полесно ќе можете да ислушате некого и да му покажете дека ви значи. На тој начин и другите луѓе повеќе ќе ве ценат и сакаат.

Добар пример за ова ,,корисно дејство” на трпеливоста се родителите, кога децата се помали. Трпението ќе ви овозможи порационално и без нервоза да го согледате однесувањето на вашето дете и да одлучите како е најдобро да постапувате со него, особено после некакви негови грешки.

Сите сме слушнале за извонредните бенефити од исхраната базирана на растенија или на  растителна храна, но дали сте знаеле дека билките кои служат како еден вид декор во домот, исто така се одлични за нашето целокупно здравје?

[Поврзано: Извонредниот ефект на градското ЗЕЛЕНИЛО врз МЕНТАЛНОТО здравје!]

Во продолжение, 7 конкретни корисни ефекти од билките во домот и кои често користени декоративни билки се најдобри за нашето здравје.

1) Подобар квалитет на воздух во затворените простории

Поголемите зелени површини или шумите се познати како ,,бели дробови” на планетата Земја, односно ни го обезбедуваат неопхониот елемент за живот – кислородот. Зеленилото во домот, исто така делува за подобар квалитет на воздух.

Ова е особено важно за средините со енормно загаден воздух, како што најверојатно ќе биде Скопје и оваа зима која е пред нас. Загадениот воздух за жал не останува само ,,надвор”.

Дополнително, изворите на загадување на воздухот во домот и различните затворени простории можат да бидат навистина најразлични, особено ако проветрувањето е лошо.

Речиси сите елементи во домот, теписите, компјутерите, масите, мебелот и слична покуќнина, со текот на времето се разградува, па често токсични продукти завршуваат во воздухот кој го дишеме. Воздухот во домашни услови го загадуваат и различните спори на мувли, вирусите и најразличните токсични материи (како оние од цигарите и различните бои и лакови, на пример).

Одредени растенијата имаат способност да апсорбираат голем дел од споменатите токсини, разградувајќи ги до помалку опасни бипродукти и притоа ,,складирајќи” ги во почвата на која растат. Вакви растенија се, на пример:

▫ бршлен
▫ аспарагус
▫ бамбус палма
▫ гербер
▫ драцена
▫ алое вера

2) Подобро расположение и релаксација

Добар пример за вакво дејство е билката лаванда, која поседува моќни ароматски карактеристики. Нејзиниот мирис според повеќе истражувања може да делува како ароматерапија, да нè релаксира, опушти и смири.

Многу повеќе за оваа извонредна билка, прочитајте во една од нашите претходни статии: Чудесната билка од Медитеранот – ЛАВАНДА и нејзините лековити својства.

Мирисот од различните цветни растенија исто така придонесува за релаксирање, но и подобрување во расположението. Одгледувањето цвеќиња е добро и за уште една работа: зголемена и поредовна физичка активност.

3) Подобар сон

Како што претходно веќе споменавме, растенијата го прочистуваат, но и збогатуваат возудхот со кислород. Покрај тоа, ја намалуваат и концентрацијата на јаглеродниот диоксид во просториите. Ова е од особена важност и за добриот, квалитетен сон.

Сите билки го применуваат процесот фотосинтеза за да си создадат храна, но како најдобар избор на билки кои ќе го збогатат воздухот во домот со кислород се:

▫ епипремнум ауреум
▫ гербер
▫ ,,кинески евергрин”
▫ драцена
▫ палма арека

[Поврзано: Како да го подобрите сонот? ]

4) Намален стрес

Повеќе истражувања покажуваат дека поминувањето на подолго време во простор со зеленило, може да го намали ризикот од хорничен стрес и психолошките нарушувања кои одат ,,рака под рака” со него. Покрај тоа што зеленилото потенцијално делува на намалување на нивото на т.н. стресен хормон кортизол, билките во домот можат да придонесат и за понизок крвен притисок и нормален пулс.

[Поврзано: Како да препознаете високи нивоа на КОРТИЗОЛ? ]

Опкружувањето со растенија е природно за човекот и има смирувачки ефект. Затоа, особено ако работите канцелариска работа, набавете си некаква билка, на пример некоја од претходно наведените.

[Поврзано: Извонредниот ефект на градското ЗЕЛЕНИЛО врз МЕНТАЛНОТО здравје!]

5) Подобар фокус и концентрација

Растенијата во домот можат да помогнат и за подобра концентрација. Истражувањата покажуваат дека децата покажуваат подобри резултати на тестовите доколку во училницата има некаков вид зеленило.

[Поврзано: Како до подобра концентрација?]

6) Олеснување на алергиските симптоми

Претходно наведовме билки кои добро ги апсорбираат најчестите ,,онечистувања” од воздухот, кои воедно можат да претставуваат и алергени.

Собите во кои има некакви растенија, имаат многу помалку прашина и спори на мувла.

Најдобар избор за оваа цел (антиалергиско дејство) е споменатиот бршлен, ,,кинески евергрин”, познатите љубичици итн.

Избегнувајте билки кои испуштаат многу полен.

7) Oптимална влажност во затворените простории

Работењето на клима уредите, особено во зимскиот период знае значително да го ,,исуши” воздухот во затворените простории. На тој начин, се обезбедуваат идеални услови за пренесување на различните вирусни инфекции.

Имајќи предвид дека сме во период на пандемија со коронавирусот, многу е важно да најдеме начин да ја одржиме високата влажност во затворените простории. Еден од најлесните и најодржливи начини е засадувањето на повеќе различни билки, особено во собите за дневен престој.

Многумина страдаат од гастритис, воспалително заболување или иритација на желудочната површина. Тој може да се појави одеднаш (акутен гастритис), траејќи еден до три дена, или да биде во хроничен облик, траејќи со недели и месеци.

Медикаментите можат значително да помогнат и да ги намалат симптомите, но нивната употребна вредност е до тука. Промената на исхраната е клучниот потег кој може значително да помогне во третирањето на коренот на ова заболување, со што на природен начин, дигестивниот тракт би се вратил во нормала.

Симптоми

Воспалението во желудникот (гастритисот) може да предизвика:

• Киселини во желудникот (чувство на горење во стомакот и градите)
• Гадење и повраќање (некогаш повраќање и содржина во која има и крв и црн матријал кој наликува на кафе)
• Губење на апетит
• Болки во стомакот и градите
• Непријатно икање
• Премногу темна столица

Вообичаен третман за гастритис и начин на исхрана погоден при ова заболување

Конвенционалното лекување подразбира земање медикаменти за неутрализирање на стомачните киселини или за нивно намалување. Овие лекови делуваат веднаш и симптомите се губат, но постојаната нивна употреба може да има и несакани ефекти, кои можат да водат до потешки проблеми како остеопорозата или состојба наречена хипохлорхидрија, премало ниво на желудочна киселина.

Сите медикаменти за гастритис на еден начин ги ,,маскираат” неговите симптоми и не се трајно решение. Затоа, потребно е да усвоите исхрана која ќе делува директно на причините, односно ќе помогне да се нормализира состојбата во вашиот дигестивен тракт.

4 најчести причини за развивање гастритис

Постојат неколку причини зошто луѓето развиваат гастритис – хроничен стрес, некое автоимуно заболување, некој вид инфекција, честа жиговина, но и некои други поретки причинители. Сепак, најчесто симптомите на гастритис започнуваат со една од следните 4 состојби:

1) Helicobacter pylori бактеријата – речиси половината од светското население ја има оваа бактерија која најчесто не предизвикува некакви несакани симптоми, па луѓето не ни знаат дека се носители. Но, ако неконтролирано се размножува, може да почне да го разградува внатрешното желудочно ткиво, предизикувајќи гастритис и желудочни чирови.

2) Состојби поврзани со недостаток од витамин Б12 – недостатокот од овој витамин може да се случи токму заради инфламацијата на желудочното ткиво, односно заради гастритисот. Оттука, состојбата која предизвикува гастритис, може да предизвика и недостаток од витамин Б12: целијакија(глутенска интолерантност), Кронова болест, некаков оперативен зафат во дигестивниот систем, лоша исхрана, тироидна болест, анемија итн.

3) Употреба на одредени медикаменти – во некои случаеви, симптомите на гастритис значително се интензивираат при пиењето лекови како аспирин, ибупрофен, декортин, примањето хемотерапија итн.

4) Кисели пијалаци, лута храна или други прехранбени причинители – кафето, алкохолот, овошните цитрусни сокови, лутата пиперка и некои други продукти, се покажале како најчести забрзувачи и отежнувачи на симптомите на гастритис. Вистинскиот корен на гастритисот е во константнато внесување на ваквите продукти.

Исхраната – трајно решение за гастритис

Јадењето здрава храна и комбинација од некои погодни продукти, додека целосно се избегнува храната која ги засилува симптомите во секојдневнието е клучот за перманентното решавање на гастритисот.

Во продолжение, 5 совети за исхрана при гастритис:

1) Секојдневно консумирање храна која делува уништувачки на бактеријата H.pylori.

Таква храна се брокулите и лукот, на пример.

Една компонента на брокулите, наречена сулфурафан, во медицинските истражувања  се покажала како ефективна против споменатата бактерија. Дополнително, оваа состојка делувала и на оние соеви кој станувале резистентни на антибиотиците. Ако навистина не можете да го поднесете вкусот на брокулата, тогаш достапни се и суплементи на сулфурафанот. Сепак, најдобро е да го внесувате преку храната, бидејќи брокулата содржи и дополнително корисни нутриенти за организмот.

Лукот е многу добро познат антимикробен, па така и антибактериски агенс. Ваквото дејство се должи, пред сé, на неговата компонента алицин. H.pylori бактеријата е особено сензитивна на лукот, што го прави овој зеленчук особено погоден при гастритис.

2) Што повеќе пробиотска храна!

Пробиотиците како бактериите од родовите Lactobacillus и Bifidobacterium се особено корисни колонизатори на мекото желудочно ткиво. Земањето пробиотска храна или пробиотици, може значително да го подобри здравјето на дигестивниот систем и неговата способност да ги апсорбира сите хранливи состојки. Дополнително, во комбинација со витамини од Б групата, пробиотиците можат доста значително да делуваат на подобрување на состојбата при гастритис.

Пробиотски прехранбени продукти: органски јогурти, кефир, одредени типови на леб, ферментирано цвекло, краставички, зелка итн.

3) Јадете храна која може да ги поправи ,,оштетувања” од медикаментите и да ги намали симптомите на гастритис

Споменавме дека тоа може да биде пробиотската храна, но како плус се следниве продукти за кои е најдено позитивно дејство при стомачни проблеми, како гастритис, стомачни болки, гадење, киселини и повраќање, тоа се:

◦ Ѓумбир
◦ Јаболков оцет
◦ Куркума
◦ Кари зачин
◦ Оригано
◦ Ананас
◦ Сок од цвекло, моркови и брусница
◦ Зелен чај

Дополнително, погодна при гастритис е и храната богата со витамин А: моркови, зелени зеленчуци, аспарагус, сладок компир, праски, кајсии итн. Витаминот А има есенцијална антиоксидативна функција, но влијание и на правилното функционирање на мукозните мембрани и обновувањето на ткивата.

4) Постојат продукти кои треба целосно да ги избегнувате

Доколку не сте забележале, обрнете внимание на продуктите кои често ги користите, а ви предизвикуваат засилување на симптомите – дали е тоа паста, лути пиперки, кафе, чоколадо итн. Ако е потребно, запишувајте.

Тоа е за индивидуалното искуство, што се однесува на генералното, треба целосно да ги избегнувате следните намирници:

◦ млечни производи(освен пробиотски јогурти)
◦ соја
◦ компири
◦ житарки
◦ слатки
◦ газирани пијалаци
◦ енергетски пијалаци
◦ храна со трансмасти
◦ кафе
◦ глутен
◦ разни видови на слатки, торти, колачи итн
◦ чипсови
◦ препржена храна

5) На крајот, осигурајте си трајни животни навики во однос на исхраната

Како и повеќето заболувања, така и кај гастритисот, освен коренот и трајното решение се крие во трајните промени на животниот стил. Иако звучи многу едноставно, менувањето на навиките е една од потешките работи кои можете да ги напраивте.

Советите за исхрана при гастритис не се сосема далечни од општите совети за здрава исхрана, така обидете се да ја направите оваа исхрана трајна. Имајте постојана исхрана богата со растителни протеини, растителни влакна, здрави масти и антиоксиданти (свежа храна – овошје, зеленчук) за да имате оптимално здравје.

Дополнителни кратки совети за превенција и справување со гастритисот:

• Избегнувајте ги инфекциите – короната нé научи на добри навики за заштита од вирусите, кои ќе биде од корист и при другите инфективни заболувања, помеѓу кои и оние кои можат да бидат причинители на гастритис. Мијте ги редовно и правилно рацете со топла вода и сапун, мијте ги правилно овошките и зеленчукот, не јадете со ист прибор или од иста чинија.

• Секогаш пијте доволно вода

• Имајте повеќе оброци, со помал обем.

• Немојте да се прејадувате.

• Избегнувајте било каква процесирана храна.

• Спијте доволно.

• Не претерувајте со лековите за болки.

Со приближувањето на летото, сите бараме најразлични начини да се разладиме. Еден од најчестите начини за разладување, освежување и гасење на жедот е минералната вода.

Минералната вода доаѓа од подземните водени резервоари, но за разлика од онаа од чешма, не подложи на хемиски процеси за прочистување од нејзината минерална содржина и процеси на хлорирање. За ваквиот тип на вода, постои посебна регулатива и стандарди за одобрување.

Значи, оваа вода, како што кажува самото име, содржи различни количини на растворени минерали во зависност од тоа од кој извор потекнува. Калциум, магнезиум, натриум итн.

Тогаш, дали можеме да ја сметаме за подобра од обичната вода? Дали освен освежителното и разладувачко дејство, минералната вода нуди и дополнителни корисни дејства за телото? Дали постојат ризици?

Обична vs минерална вода

Секој жив организам има потреба од вода за одвивање на физиолошките функции. Но, водата со себе носи и одредени нутриенти кои се есенцијални за организмот, како минералите на пример.

Врз основа на кои параметри можеме да ги споредуваме обичната и минералната вода?
Според досегашните податоци, разликите и не се така значајни.

И минералната и водата од чешма имаат одредена минерална содржина. И двете подолжат на некакви процеси за прочистување. Главната разлика е во количината на минерали. Минералната вода по дефиниција има поголем минерален процент, но и минералните води се разликуваат помеѓу себе по квалитетот, односно начинот и интензитетот на обработка.

,,Обична вода”

Обичната вода се хлорира, бидејќи хлорот делува уништувачки на бактериите и другите патогени загадувачи кои се потенцијално присутни во водата.

Во границите во кои се додава на водата, тој се смета за безбеден, но доколку се надминат овие граници, хлорот може да биде опасен, особено за оние со бубрежни и срцеви заболувања. Обичната вода од чешма заради одредената минерална содржина се смета за тврда, додека онаа флашираната за мека.

Постојат информации според кои минералната содржина од водата од чешма, може да биде штетна. Сепак за тоа не постојат доволно аргументи, освен за лицата кои имаат одредени заболувања, како на пример бубрежни. Така, различните филтри за вода кои ветуваат ,,сосема здрава вода”, може да се каже дека и не се толку корисни за општата популација.

Минерална вода

Минералната вода, за да биде  пуштена во употреба на пазарот, треба да исполни одредени безбедносни критериуми, а притоа да има и минимална граница на концентрации од различните минерали. Најчесто, минералните води содржат повисоки концентрации растворени минерали, како:

• калциум
• магнезиум
• калиум
• натриум
• бикарбонати
• железо
• цинк

Многумина ја преферираат газираната вода заради помалото процесирање. Сепак, треба да се каже дека и минералната вода подлежи на различни процеси. На пример, додавање или одземање на СО₂, гас кој е одговорен за газираноста, елеминирање на токсични елементи, како арсенот на пример итн.

Во продолжение, позитивните ефекти од пиењето минерална вода:

1) Добар извор на магнезиум

Магнезиумот е значаен макроминерал, клучен за работата на преку 300 ензими кои се вкучени во најразлични биохемиски реакции на организмот, значаен е за здравјето на коските, срцето, нервниот систем и мускулите итн.

Количината на магнезиум може да варира во зависност од минералната вода и се движи од 1mg/L, па и до над 120mg/L.

Дневните препорачани количества на магнезиум се околу 300mg за жените и 400mg, за мажите. Според статистиката, голем дел од населението не внесува доволно магнезиум, па  симптомите можат да се движат од губење апетит и замор, па се до пецкање во екстремитетите, мускулни грчеви и зголемување на ризикот од некои заболувања во крајна линија.

2) Минералната вода може да делува на намалување на крвниот притисок

Ниските нивоа на магнезиум можат да водат до повишен крвен притисок и неправилен ритам на срцето.

Така, минералната вода која е богата со магнезиум, може да делува на намалување на ризикот од кардиоваскуларните заболувања.

Дополнително, сличен ефект има и калиумот, минерал кој е уште подефицитарен помеѓу населението, а го има во повеќето минерални води.

Една помала студија на 70 волонтери со гранично повишен притисок, покажала дека пиење 1 литар минерална вода дневно, може да го намали притисокот.

3) Подобра циркулација

Високата содржина на калциум, магнезиум и калиум на минералната вода, придонесува за подобрена циркулација. Калциумот, заедно со магнезиумот е клучен во оддржувањето на правилниот срцев ритам.

4) Посилни коски

Калциумот покрај улогата за срцевото здравје е клучен минерал во метаболизмот на коските.

По 20тата година, загубите на коскеното ткиво почнуваат да се интензивираат и со текот на времето стануваат побрзи отколку обновувањето, што може да води кон послаби коски. Ова особено важи за повозрасните луѓе.

Затоа, јадењето храна богата со калциум, влијае да имаме поздрави коски, а и пиењето минерална допринесува за оваа цел.

Една студија од 2017 ги споредувала апсорпциите на калциум во телото од храната, суплементацијата и минералната вода. Заклучокот бил дека минералната вода со висока содржина на калциум, може да допринесе за обезбедување калциум кој е употреблив за телото.

Дополнително, за здравјето на коските е важен и магнезиумот, со кој веќе споменавме дека е богата минералната вода. Една студија укажува дека жените кои внесуваат поголеми количини магнезиум (над 420mg дневно), имаат поголема густина на коските во споредба со оние кои помалку внесуваат.

5) Подобрено дигестивно здравје и помош при констипација

Оптималните нивоа на магнезиум во организмот обезбедуваат и превенција од запек подобрено општо дигестивно здравје.

Овој минерал делува на подоброто врзување вода во цревата, што ја прави подобра фецесната конзистенција и овозможува негов соодветен пат низ дигестивниот тракт.

Дополнително, студиите велат дека пиењето минерална вода која содржи магнезиум суфлат и натриум сулфат, води кон зголемена фреквенција на мускулно контрахирање на цревата, што е од големо значење особено за луѓето кои често страдаат од запекот.

6) Сите позитивни ефекти кои ги има и обичната, негазирана вода!

Само некои од нив:

◦ Неопходно хидрирање на организмот
◦ Освежување и ладење
◦ Здравје на кожата
◦ Подмачкување на зглобовите
◦ Важна улога за здравјето на мозокот
◦ Формирање на мукоза и плунка
◦ Простор за одвивање на повеќето физиолошки процеси
◦ Дигестивно здравје
◦ Растворлив агенс за микронутриентите
◦ Здравје на бубрезите
◦ Губење на телесната тежина
◦ Подобар спортски перформанс
◦ Помага ако сте мамурни

Дали постојат потенцијални опасности од минералната вода?

Генерално, не би требало никој здрав поединец да има проблеми, но потенцијално, некаков тип на проблеми се можни кај секого, доколку не се внимава со количините.

• Не постојат целосно релевантни податоци за посериозни опасности од претерувањето со минералната вода, но можни се гадење и подригнување поради содржината на јаглероден диоксид.

• Луѓето што имаат проблеми заради кои се ставени на исхрана со низок внес на натриум или калциум, треба да ја избегнуваат минералната вода.

• Минералната вода може да го ,,нагриза” забниот енамел или глеѓта на забите и на тој начин да ги оштети.

• Микропластичните честици можат да бидат проблем на долг рок, но сé уште студиите немаат конечни заклучоци за нивниот точен ефект.

• Поголемиот дел од минералната вода се продава во пластични шишиња, што е ризично пак за средината. Затоа, купувајте минерална вода во стакло.

Со приближувањето на летото, сите бараме најразлични начини да се разладиме. Еден од најчестите начини за разладување, освежување и гасење на жедот е минералната вода.

Минералната вода доаѓа од подземните водени резервоари, но за разлика од онаа од чешма, не подложи на хемиски процеси за прочистување од нејзината минерална содржина и процеси на хлорирање. За ваквиот тип на вода, постои посебна регулатива и стандарди за одобрување.

Значи, оваа вода, како што кажува самото име, содржи различни количини на растворени минерали во зависност од тоа од кој извор потекнува. Калциум, магнезиум, натриум итн.

Тогаш, дали можеме да ја сметаме за подобра од обичната вода? Дали освен освежителното и разладувачко дејство, минералната вода нуди и дополнителни корисни дејства за телото? Дали постојат ризици?

Обична vs минерална вода

Секој жив организам има потреба од вода за одвивање на физиолошките функции. Но, водата со себе носи и одредени нутриенти кои се есенцијални за организмот, како минералите на пример.

Врз основа на кои параметри можеме да ги споредуваме обичната и минералната вода?
Според досегашните податоци, разликите и не се така значајни.

И минералната и водата од чешма имаат одредена минерална содржина. И двете подолжат на некакви процеси за прочистување. Главната разлика е во количината на минерали. Минералната вода по дефиниција има поголем минерален процент, но и минералните води се разликуваат помеѓу себе по квалитетот, односно начинот и интензитетот на обработка.

,,Обична вода”

Обичната вода се хлорира, бидејќи хлорот делува уништувачки на бактериите и другите патогени загадувачи кои се потенцијално присутни во водата.

Во границите во кои се додава на водата, тој се смета за безбеден, но доколку се надминат овие граници, хлорот може да биде опасен, особено за оние со бубрежни и срцеви заболувања. Обичната вода од чешма заради одредената минерална содржина се смета за тврда, додека онаа флашираната за мека.

Постојат информации според кои минералната содржина од водата од чешма, може да биде штетна. Сепак за тоа не постојат доволно аргументи, освен за лицата кои имаат одредени заболувања, како на пример бубрежни. Така, различните филтри за вода кои ветуваат ,,сосема здрава вода”, може да се каже дека и не се толку корисни за општата популација.

Минерална вода

Минералната вода, за да биде  пуштена во употреба на пазарот, треба да исполни одредени безбедносни критериуми, а притоа да има и минимална граница на концентрации од различните минерали. Најчесто, минералните води содржат повисоки концентрации растворени минерали, како:

• калциум
• магнезиум
• калиум
• натриум
• бикарбонати
• железо
• цинк

Многумина ја преферираат газираната вода заради помалото процесирање. Сепак, треба да се каже дека и минералната вода подлежи на различни процеси. На пример, додавање или одземање на СО₂, гас кој е одговорен за газираноста, елеминирање на токсични елементи, како арсенот на пример итн.

Во продолжение, позитивните ефекти од пиењето минерална вода:

1) Добар извор на магнезиум

Магнезиумот е значаен макроминерал, клучен за работата на преку 300 ензими кои се вкучени во најразлични биохемиски реакции на организмот, значаен е за здравјето на коските, срцето, нервниот систем и мускулите итн.

Количината на магнезиум може да варира во зависност од минералната вода и се движи од 1mg/L, па и до над 120mg/L.

Дневните препорачани количества на магнезиум се околу 300mg за жените и 400mg, за мажите. Според статистиката, голем дел од населението не внесува доволно магнезиум, па  симптомите можат да се движат од губење апетит и замор, па се до пецкање во екстремитетите, мускулни грчеви и зголемување на ризикот од некои заболувања во крајна линија.

2) Минералната вода може да делува на намалување на крвниот притисок

Ниските нивоа на магнезиум можат да водат до повишен крвен притисок и неправилен ритам на срцето.

Така, минералната вода која е богата со магнезиум, може да делува на намалување на ризикот од кардиоваскуларните заболувања.

Дополнително, сличен ефект има и калиумот, минерал кој е уште подефицитарен помеѓу населението, а го има во повеќето минерални води.

Една помала студија на 70 волонтери со гранично повишен притисок, покажала дека пиење 1 литар минерална вода дневно, може да го намали притисокот.

3) Подобра циркулација

Високата содржина на калциум, магнезиум и калиум на минералната вода, придонесува за подобрена циркулација. Калциумот, заедно со магнезиумот е клучен во оддржувањето на правилниот срцев ритам.

4) Посилни коски

Калциумот покрај улогата за срцевото здравје е клучен минерал во метаболизмот на коските.

По 20тата година, загубите на коскеното ткиво почнуваат да се интензивираат и со текот на времето стануваат побрзи отколку обновувањето, што може да води кон послаби коски. Ова особено важи за повозрасните луѓе.

Затоа, јадењето храна богата со калциум, влијае да имаме поздрави коски, а и пиењето минерална допринесува за оваа цел.

Една студија од 2017 ги споредувала апсорпциите на калциум во телото од храната, суплементацијата и минералната вода. Заклучокот бил дека минералната вода со висока содржина на калциум, може да допринесе за обезбедување калциум кој е употреблив за телото.

Дополнително, за здравјето на коските е важен и магнезиумот, со кој веќе споменавме дека е богата минералната вода. Една студија укажува дека жените кои внесуваат поголеми количини магнезиум (над 420mg дневно), имаат поголема густина на коските во споредба со оние кои помалку внесуваат.

5) Подобрено дигестивно здравје и помош при констипација

Оптималните нивоа на магнезиум во организмот обезбедуваат и превенција од запек подобрено општо дигестивно здравје.

Овој минерал делува на подоброто врзување вода во цревата, што ја прави подобра фецесната конзистенција и овозможува негов соодветен пат низ дигестивниот тракт.

Дополнително, студиите велат дека пиењето минерална вода која содржи магнезиум суфлат и натриум сулфат, води кон зголемена фреквенција на мускулно контрахирање на цревата, што е од големо значење особено за луѓето кои често страдаат од запекот.

6) Сите позитивни ефекти кои ги има и обичната, негазирана вода!

Само некои од нив:

◦ Неопходно хидрирање на организмот
◦ Освежување и ладење
◦ Здравје на кожата
◦ Подмачкување на зглобовите
◦ Важна улога за здравјето на мозокот
◦ Формирање на мукоза и плунка
◦ Простор за одвивање на повеќето физиолошки процеси
◦ Дигестивно здравје
◦ Растворлив агенс за микронутриентите
◦ Здравје на бубрезите
◦ Губење на телесната тежина
◦ Подобар спортски перформанс
◦ Помага ако сте мамурни

Дали постојат потенцијални опасности од минералната вода?

Генерално, не би требало никој здрав поединец да има проблеми, но потенцијално, некаков тип на проблеми се можни кај секого, доколку не се внимава со количините.

• Не постојат целосно релевантни податоци за посериозни опасности од претерувањето со минералната вода, но можни се гадење и подригнување поради содржината на јаглероден диоксид.

• Луѓето што имаат проблеми заради кои се ставени на исхрана со низок внес на натриум или калциум, треба да ја избегнуваат минералната вода.

• Минералната вода може да го ,,нагриза” забниот енамел или глеѓта на забите и на тој начин да ги оштети.

• Микропластичните честици можат да бидат проблем на долг рок, но сé уште студиите немаат конечни заклучоци за нивниот точен ефект.

• Поголемиот дел од минералната вода се продава во пластични шишиња, што е ризично пак за средината. Затоа, купувајте минерална вода во стакло.

Модерниот начин на живеење подразбира сè повеќе стрес. Дали тој ќе биде поврзано со различните предизвици на работното место, со воспитувањето на децата, со некакви финансиски проблеми и неостварени желби, ако се работи за помлади лица, со училиштето, односите со блиските, љубовните ,,маки”, притисокот од средината итн. Да скратиме, со стресот се соочуваат сите возрасни групи и е буквално насекаде!

Дополнително, новонастанатата ситуација со пандемијата, го направи контролирањето на стресот (што е многу значаен дел од она што се подразбира под добро одржувано ментално здравје) уште поголем предизвик.

[Поврзано: ПАНДЕМИЈАТА како мотив за промена на навиките кон подобро!]

Иако стресот е важна и корисна еволутивна ,,алатка” која одиграла значајна улога за тоа што сме денес како човештво, сепак кога е постојан или хроничен, нè води кон различни здравствени проблеми и ментални, но и физички.

Првиот чекор кон соодветното контролирање на стресот е неговото препознавање, односно препознавањето на неговите симптоми. Иако можеби ќе си помислите дека тоа е сосема лесно, всушност препознавањето често знае да биде проблем. Имајќи ја предвид природата на човековото суштество – да биде адаптибилно, односно сосема прилагодливо на секакви околности – често пати луѓето го игнорираат стресот, бидејќи веќе се навикнале на него, па тој станал ,,нормален” дел од живеењето. Така, додека не предизвика некакви посериозни проблеми и симптоми, многумина не се ниту свесни дека имаат проблем со хроничниот стрес.

[Поврзано: Како СТРЕСОТ го намалува ИМУНИТЕТОТ?]

Што претставува стресот?

Стресот е всушност реакција на телото на некаква непријатна ситуација, без разлика дали се работи за реална или некаква претпоставена опасност од ваквата непријатна ситуација. Кога организмот се чувствува дека е под некаква закана, почнуваат да се одвиваат низа биохемиски реакции кои просто кажано се во насока на минимизирање на потенцијалните штети по организмот. Станува збор за познатиот механизам наречен ,,бори се или бегај”. При овој стресен одговор на телото, срцевиот ритам видно забрзува, мускулите се стегаат и расте крвниот притисок – телото е подготвено за брз одговор или брза акција.

Важно да се напомене е дека стресот е доста индивидуална работа, односно тоа што кај едно лице можеби ќе пројави бурна стресна реакција, кај друго нема да води ниту кон загриженост. Тоа би значело дека некои луѓе природно подобро се справуваат со стресот. Зошто е тоа случај, нема да навлегуваме.

Како што претходно споменавме, стресот во помали дози знае да биде доста корисен – да ни помогне брзо да мислиме, да решаваме проблеми, да избегнуваме непријатности, па дури во одредени контексти да ни го спаси и животот (пример, успешното избегнување на сообраќајни несреќи).

Сепак, нашето тело многу потешко се справува со хронично дозираниот стрес, кој ретко нè остава без никакви последици по здравјето.

Кои се симптомите на стресот?

Како што рековме, првиот чекор кон решението е препознавањето на стресот. Затоа е доста важно навремено да препознаеме дека сме подложни на него.

Стресот може да влијае на сите аспекти од живеењето, вкучително на емоциите, навиките, однесувањата, способноста за корисно размислување, па дури и врз физичкото здравје. Заради тоа што различни луѓе различно го доживуваат стресот, симптомите значително можат да варираат, а неретко и да се ,,преклопуваат” со симптоми типични за други нарушувања. Заради овие причини, комуникацијата со вашиот лекар на оваа тема не е неважна работа, посебно ако имате некаква комбинација од симптомите кои ќе бидат наведени во продолжение.

[Поврзано: Како СТРЕСОТ ја зголемува телесната тежина и што да направите за да го спречите тоа?]

Емоционални симптоми на стресот:

• Лесна надразливост и нервоза.
• Фрустрираност и често менување на расположение.
• Чувство на потполно губење контролата над работи со кои претходно справувањето одело лесно.
• Неможност за релаксација и ,,стишување” на мислите.
• Намалена самодоверба, чувство на безвредност.
• Силна демотивираност за работи кои претходно можеби претставувале и задоволство.
• Избегнување на ситуации кои подразбираат социјализација или дружење.

[Поврзано: Депресијата не е обична тага!]

Физички симптоми на стресот:

• Намалено ниво на енергија.
• Слабот во мускулите.
• Хроничен замор.
• Главоболки
• Вознемирен стомак – дијареа, констипација, гадење и слично.
• Болки во грбот, вратот, рамењата.
• Чувство на кнедла во грлото.
• Чувство на тежина во градите.
• Поретко, но кај некои лица е забележан и осип, кожни инфекции и слично.
• Често плачење без да се знае некаква конкретна причина.
• Намалено либидо.
• Сува уста и отежнато голтање.
• Крцкање со забите.
• Зачестени настинки.
• Несоница

Т.н. ,,когнитивни”  симптоми на стресот:

• Отежнато концентрирање и фокусирање.
• Постојано чувство на загриженост.
• Лоши мисли кои постојано прогонуваат.
• Почесто заборавање и на работи кои имаат одредено значење.
• Нарушена способност за рационално расудување.
• Песимизам
• Неорганизираност

Бихевиорални симптоми, или промени во навиките и начинот на живеење:

• Нарушен апетит.
• Постојана прокрастинација или одложување/избегнување на обврските.
• Зголемена употреба на алкохол, кофеин и цигари.
• Грицкање нокти.
• Постојано седење на мобилниот телефон.

[Поврзано: Како да препознаете дали имате зависност од вашиот мобилен уред?]

Кои се можните последици од долготрајниот стрес?

Хроничниот стрес може значително да го зголеми ризикот од:

• Ментални нарушувања, како депресија и анксиозност.
• Кардиоваскуларни болести, вклучително срцев удар, повишен крвен притисок, нарушен срцев ритам, мозочен удар итн.
• Гојазност и други нарушувања поврзани со исхраната.
• Менстурални проблеми.
• Сексуална дисфункција, како импотенција, прерана ејакулација, намалено либидо и кај мажите, и кај жените.
• Проблеми со кожата, како акни, псоријаза, егзема и губење на косата.
• Гастроинтестинални проблеми, како киселини, гастритис, улцеративен колитис, синдром на нервозни црева и слично.

Како да си помогнете?

Стресот е неминовен дел од животот на секој човек. Она што е важно е дека не треба да се дозволи тој да премине во хроничен, односно да се најде траен начин за негово менаџирање или контролирање.

Како што веќе рековме, првиот чекор кон успешно превенирање од преголем стрес е препознавањето на неговите симптоми. Ако забележите дека вие или ваши блиски луѓе се соочуваат со хроничен стрес, обидете се да си помогнете со советите дадени подолу. Консултирањето со лекар никогаш не е на одмет и силно се препорачува..

Многу симптоми кои вообичаено се препишуваат на други состојби, можат да значат и некакви здравствени проблеми, па така докторот би можел соодветно да ги процени симптомите и да каже дали за нив е одговорен (само) стресот или и нешто повеќе од тоа.

Најчестите корисни совети за намалување на стресот:

• Обидете се секогаш да ја согледате и позитивната страна на дадена ситуација или настан.
• Прифатете дека постојат ситуации во животот кои едноставно не можат да бидат под ваша контрола.
• Бидете проактивни во решавањето на проблемите и комуницирајте, наместо да бидете агресивни. Научете соодветно да ги артикулирате своите мисли, јасно да се изразувате, бидејќи во спротивно ако очекувате околината да ве разбере без тоа, можни се реакции како лутина, агресивност, дефанзивност итн.
• Обидете се да најдете погодни начини за релаксација и редовно применувајте ги. Секој се опушта на свој индивидуален начин. Често користени техники се медитација, молитва, јога, а секако од значителна помош (можеби дури и изненадувачки!) знаат да бидат самите ритуали за релаксација кои секојдневно ,,несвесно” ги применуваме. Обрнете внимание на уживањето кое ви го носат овие мали моменти и максимално искористете го. Дознајте многу повеќе на оваа тема, во нашето видео: Ритуали за релаксација.
• Имајте здрава, балансирана исхрана и редовна физичка активност! – ова ќе ви помогне значително со вашите енергетски нивоа, но и со правилното одржување на,,менталната” хигиена. Повеќе на оваа тема, дојзнајте на следниот линк: Физичка активност и мозокот!
• Најдете начини успешно да си го организирате времето! Соодветно да ги разделите обврските од она што ви создава задоволство и да им дадете доволен простор на двете нешта!
• Најдете си некакво хоби. На пример читајте повеќе книги и содржини кои ве интересираат и ви создаваат чувство на задоволство и исполнетост.
• Обидете се да избегнувате ситуации и прилики кои знаете дека можат да ви донесат дополнителен стрес.
• Никогаш немојте да се потпирате на алкохол, кофеин и цигари во справувањето со стресот! Нивната помош трае многу кратко, а потоа ве оставаат во уште потешка состојба од претходно.
• Имајте добра ,,хигиена на сон”. Телото има потреба да се ,,регенерира” после физичкиот и менталниот напор во текот на денот.
• Никогаш немојте да ја дочекувате поддршката од семејството и блиските на ,,нож”. Ако имате проблем со стресот, признајте си го тоа за да можете да си помогнете. Поддршката му е неопходна секому! Минувајте повеќе време со вашите блиски луѓе. Повеќе совети на оваа тема, односно како да останете социјално поврзани, а физички дистанцирани во време на пандемија, прочитајте на крајот од следната статија: Како СТРЕСОТ го намалува ИМУНИТЕТОТ?

На крајот, ако не можете да си помогнете со вообичаените совети за намалување на стресот, консултирајте се и со лекар од поконкретната област, односно психијатар, а исто така може да помогне и психолог.

И психолошките проблеми се здравствени проблеми, па во никој случај не треба да бидат игнорирани! Не е воопшто срамно да побарате соодветна помош!

Сакате ручек богат со протеини, сложени јаглехидрати и многу фибер?

Ручек коj ќе ве засити, а во исто време ќе ви понуди и низа микронутриенти (витамини и минерали)?

Лутата киноа со два видови грав е одличен избор! Киноата заедно со гравот е одлична замена за рецептите кои содржат многу месо богато со заситени масни киселини. Двата видови грав значително ја надополнуваат хранливоста! Киноа семето е ретка растителна храна која содржи сосема солидни количини од сите неопходни, односно есенцијални аминокиселини за нашиот организам.

Рецептот дополнително содржи и доста свежи продукти богати со различни потентни антиоксидативни материи, но и низа витамини и минерали, како на пример: калиум, магнезиум, железо, манган, витамин Ц, Б витамини, витамин А итн. (погледнете ја нутритивната табела најдолу).

Зошто почесто треба да јадеме храна како гравот и киноа семето?

• Идеален оброк за луѓе кои избегнуваат месо – заради протеините, но и текстурата.

• Богат антиоксидативен извор – борба против хроничните воспалителни процеси.

• Одлична храна за процесот на слабеење – навистина одлична количина на квалитетен фибер. Нискокалорична, а нутритивно-сконцентрирана храна.

• Одличен избор за здрава дигестија, баланс во микробиомот но и за контролирање на дијабетот – богат пребиотски извор.

• Одлична храна за срцето и крвните садови

[Поврзано: Постојат десетици типови на грав – Кои од нив ги има низ нашите пазари?

Киноа семе – Растителен извор на сите 9 есенцијални аминокиселини!]

За овој рецепт, потребни ќе ви бидат:

• ½ чаша киноа, добро измиена и исплакната
• 1 шоља вода (околу 200ml)
• 2 супени лажици ладно цедено маслиново масло
• 1 кромид со средна големина, ситно исецкан
• 5 чешниња лук, ситно исецкани
• 2 средни моркови, излупени и исецкани на тркалца
• 1 голема зелена блага пиперка, исчистена и ситно исецкана
• 1 конзерва сецкани домати (може да користите и 3-4 средни свежи домати, кои ќе ги исецкате ситно)
• 4 шољи растителен бујон (околу 1 литар)
• 2 ½ кафени лажички чили во прав
• 1 кафена лажичка црвен пипер
• 1 кафена лажичка мелен ким
• 1 кафена лажичка морска сол
• ½ кафена лажичка бибер
• 1 конзерва црн грав, исцеден и исплакнат
• 1 конзерва бел грав, исцеден и исплакнат (може да користите и 2 шољи грав и да го сварите во посебно тенџере)
• свеж магдонос, ситно исецкан
• сок од 1 лимон или лимета
• 1 лута пиперка, ситно исецкана (за служење)

Начин на подготовка:

1)                  Во мало тенџере, комбинирајте киноа и вода и ставете ги да се варат на средна топлина. Гответе ја киноата околу 10-15 минути додека не се апсорбира речиси целата вода. Тргнете го тенџерето од оган и оставете го настрана до подоцна. Доколку самите го варите белиот грав, сторете го тоа претходно во текот на денот.

2)                  Во големо тенџере или длабоко тавче со капак загрејте 2 лажици маслиново масло на средна топлина. Додадете ги исецканите моркови, кромидот, лукот и пиперката. Гответе околу 4-5 минути со постојано мешање.

3)                  Потоа, додадете ги доматите, растителниот бујон и зачините, промешајте и почекајте да зоврие, па додадете ги двата видови грав и киноата. Намалете ја температурата и оставете да крчка 25 минути.

4)                  Тргнете го тенџерето од оган и веднаш додадете ги магдоносот и сокот од лимон/лимета. Одозгора наросете ја исецканата лута пиперка и служете.

Овој рецепт прави 5 порции.

Нутритивна вредност (на 1 порција):

Калории: 330 Јаглехидрати: 59g од кои растителни влакна: 16g и шеќери: 7g; Протеини: 20g; Масти: 4g од кои заситени масти: 0,5g; Витамин A: 4500 IU; Витамин Б1: 0,4mg; Витамин Б6: 0,4mg; Фолна киселина: 170µg; Витамин Ц: 40mg; Витамин Е: 3,5mg; Бакар: 0,6mg; Железо: 7,6mg; Манган: ,16mg; Maгнезиум: 140mg; Фосфор: 280mg; Цинк: 3mg; Калиум: 1400mg; Селен: 7µg

Во претходните статии зборувавме повеќе околу тоа колку е значен квалитетниот сон за оптималното здравје, како да го подобрите и која е врската помеѓу спиењето и телесната тежина. Денес, уште една интересна тема поврзана со нераскинливата врска помеѓу сонот и нашето здравјето.

Најверојатно сте ја почувствувале разликата кога спиете сами, во однос на спиењето со блиска личност. Во поново време, сè поголем број истражувања даваат и научна потврда за објективното постоење на ваквите ,,чувства”. Корисните ефекти од спиењето со партнерот се движат од психолошки бенефити, па се до корисни дејства за различни аспекти од физичкото здравје.

Во продолжение, 7 конкретки придобивки од спиењето со блиска личност:

1) Поквалитетен сон

Модерното време нè принудува да бараме начини како да ,,дојдеме” до подолг, но и сон кој ќе биде квалитетен, односно ќе можеме да се разбудиме одморени.
Дали сте знаеле дека спиењето до партнерот, особено ако се работи за сериозна врска, е одличен начин да си помогнете во остварувањето на целта – квалитетен и долг сон.

Според една студија од Универзитетот во Питсбург, САД, жените кои имаат стабилна љубовна врска заспиваат побрзо и имаат многу помалку непријатни будења во текот на ноќта во однос на слободните жени.

[Поврзано: Како да го подобрите сонот?]

2) Полесно заспивање

Веројатно мислите дека и не е толку важно колку време ви е потребно да заспиете, ако сонот потоа трае доволно. Сепак, не сте во право.

Едно истражување од Велика Британија открива поврзаност помеѓу времето потребно да заспиете и квалитетот на сонот. Според истражувачите, нормалното време потребно за да заспиете треба да се движи од 10-20 минути, а ако за овој ,,процес“ ви се потребни повеќе од 30 минути, тогаш тоа значително ќе го наруши квалитетот и ефикасноста на спиењето.

Според експертите за спиење, стресот, загриженоста, размислувањето и слично, односно било каква зголемена ментална активност додека лежиме, значително го отежнува заспивањето. Контактот со партнерот поттикнува излачување на хормони кои ќе го опуштат телото и ќе ги отргнат сите мисли, што ќе овозможи многу полесно и ,,подлабоко” заспивање. Се работи за хормоните:

• Окситоцин – познат и како хормонот на љубовта.
• Серотонин –  хормонот на среќата.
• Норадреналин – помага во регулирањето на сонот и балансирање на стресот.
• Вазопресин – го намалува кортизолот и поттикнува подобар квалитет на сонот.
• Пролактин – подобар имунитет, сон и ошто квалитет на живот.

Дополнително, добро познат поттикнувач на повисоки нивоа на повеќето од овие хормони е и сексуалната активност.
Кај жените, сексот ги зголемува и нивоата на естроген, што значително ја подобрува т.н. РЕМ фаза од сонот, па олеснето е ,,длабокото” спиење.

[Поврзано: Дали сексот може да се брои како физичка активност и колку е ризичен за срцето?]

3) Намалување на крвниот притисок

Едно истражување покажува дека почестите прегратки и интимност со партнерот, поттикнуваат поголемо продуцирање на окситоцин, што се поврзува со намален крвен притисок и пулс кај жените кои се во репродуктивниот период од животот.

Значи, спиењето со партнерот е добро и за здравјето на вашето срце.

4) Посилен имунитет

Делењето на постелата со партнерот, како што претходно сугериравме, води и кон интимност, односно подобар сексуален живот, што е одлично за вашето здравје.

Една студија од Универзитетот од Пенсилванија, САД, го следела интимниот живот на повеќе двојки. По одреден период утврдено било дека оние парови кои биле повеќе сексуално активни, имале подобра отпорност кон сезонските настинки и грипови, односно продуцирале повеќе значајни имуни клетки, како Т-лимфоцитите.

[Поврзано: Како ИМУНИТЕТОТ е поврзан со животниот стил?
10 намирници за подобар имунитет!]

5) Намалени симптоми на анксиозност

Eден од симптомите на анксиозноста е и несоницата.

Спиењето со блиска личност не само што ќе ви помогне во подобрувањето на ментално здравје, туку контактот кожа со кожа ќе ги потикне надбубрежните жлезди да прекинат со лачење на кортизол или уште нарекуван хормон на стресот и ќе стимулира лачење на окситоцин.

[Поврзно: Чудото на природата наречено ,,допир”!]

6) Намалено хронично воспаление – забавен процес на стареење

Со намалувањето на нивото на стресниот хормон кортизол, се намалуваат и нивоата на проинфламаторните протеини наречени цитокини. И помалите процеси на инфламација (воспаление) кои се константни или постојани, имаат силно негативно влијание во организмот, од најразлични аспекти, помеѓу кои и забрзано оксидативно оштетување (стареење) на кожата, но и на целиот организам.

Многу повеќе на оваа тема прочитајте тука.

[Поврзано: Хронично воспаление – една од главните причини за заморот
Што означува CRP тестот и зошто е важен за здравјето на крвните садови?]

7) Зајакнување на емотивната врска со партнерот

Повеќе истражувања покажуваат дека спиењето без облека, односно постојаниот контакт кожа со кожа, стимулира дополнително лачење на окситоцин, кој меѓудругото е ,,задолжен” и за создавање на приврзаност кон блиските личности.

Во последно време сè повеќе во тренд се т.н. кето диети и диетите што подразбираат исклучително низок внес на јаглехидратна храна. Причините се ,,потенок струк” и полесна контрола на килограмите. Но, дали ова, народски кажано, ,,држи вода”?

Во претходните статии зборувавме за најраспространетите невистини околу консумирањето јаглехидратна храна, но и за тоа колку погрешен пристап се диетите. Денес, повеќе важни причини зошто никако не треба да се откажуваме од житарките и т.н. полнозрнаста храна, која исто така во основа спаѓа во јаглехидратна храна?

[Поврзано: Се мешаат ли протеини и јаглехидрати?]

Сите житарки имаат уникатни корисни својства

Секоја житарка има уникатен состав кој ѝ дава посебни корисни ефекти за нашиот организам. Помеѓу најважните хранливи материи кои се наоѓаат во полнозрнастите житарки се сложените квалитетни јаглехидрати, протеините, здравите масти, повеќето витамини од Б групата, минералните, како бакар, железо, цинк, магнезиум, а најголемиот дел од позитивните својства на житарките доаѓаат од нивниот исклучително богат состав со растителни влакна (ова особено важи за т.н. ,,лебови без брашно”).

Помеѓу бројните корисни ефекти од доволното и редовно консумирање на фибер се вбројуваат: подобро дигестивно здравје и баланс во цревната микрофлора, намален ризик од колоректален канцер, подобро здравје на срцето и намалена хронична инфламација, што е помеѓу клучните фактори за повеќето хронични заболувања или болести на ,,модерното време”.

[Поврзано: 4 начини како да го намалите опасното ХРОНИЧНО воспаление]

Eдна студија од 2016 година, објавена во Circulation, открива дека луѓето кои секојдневно имаат оброци со полнозрнасти житарки, имаат за дури 22% помал ризик од смртност од било која причина, во однос на оние кои имаат намален внес на полнозрнасти житарки или нивни производи.

Житарките ја подобруваат ситуацијата со шеќерот и промовираат подобро дигестивно здравје

Полнозрнастата храна има низок гликемиски индекс, односно ја успорува работата на дигестивните ензими, со што помага да се одржи нормалното глукозно ниво во крвта.

Истражувањата покажуваат дека житарките помагаат и во намалувањето на ризикот од развивање на дијабетот.                                                                                                                                                                                                                                                                                                                                                                                  Различните житарки се добри и за корисната цревна микрофлора, од чиј баланс зависи и целокупното човеково здравје. Сигурно сте слушнале колку важна улога во нашето здравје игра пробиотската храна, но веројатно сте помалку информирани околу пребиотиците и нивното значење.

Токму растителни влакна на житарките претставуваат пребиотици,односно погодна храна која овозможува правилен раст и развој на корисната цревна флора, а со тоа и намалување на воспалителните процеси во цревата, но и целото тело.

[Поврзано: 6 конкретни здравствени придобивки од ПРЕбиотиците]

Секоја житарка нуди уникатни корисни ефекти

Како што веќе еднаш споменавме, секоја житарка има уникатен состав, па според тоа може да ни понуди и различни корисни дејства за нашето здравје. Затоа, секојдневно треба да консумираме различни зрна, а ако нешто треба да избегнуваме во однос на јаглехидратната храна, тоа се препроцесираните производи со додадени шеќери и храната добиена од белите брашна.

[Поврзано: Лебот е ЗДРАВА ХРАНА
Важни причини зошто треба трајно да ја замениме рафинираната храна
(БРАШНА) со ПОЛНОЗРНАСТ храна!]

Само полнозрнастите житарки можат да нѝ го понудат ,,целокупниот пакет” бенефити од одредена житарка, бидејќи за разлика од рафинираните, тие не подлежат на процеси во кои ќе им бидат отстранети одредени значајни делови, односно делови полни со различни хранливи материи.

Сите полнозрснасти житарки (зрна) се составени од 3 дела: лушпа, никулец и ендосперм. Секоја од овие компоненти е извор на уникатни нутриенти.

Лушпата е особено богата со расителни влакна, Б витамини, различни минерали (железо, бакар, цинк, магнезиум), но и различни други фитонуриенти, помеѓу кои и антиоксидативни соединенција.

Никулецот е богат со здрави маснотии, витамини од Б групата, витамин Е и низа други фитонутриенти. Од друга страна, внатрешниот дел на зрното или ендоспермот е извор на скроб (сложени јаглехидрати), протеини, но во доста помал обем на микронутриентите со кои се богати другите делови од зрното.

Секоја од споменатите, значајни хранливи материи, има своја лепеза на позитивни дејства по нашето здравје.

Полнозрнeстите житарки лесно можат да се додадат во здравиот начин на исхрана

Видовме зошто полнозрнастите, непроцесирани житарки треба редовно да се наоѓаат на нашите трпези, но уште нешто е исто така значајно.

Имајќи предвид дека секоја житарка има свој, засебен нутритивен профил, најдобро би било постојано да консумираме полнозрснасти, но разновидни житарки. Да не се ограничуваме само на еден тип, како на пример пченичниот интегрален леб (кој е секако здрава храна).

Низ нашите маркети и пазари постојат навистина најразлични житарки, но и производи кои се сплет на повеќе корисни полнозрнасти житарки. Користете ги ваквите производи, заедно со исхраната богата со:

▫ Kиноа семе – особено богат продукт со квалитетни протеини, без глутен и одлична замена за оризот.

▫ Ориз – секако, интегралниот, а зошто, прочитајте тука. [Предлог-рецепт: Рижото со печурки]

▫ Просо – особено хранлива житарка, која за жал е потценета и многу ретко ја употребуваме. Повеќе околу извонредната хранливост на просото, прочитајте тука.

▫ Овес – повеќе околу житарката која се смета за крал на доручеците, прочитајте тука. [Предлог-рецепт: Златен овесен доручек! ]

▫ Полнозрнасти лебови и лебови збогатени со различни јатки и житарки – леб добиен од вистинско интегрално брашно или леб без брашно.

▫ Јачмен, ‘рж, пченка итн.