ЗАРАДИ ГОЛЕМИОТ ИНТЕРЕС, ЈА ПРОДОЛЖУВАМЕ ПРОМОЦИЈАТА ДО 11-ТИ ЈАНУАРИ, ПОНЕДЕЛНИК!

———————————————————————————————-

А започнуваме на 15-ти ЈАНУАРИ!

ЗОШТО ЈА ПРАВАМ ОВАА ПРОМОЦИЈА?

Имам еден личен голем предизвик: КАКО ДА ГИ НАТЕРАМ МАЈКА МИ И ТАТКО МИ ДА ОСЛАБАТ? 🙂  Досега не ми успеало! И тие се пензионери, и тие се седнати дома со цела ситуација, и тие ми велат дека „ништо не јадат“, a килограмите се качуваат ли се качуваат и им го нарушуваат здравјето…

ЗА КОГО Е НАМЕНЕТА оваа промоција?

САМО за лица над 60 годишна во3раст!

ШТО ПОДРАЗБИРА ПРАЗНИЧНАТА ПРОМОЦИЈА?

После празнично „чистење на телото” од сите вишоци собрани за време на празниците: холестерол, маснотии, шеќер, задржана вода…

Учесниците ќе добијат:

• тримесечна програма од 15 јануари до 15 април во формат:
• 12 НЕДЕЛНИ МЕНИ за исхрана според препораките на д-р Митов
• препораки и мотивација за пешачење и физички вежби
• Фејсбук група  САМО за  учесниците во кои ќе имаат редовни и екслузивни презентации од д-р Митов
• награди за учесниците со најдобри резултати, пример – најголемо намалување на тежината.

ШТО ЌЕ СОДРЖИ НЕДЕЛНОТО МЕНИ?

• МАКЕДОНСКА храна! Нема авокада, киноа, чиа…
• Достапни и евтини препознатливи производи
• Лесни за готвење и блиски на македонската кујна!

КОГА ЗАПОЧНУВА?

                ПРИЈАВУВАЊЕТО ќе биде: од 29-ти декември до 5-ти јануари!

                ПОЧЕТОК: 15 -ти јануари!

ЦЕНА?

          Еден месец е 330 денари, а вкупната збирна цена на ПРОМОЦИЈАТА е 990 денари.

Како се разликува ПРАЗНИЧАТА промоција од ПРОГРАМИТЕ за животен стил?

Кај Програмите, има лични консултации со д-р Митов, и директна секојдневна комуникација. Празничната промоција за пензионери ќе биде групна, и комуникацијата ќе се одвива преку Фејсбук група.

Има два начини на уплата:

1) Преку веб страната, со картичка, на следниот линк : Промоција за пензионери – Д-р Митов (drmitov.mk)

2) Преку банка, на сметка:

ДУТП  ЦЕНТАР ЗА ЛАЈФСТАЈЛ МЕДИЦИНА ФЕНИКС ДООЕЛ увоз-извоз Скопје

СМЕТКА БР.210-071-581-220-108 НЛБ Тутунска Банка

ЦЕЛ НА ДОЗНАКА:

Празнична промоција

990 денари (330 за месец)

Идеален подарок за вашите најблиски за празниците!

Среќни и здрави празници!

Човекот го искусува и учи за светот и околината преку своите сетила. Едно од нив е и сетилото за допир.

Без разлика дали се работи за ,,обична” прегратка со пријателот или гушкање со блиска личност, допирот или физичкиот контакт претставува и начин да ја покажаме својата наклоност, приврзаност кон некого. Секако, тоа зависи и од културата, а според нашиот менталитет кој е близок до Медитеранскиот, физичкиот контакт е од особена важност. Тоа го докажа и изминатиов периодот на пандемијата со коронавирусот, односно навистина тешкото доживување на неопходноста од физичката дистанца.

[Поврзано: Чудото на природата наречено ,,допир”]

Окситоцин – хормон на љубовта

Зад потребата од допир и чувството на љубов и припадност кое со себе го носи тој допир, стои сложен биохемиски механизам. Допирот, односно прегратката стимулира лачење на окситоцин од страна на хипофизата, жлезда во мозокот.

Окситоцинот се смета за хормон на љубовта и својот пик го доживува за време на сексуалниот чин и оргазмот. Овој хормон придонесува за градење на чувство на припадност и врска помеѓу партнерите. Но, неговата функција не запира овде. Окситоцинот во истражувањата покажува и низа на други функции и здравствени бенефити.

Во продолжение, нема да зборуваме за некакви магични ефекти од гушкањето, тука научно потврдени корисни дејства од допирот со некоја за нас значјана личност.

1) Гушкањето го подобрува сонот!

Огромен дел од популацијата страда од недостаток од сон, поради најразлични причини – неконтролиран стрес поради брз ритам на живот, некакви хронични заболувања кои се пропратени со хронични болки, различни здравствени проблеми поврзани со сонот, како спиечка апнеа итн.

Истражувањата покажуваат дека повишените нивоа на окситоцин можат да го продолжат траењето и да го подобрат квалитетот на сонот, но да придонесат и за поправилен ритамот на дишење и забрзана циркулација на крвта. Многу повеќе околу придобивките од гушкањето за квалитетот на сонот, прочитајте во една од нашите претходни статии.

[Поврзано: Како да го подобрите сонот?]

2) Гушкањето може да помогне за слабеење?

Постојат низа физиолошки фактори кои стојат зад варијациите во телесната тежина, но кога станува збор за психолошкиот дел од процесот на слабеење (исто така многу битен дел од процесот), повишените нивоа на окситоцин поради гушкањето, можат да бидат од значителна помош. Имено, според достапните истражувања, окситоцинот ја намалува потребата за јадењето поради задоволство (емотивно прејадување) и на тој начин го поттикнува чувствотото на ситост.

Во една од претходните статии зборувавме околу различните начини како да помогнете на некоја ваша блиска личност доколку има проблеми со телесната тежина. Таму споменавме 10 начини, а гушкањето нека биде 11-тиот! Повеќе на темата, прочитајте тука.

3) Го намалува хроничното воспаление

Воспалението е неопходен и корисен механизам на борба со различни ,,итни” состојби во организмот, како на пример физички повреди. Сепак, хроничните процеси на воспаление, кои често се јавуваат поради различни причини, се вбројуваат помеѓу главните ризик-фактори за појава на т.н. болести на модерното време или повеќето најзастапени хронични заболувања: различни кардиоваскуларни, дигестивни болести, дијабет, па дури и малигни заболувања. Повеќе на оваа тема прочитајте тука.

Не само што окситоцинот може да поттикне поинтензивна синтеза на Т-регулаторните клетки, што води до намалување на инфламацијата, туку овој хормон го намалува воспалението и преку намалувањето на проинфламаторните протеини, наречени цитокини.

4) Физичкиот допир има потенцијал да ги намали симптомите на анксиозност

Одамна ни е познато дека прегратката знае да ни го намали стресот и да делува смирувачки, а во поново време и науката го потврдува позитивниот ефект на физичкиот допир во однос на намалувањето на симптомите на анксиозност, па дури и на нејзините потешки облици.

5) Поздраво срце!

Веќе зборувавме дека истражувањата ги поврзуваат покачените нивоа на окситоцин, со намалувањето на процесите хронична инфламација и анксиозноста, но исто така, овој хормон може да го намали и стресот, како и високиот крвен притисок. Сите споменати фактори влијаат лошо на здравјето на срцето. Така, може да се смета дека прегратката е своевиден лек и за срцето!

6) Гушкањето го појачува имунитетот

Веќе рековме дека окситоцинот може да ги зголеми нивоата на Т- регулаторните имуни клетки, што води кон балансирање и појачување на имуниот одговор.

Дополнително, гушкањето поттикнува и лачење на хормонот на среќата, наречен серотонин. Околу 95% од овој хормон, кој се смета и за невротрансмитер (исто како што се смета и окситоцинот), се продуцира во дигестијата. Серотонинот исто така делува стимулирачки во однос на имунитетот. Впрочем, според некои студии, почестото гушкање нè прави поотпорни на заболувања, а ако тие се појават, ги олеснува нивните симптоми.

[Поврзано: Како ИМУНИТЕТОТ е поврзан со животниот стил?]

7) Ги олеснува хроничните болки

Истражувањата утврдуваат значително пониски нивоа на окситоцин кај лицата кои страдаат од различни облици на хронични болки. Окситоцинот може да ги намали болките кај луѓето кои се соочуваат со болки во половината, но и оние кои страдаат од посилни болки, како болки при канцер, хронични стомачни болки итн.

[Поврзано: 5 правила за самопомош кога сме соочени со ХРОНИЧНИ БОЛКИ
Имате хронични болки? Губењето килограми може значително да Ви помогне!]

Гушкањето, може да придонесе и за:

▫ Зајакнување на пријателските, родителските и љубовните врски
▫ Намалување на стресот и напнатоста
▫ Намалување на чувството на осаменост, страв, летаргија, безволност и тага

▫ Подобрување на расположението итн.

Високите нивоа на глукоза во крвта се примарна грижа за луѓето со дијабет. Ова е случај кога телото не може ефективно да ја транспортира глукозата од крвта до клетките кои имаат потреба од неа.

Продолжените периоди на нетретирана ваква состојба, можат да водат кон дијабет или шеќерна болест.

Зошто е важно контролирањето на шеќерот во крвта?

,,Држењето” на шеќерот во нормални граници е од голема помош за избегнување на посериозните компликации кај луѓето со дијагностициран дијабет.

Високиот крвен шеќер може да предизвика повеќе непријатни, лоши ефекти кои можат да се јават одеднаш, како киселинско натрупување во крвните садови или да се развиваат со текот на времето.

При долготрајно нетретираните високи нивоа на шеќер во крвта, може да настанат оштетувања на поголемите крвни садови во неколку органи и органски систем, што може да води кон посериозно последици, вклучително:

• нарушен вид и слепило
• инфекции на екстремитетите и ампутации
• откажување на бубрезите и потреба од дијализа
• срцев и мозочен удар
• периферно васкуларно заболување
• оштетувања на нервниот систем

Одржувајќи го нивото на шеќер под 100mg/dL пред јадењето и под 180mg/dL по јадењето, луѓето со дијабет можат значително да си помогнат во намалувањето на ризикот од несаканите компликации.

10 природни начини како да го намалите или да го одржите нормалното ниво на глукоза во крвта

1) Бидете редовно физички активни

Редовното вежбање може да помогне во намалувањето на телесната тежина и во подобрувањето на инсулинската сензитивност. Ова значи дека клетките ќе имаат подобрена способност за искористување на шеќерот во крвотокот.

Физичката активност помага и во согорувањето на шеќерите од мускулатурата, за енергија за мускулни контракции.

За умерена физичка активност, како што е пешачењето, брзото пешање, возењето велосипед, работата во градина итн, способен е секој без разлика на возраста и физичката спремност.

2) Одржувајте здрава телесна тежина

Губењето килограми помага во контролирањето на шеќерот. Луѓето со повишена телесна тежина имаат зголемен ризик од инсулинска отпорност. Гојазноста можеби и е примарната причина за појава на дијабетот тип 2.

Студиите покажуваат дека намалувањето на телесната тежина за само 7%, може да ги намали шансите за развивање на дијабет дури за 58%.

Многу е важно да се разбере дека пациентот не треба да дојде до идеалната телесна тежина за да има корист од тоа, токму споменатата студија е доказ.

3) Внимавајте на внесот на јаглехидрати и што е поважно, нивниот тип

Телото, освен што директно ги добива шеќерите, ги добива и индиректно преку разградувањето на сложените јаглехидрати или полисахаридите. Тоа се големи молекули кои се составени од низа на шеќерни мономерни единици.

Кога ќе внесете поголеми количества јаглехидрати, особено ако имате проблем со дијабетот, нивоата на глукоза во крвта драстично ќе пораснат.

За среќа, постојат начини како да си помогнете, а тоа е да внимавате на внесот на јаглехидратна храна и кога ја внесувате, таа да биде полнозрнаста или интегрална. Полнозрнастата храна има помал гликемиски индекс, односно поспоро се разградува и на тој начин, глукозата постепено се ослободува во крвотокот.

Полнозрнастата и интегрална храна се интегралните житарки, тестенини, ориз итн.

4) Зголемете го внесот на растителни влакна-фибер

Покрај тоа што фиберот го намалува гликемискиот индекс на полнозрнастата и интегрална храна која е богата со јаглехидрати, тој делува и на чувството на ситост, претставува храна за корисната цревна микрофлора и што е многу значајно, ја успорува целокупната дигестија(го намалува гликемискиот индекс на внесената храна).

Ова значи дека треба да гледате во секој оброк да има присутни растителни влакна. Други добри извори на фибер се свежата храна, мешунките, јатките итн.

Препораките за внес на фибер во текот на еден ден се 38g за мажи и 25g за жени. Доколку тешко го достигнувате ова ниво, можете да се обидете и со фибер суплементи.

5) Јадете помали порции

Помалите порции можат да го намалат калорискиот внес и да водат кон слабеење. Контролирањето на телесната тежина најчесто оди рака под рака со здравите нивоа на шеќер во крвта и го намалува ризикот од дијабет тип 2.

Со тоа што се намалува општиот внес на храна, се превенираат и силните шеќерни пикови по оброците.

6) Најдете механизми за контролирање на стресот

Истражувањата наоѓаат директна релација помеѓу стресот и нивоата не шеќер во крвта.

Хормоните како глукагон и кортизол се лачат при стресни ситуации и индиректно предизвикуваат зголемување на нивоата на глукоза во крвотокот.

Една студија која за волонтери имала повеќе студенти, вели дека релаксирањето и медитацијта значително можат да го намалат стресот, а со тоа да ги намалат нивоата на шеќер во крвта.

7) Редовно следете го нивото на шеќер во крвта

Мерењето и следењето на глукозата во крвта во студиите се покажало од значителна помош во нејзиното контролирање.

На пример, ваквото следење овозможува полесно да заклучите дали и кога треба да направите одредени промени во оброците или медикаментите, а исто така може да помогне и во откривањето на влијанието врз вашето телото на одредени конкретни прехранбени продукти.

8) Спијте доволно

Лошите навики за спиење исто така можат негативно да влијаат на нивото на глукоза во крвта, но и на инсулинската сензитивност. Може да водат до повишен апетит и да поттикнат развивање на гојазност.

При нарушен сон, нивоата на хормонот за раст опаѓаа, а се зголемува нивото на кортизол, кој рековме дека влијае негативно во однос на шеќерот. Хормонот за раст, исто така игра улога во контролирањето на глукозата во крвта.

Секако, сонот е значаен и за многу други аспекти од општото здравје.

9) Јадете повеќе храна богата со магнезиум и хром

Високиот шеќер е поврзан и со недостатокот од одредени микронутриенти, како минералите хром и магнезиум.

Хромот е значаен во метаболизмот на мастите и јаглехидратите, контролата на глукозата во крвта и неговиот недостаток може да води до јаглехидратна интолеранција. Храна богата со хром е полнозрнастата храна(житарки), кафето, јатките, мешунките, брокулите итн.

Во една студија, луѓето кои имале исхрана богата со магнезиум, имале за дури 50% помал ризик од развој на дијабет.

Храна богата со магнезиум: зелен зеленчук, темна чоколада, банани, мешунки, риба, полнозрнасти житарки итн.

10) Пијте доволно вода

Пиењето доволно вода може да го одржи нивото на глукоза во крвта во здрави граници.

Дополнително, спречувањето на дехидратацијата ја помага работата на бубрезите во филтрирањето на вишокот шеќер од крвта во урината.

Низа од студии укажуваат дека редовното и доволно хидрирање ја рехидрира крвта, го намалува нивото на шеќер во неа и го намалува ризикот од развивање дијабет.

Општо е познато дека за пандемијата на гојазноста во модерното време, пред сé  одговорни се неправилната исхрана и физичката неактивност. Но, дали сте знаеле дека постојат и класи синтетски соединенција кои се поврзуваат со нагло зголемениот ризик од гојазност? Тие се наречени обезогени соединенија и се наоѓаат во низа секојдневни производи.

Во продолжение, дополнителни причини плус за исфрлање од употреба на пластичните чашки, прибор и различните прехранбени пластични пакувања и причина плус за зголемување на внесот на свежа и непроцесирана храна.

Што се обезогени соединенција?

Обезогените соединенција се синтетски или вештачки добиени хемикалии кои можат да се најдат во различните пакувања за храна, пластичен прибор и прибор за готвење. Ваквите компоненти се сметаат за нарушувачи на ендокрината функција на организмот.

На тој начин, тие влијаат и врз телесната тежина. Освен тоа, тие можат и да нарушат некои други хормонски дејства, делувајќи на фертилноста и пубертесткиот развој.

Постојат над 20 утврдени обезогени соединенција, а ваквото име го добиле пред 16 години, кога било утврдено нивно нарушувачко дејство на метаболитичките процеси, што резултирало со зголемена телесна тежина, но и општо, зголемен ризик од зголемена телесна тежина во текот на животот.

Според истражувањата, обезогените соединенија го поттикнуваат зголемувањето на телесната тежина преку нарушувањето на метаболизмот на адипоцитите(масните клетки), зголемувајќи ја резервната енергија во масните ткива и  преку нарушувањето на невроендокрината контрола на апетитот и заситувањето.

Кои се најчестите обезогени супстанции?

1) BPA или бисфенол А

Токсичниот ефект на ова соединение е добро познат и се состои од зголемена инфламација, инфертилност и недостаток од витамин Д.

Но, според новите истражувања, ВРА се поврзува и со гојазноста и дијабетот. Една мета-студија од 2019 укажува на можна причинско-последична врска помеѓу детската гојазност и изложеноста на споменантата хемикалија бисфенол А.

Најчесто бисфенол А се користи кај пластичните шишиња, пластичниот прибор за една употреба, играчките, некои типови на медицински прибор, ПВЦ пластични компоненти, но исто така можно е да се сретне и кај металните буриња за пиво, металните пакувања за кафе, лименките и металните затворачи за тегли.

2) Фталати

Фталатите се хемикалии кои се додаваат на пластиката, со цел зголемување на нејзината флексибилност и рок на траење. Нашле примена во широк спектар на козметичките продукти и пакувањата за храна, но и детските играчки, кремите за сончање, детергентите итн.

Се смета дека во САД над 75% од населението во својот организам има одредено количество од овие компоненти.

Една мета-анализа од 2019 година, анализирала податоци од 29 истражувања, по што дошла до заклучок дека постојат силни индикации за директна поврзаност на изложеноста на фталати и гојазноста, особено кај повозрасните лица.

Покрај негативниот ефект во однос на метаболизмот и гојазноста, фталатите се поврзуваат и со репродуктивни нарушувања, вкучително оштетувања во ДНК на сперматозоидите, токсичност за тестисите и нарушен пубертет.

3) Полихлоринирани бифенили

Синтетски компоненти со широка индустриска примена, вклучително како обојувачи на хартија, пластификатори на боите, а присутни се и во различни пластични и гумени производи. Иако во повеќето земји веќе овие компоненти се забранети, сепак сé уште можат да се најдат во многу производи, но и како загадувачи на водите и почвите.

Тие можат да се акумулираат во листовите и другите делови од растенијата и на тој начин да станат храна за рибите и другите животни, но да стигнат и до трпезите.

Студиите нашле релација помеѓу развојот на гојазност и овие компоненти. Дополнително, пронајдени биле и влијанија на зголемената инсулинска резистентност, зголемен ризик од дијабет тип 2 и метаболен синдром.

4) Атразин

Еден од најчесто употребуваните хербициди, односно земјоделски препарати за заштита на насадите од треви и други штетници. По нанесувањето на почвите, тој може да навлезе во нив, а така да стигне и до подземните води и евентуално да ја контаминира водата за пиење. Секако, дел од овој хербицид може да остане и на самите земјоделски култури.

Истражувањата покажуваат дека оваа компонента може да придонесе за развивање на инсулинска резистентност и гојазност, особено во комбинација со исхрана богата со маснотии.

Како да ја намалиме нашата изложеност на овие штетни компоненти

Кога се работи за овие обезогени супстанции, најважно е да се внимава дали бебињата и децата се изложени на нив, бидејќи во првите години од животот телото сé уште нема доволно развиени контролни механизми за тежината, а и штетите се повозможни. Секако, изложеноста е опасна за секого, па во продолжение неколку совети како да ја намалите изложеноста на ваквите штетни соединенија:

• Избегнувајте храна која е пакувана во било каква пластика

• Употребувајте стаклени чаши и шишиња(стаклото е најинтертниот, односно најмалку реактивниот материјал за пакување, единствената маана му е нееластичноста и лесната кршливост)

• Не ставајте пластични садови или разни пластични пакувања со храна во микробранова

• Употребувајте повеќе домашно подготвена козметика

• Внимавајте дали пластични продукти кои ги користите содржат ВРА

• Употребувајте прибор за готвење од нерѓосувачки челик, од легури на железо и карбон или од отпорно стакло

• Добро мијте ја и јадете повеќе свежа храна

Некои типови храна можат многу брзо, нагло да го покачат шеќерното ниво во крвта. На пример, таква храна се белиот леб и продуктите од бели брашна, грануларниот шеќер и слични производи со празни калории. Телото многу лесно и брзо може да ги дигестира јаглехидратите од оваа храна и да ги апсорбира во крвотокот нејзините глукозни единици, за разлика на пример од сложените јаглехидратите на полнозрнестите житарки и нивните производи.

Редовното консумирање ваква храна, особено во поголеми количества, има потенцијал да ви направи сериозни проблеми со контролирањето на шеќерот, па дури и ако редовно и правилно користите инсулин и други медикаменти за контролирање на дијабетот. Затоа, особено за лицата со дијабет се препорачува силно избегнување на рафинирана храна и нејзино заменување со полнозрнеста храна.

Кога се зборува на оваа тема, неминовно се наметнува еден поим, а тоа е гликемискиот индекс. Тој всушност може да ни покаже која храна има ,,пријателски“, а која ,,непријателски” јаглехидрати. Неговото познавање може значително да помогне во одржувањето на стабилните шеќерни нивоа во крвта.

[Поврзано: Важни причини зошто треба трајно да ја замениме рафинираната храна (БРАШНА) со ПОЛНОЗРНЕСТА храна]

Што претставува гликемики индекс?

Гликемискиот индекс е бројна вредност, која означува колку брзо телото ги конвертира или преобразува јаглехидратите во глукоза. Два типа храна со потполно иста јаглехидратна содржина, можат да имаат различни вредности за гликемискиот индекс.

Колку што е помала вредноста на гликемискиот индекс, толку консумираната храна има помал импакт врз нивоата на шеќер во крвта.

• 55 или помалку – низок или добар гликемиски индекс
• 56-69 – среден
• 70 или повеќе – висок гликемиски индекс

Кај некои од продуктите вредноста на гликемискиот индекс е дадена на пакувањето, а доколку не можете да ја најдете, можете во врска со тоа да се консултирате со докторот кој ве следи или самите да го проверите ГИ на интернет.

Генерално важи следното правило: Храната која што е поблиску до нејзината природна форма, односно е што помалку процесирана, има тенденција да има помал гликемиски индекс.

Гликемискиот индекс може и да се менува

Гликемискиот индекс може да биде нешто поразличен од тоа што е на етикетата, во зависност од неколку фактори:

▫ Возраста

▫ Нивото на физичка активност

▫ Каква ви е состојбата на дигестивниот систем и како телото реагира на јаглехидратна храна

▫ Одредени заболувања, како гастропареза (храната ќе се апсорбира поспоро)

▫ Начинот на кој ќе ја приготвувате дадената храна – мастите, растителните влакна и киселините (како лимонска и оцетна) го снижуваат гликемискиот индекс. Колку подолго ќе ја готвите скробната храна, на пример пастата (макарони, шпагети, тарана и слично), толку нејзиниот ГИ ќе биде повисок.

▫ Зрелоста – ГИ на овошките, како бананите на пример, значително се зголемува со нивното созревање.

▫ Другата храна која се јаде во исто време – комбинирајте ја храната со нешто повисок ГИ, со храна која има доста низок ГИ. На пример, овошки со овесна каша,пробиотски јогурт со варен ѓеврек итн.

Гликемискиот индекс и правилната исхрана

ГИ никако не треба да биде единствениот критериум според кој ќе избирате што да јадете. Ако храната има низок ГИ, тоа не мора да значи дека е супер здрава храна или дека ,,слободно” можете да јадете од неа колку што сакате, без никакви негативни последици. Клучни остануваат калориите, макро и микронутритивниот состав (витамини, минерали и разни фитохемикалии).

Добар пример за храна со низок ГИ индекс, а нутритивно сиромашна храна со празни калории е чипсот. Тој има видно понизок ГИ од овесот и речиси ист како боранијата, па тоа ни од далеку не го прави подобра храна од нив. Овесот и боранијата имаат низа други хранливи компоненти кои се неопходни за оптималното здравје.

Големината на порцијата е исто така од огромно значење. Колку повеќе јаглехидратна храна јадете, толку повеќе тоа ќе се одрази на шеќерот во крвта. Ова го покажува вредноста за поимот гликемиско оптоварување, која често пати се наоѓа на етикетите заедно со ГИ. ГО всушност претставува гликемиски индекс за спцифично количество храна.

ГО може да ви помогне истовремено во определувањето и на квалитетот и на квантитетот на јаглехидратите во дадена храна. Под 10 се смета за ниско, над 20 за високо.

Ако сакате да имате исхрана со ниско гликемиско оптеретување, јадете:

▫ Повеќе: полнозрнеста храна, јатки, мешунки, овошки, зеленчук без скроб и друга храна со низок ГИ.

▫ Умерено: храна со нешто повисок гликемиски индекс, како компири и бел ориз.

▫ И крајно избегнувајте: препроцесирана производи со додадени шеќери – газирани и било каков друг вид на сокови, колачиња, различни видови слатки итн.

Секако, понекогаш можете да внесувате и храна со висок ГИ, но внимавајте на количествата и секогаш кога е можно комбинирајте ја таквата храна со производи со низок ГИ.

[Поврзано: 7 совети како да ги намалите порциите без да останете гладни]

Секое хронично заболувања си бара засебни прилагодувања во начинот на живеење, сè со цел полесно менаџирање или контролирање на болеста.

Секако, ова важи и за пациентите со некакво хронично бубрежно заболување. Практикувајќи некои навики и превземајќи одредени чекори, овие пациенти освен што ќе превенираат понатамошни компликации од болеста и оштетување на бубрезите, ќе си овозможат и превенција од кардиоваскуларни заболувања, а ќе ја подобрат и својата општа здравствена состојба.

Во продолжение, 10 конкретни корисни совети за соодветно контролирање на дијагностицираните бубрежни заболувања. Ваквите совети можат да помогнат и во превенирањето на бубрежните заболувања, што е од голема важност за оние луѓе кои имаат зголемен ризик од нив.

1) Постојано следете го и соодветно контролирајте го крвниот притисок

Ова е можеби најзначајната работа која можете да ја направите за вашите бубрези. Високите вредности на крвниот притисок можат да ги оштетат бубрезите.

Имајќи предвид дека високиот крвен притисок најчесто не покажува никакви симптоми (затоа често е нарекуван и ,,тивок убиец”), многу е значајно при дијагностицирани бубрежни заболувања постојано да ги следите неговите вредности и да ги утврдите несаканите промени (и најмалите промени кои се константни, се вредни за внимание).

Постојаното следење, ќе ви овозможи соодветно да го контролирате притисок, секако по консултирање со лекарот за начинот на кој тоа ќе биде изведено. Начинот најчесто е  преку менување на животните навики (намалување на употребата на сол, здравата исхрана, добриот сон, физичката активност) и одредени медикаменти. Повеќе за овие теми во продолжение.

[Поврзано: Основни, а пресудни информации за крвниот притисок]

2) Секогаш контролирајте го крвниот шеќер ако имате и дијабет

Редовно следете ги шеќерните нивоа во крвта. Употребувајте ги добиените резултати како водич за начинот на исхрана, активноста и медикаментите. Редовно консултирајте се со лекар околу вашата состојба со дијабетот.

Правете и редовен HbA1c тест. Тој ќе ви покаже како се движеле глукозните нивоа во подолг временски интервал – околу 3 месеци.

[Поврзано: HbА1c тест или тримесечен просек – извонредено важен тест при дијабет!
Како до подобра контрола кај дијабет?]

3) Следете ги важните параметри за здравјето на бубрезите

За жал, вообичаено состојбата со бубрежните хронични заболувања се влошува со текот на времето. Затоа е многу важно почесто да правите прегледи и да се советувате со вашиот лекар што би требало понатаму да превземате, врз основа на компаративната анализа на резултатите од повеќе постари и понови тестови. Вообичаено, поставените целите треба да ви бидат:

• одржуватење на стабилен GMR или степен на гломелуларна филтрација
• одржуватење на стабилно или пониско ниво на уринарен албумин

[Поврзано: Бојата на урината кажува многу за вашето здравје!]

4) Бидете дисциплинирани со терапијата која ви е препишана од стручните лица

Ова важи за сите заболувања, па и за хроничните бубрежни. Многумина со вакви проблеми примаат лекови за контролирање на хипертензијата, крвниот шеќер и за намалување на холестеролот (статини).

Исто така, бидете свесни дека терапијата може да се менува со текот на времето, како што се менуваат околностите, затоа е многу важно да практикувате редновни прегледи. Ваквите прегледи ќе овозможат порано да се утврди потребата од исклучување или вклучување на одредена терапија.

Задолжително консултирајте се со лекарот кој ве следи пред да употребувате било каков тип на суплементи (витамини, минерали и слично). Некои од нив можат да имаат несакани интеракции со терапијата која веќе редовно ја примате.

Секако, не смеете да го заборавите практикувањето на добрите животни навики што ги споменавме и за кои повеќе ќе зборуваме во продолжение.

Комбинацијата од она што се подразбира под здрав начин на живот, редновните превентивни прегледи и правилното и редовно користење на терапијата според препораките од лекарот е идеалниот пат за соодветно контролирање на бубрежните заболувања.

5) Бидете свесни дека е многу важно што јадете и пиете!

Правилната исхрана може да ви помогне да ги заштите бубрезите, да го намалите крвниот притисок, да го оптимизирате глукозното ниво во крвта и да ги превенирате или значително да ги одложите евенуталните компликации од бубрежните хронични заболувања.

Најважните совети околу исхраната при хронични бубрежни заболувања се:

• Обрнете посебно внимание на тоа колку сол јадете. Намалете го внесот на сол – јадете повеќе свежа храна, избегнувајте препроцесирана производи, употребувајте повеќе зачини за вкус на храната, проверувајте ги етикетите на продуктите за да откриете ,,скриени сол“, цедете ја конзервираната храна итн.

[Поврзано: Наједноставната промена која БУКВАЛНО може да би го СПАСИ животот!]

• Внимавајте да не внесувате премногу протеини, бидејќи крајниот метаболитички продукт од овие нутриенти треба да биде обработен токму од бубрезите – зголемениот внес на протеини може да ги преоптерети бубрезите. Затоа, ќе морате да ги намалите продуктите од животинско потекло и да не претерувате со мешунките и јаткастите плодови.

• Јадете храна која е здрава за срцето – помалку заситени и трансмасти, повеќе незаситени масти од растително потекло, свежа храна, храна богата со калиум.

• Немојте да пиете алкохол – може да го покачи крвниот притисок.

• Внимавајте и на тоа колку фосфор внесувате преку храната.

6) Бидете редовно физички активни

Имајте умерена физичка активнот најмалку 150 минути во текот на неделата. Таа ќе ви помогне да го намалите стресот, да ја одржите здравата телесна тежина, да го регулирате шеќерот и крвниот притисок. Повеќе околу умерените физички активности, прочитајте тука.

[Поврзано: Кои се придобивките од физичката активност?]

7) Одржувајте здрава телесна тежина

Гојазните луѓе имаат бубрези кои работат понапорно, што на долг рок го зголемува ризикот од нивно оштетување.

Претходно споменатите – здрава и правилна исхрана и редовна физичка активност можат да превенираат од гојазност.

[Поврзано: Важни принципи на слабеењето – Што треба, а што не треба да правите?]

8) Спијте доволно

Спијте најмалку 7-8 часа во текот на ноќта. Квалитетниот сон е многу важен за одржување на општата ментална и физичка здравствена состојба, а директно придонесува и во регулирањето на шеќерот и крвниот притисок – познати ризик фактори за бубрежните заболувања.

[Поврзано: Како да го подобрите сонот?]

9) Оставете ги цигарите

Покрај низата други штетни ефекти за нашиот организам, цигарите можат значително да ја влошат состојбата со хроничните заболувања на бубрезите. Пушењето го зголемува и ризикот од  развивање на бубрежни нарушувања кај оние што ги немаат.

[Поврзано: Лоши животни навики – ПУШЕЊЕ]

10) Најдете траен начин за справување со хроничниот стрес

Хроничниот стрес може да придонесе за развивање хипертензија, а лошо влијае и на шеќерната болест. Доброто здравје на бубрезите е уште една во низата причини зошто треба да најдеме соодветен начин за трајно справување со проблемот со стресот.

Депресијата е честа појава кај луѓето со хронични заболувања, па така и кај луѓето со хронични бубрежни заболувања. Стресот пак, е дополнителен ризик-фактор за депресија и низа други здравствени проблеми.

[Поврзано: Депресијата не е обична тага!]

Поврзани теми: Како да се спречат камчињата во БУБРЕЗИТЕ?

Сите знаеме дека сета свежа храна, односно сите овошки и зеленчуци, важат за особено здрава храна. Сте забележале дека ова уште повеќе важи кога станува збор за  зеленчуците, како брокула, карфиол, кељ, прокељ итн. За нив често се употребува и терминот ,,супер-храна”. Зошто е тоа случај?

Круциферозни зеленчуци

Споменатите зеленчуци се обединети под името круциферозни зеленчуци, а тука спаѓаат и: зелката, ротквицата, руколата, маца растението, добрејката, различни видови репка и многу други билки нетипични за нашите простори. Тие се доста застаени намирници во медитеранскиот начин на исхрана.

Круциферозните зеленчуци се особено нутритивно сконцентрирана храна, што значи имаат доста ниска калориска вредност, а од друга страна извонреден микронутритивен состав (витамини, минерали, антиоксиданти и различни фитохемикалии).

Тие посебно се богати со витамините А, Ц, К и оние од Б групата, потоа со минералите кои ни се потребни во поголеми количества, а често ни недостастуваат, како железо, калиум и магнезиум, различни моќни антиоксидативни компоненти, како сулфурафанот на брокулата и глукозинолатите на карфиолот, а претставуваат и навистина добар извор на квалитетни растителни влакна.

[Поврзано: Нутритивно сконцентрирана храна – што е тоа?]

Ваквиот, навистина импресивен хранлив состав на круциферозните зеленчуци, им овозможува и повеќе импресивни корисни ефекти во однос на нашето здравје. Редовната употреба на различните круциферозни зеленчуци, помеѓу останатото ни овозможувa:

1) Борба против процесите на хронична инфламација
2) Контролирање на телесната тежина
3) Полесно регулирање на крвниот шеќер
4) Подобро кардиоваскуларно здравје
5) Поспоро стареење итн.

1) Борба против процесите на хронична инфламација

Зеленчуците од круциферозната група се особено богат извор на навистина потентни антиоксидативни компоненти утврдени во лабораториски услови, како: лутеин, зеаксантин, сулфурафан, глукозинолати, кверцетин, кампферол, изотиоцијанати и различни други флавоноиди, антоцијанини,  каротеноиди, терпени, танински материи, кумарини, антиоксидативните ензими (каталаза, супероксид дисмутаза, пероксидаза) итн. Вреди да се споменат и антиоксидативните витамини, како витамин А и витамин Ц.

Антиоксидантите се одбранбениот механизам на телото од слободните радикали – штетни компоненти кои постојано се продуцираат како метаболитички отпад во телото и оксидативно ги оштетуваат неговите различни клетки и ткива. Организмот има механизми самиот да продуцира одреден процент на потребни антиоксиданти, но сепак зависи и од внесените.

Постојаните оксидативни оштетувања, водат до процеси на хронична инфламација или воспаление, кое пак на подолг рок е една од главните причини за развој на хроничните заболувања – најчестите болести на модерното време.

Поради ваквиот состав, круциферозните зеленчуци се вбројуваат во групата на најдобра храна за борба против хроничната инфламација. Една студија од 2014 година вели дека исхраната која подразбира редовно консумирање на вакви зеленчуци, се поврзува со 25% намалување на инфламаторните маркери кај жените.

Значи, ваквиот зеленчук може значително да помогне во превенцијата и третманот на заболувањата кои се директно или индиректно поврзани со хроничните инфламаторни процеси – ревматоиден артртис, астма, улцеративен колитис, гастритис, различни срцеви заболувања, дијабет, па дури и малигни заболувања.

[Поврзано: 4 начини како да го намалите опасното ХРОНИЧНИ вопаление]

2) Контролирање на телесната тежина и подобро дигестивно здравје

Како што веќе забележавме, круциферозните зеленчуци се особено  нутритивно сконцентрирана храна – имаат навистина ниска калориска вредност.

Ова ги прави одлична храна за додавање во здравиот начин на исхрана при слабеење. Исто така, нешто што е многу важно за процесот на слабеење – круциферозните зеленчуци содржат одлични количества растителни влакна (повеќето содржат во една порција и до 1/4 од нашите дневни потреби!). Голем дел од популацијата има проблем со доволниот внес на овие важни компоненти за дигестивното, а преку тоа и за целокупното здравје. Значи, освен што практично не можете да претерате со оваа храна, таа истовремено ќе ви обезбеди и извонредна хранливост.

Растителните влакна претставуваат храна за корисната цревна микрофлора и помагаат во постепеното дигестирање на храната. Ова постепено дигестирање води кон постепеното испуштање на глукоза во крвта (низок гликемиски индекс), што прави да сме сити подолго време. Дополнително, тие можат да допринесат за побрза и подолга заситеност преку врзувањето на слободната вода во стомакот.

Фиберот го подобрува дигестивно здравје – подобра цревна перистатика, намален ризик од најчестите дигестивни заболувања – дијареа, запек, синдром на нервoзни црева, нарушувања поврзани со корисната цревна микрофлора, разни воспаленија итн.

Едно истражување покажува дека со зголемувањето на внесот на фибер во организмот, опаѓаат шансите за развивање на колоректален канцер.

Глукозионатите го стимулираат доброто работење на црниот дроб, односно продуцирањето на детоксифицирачките ензими кои се клучни во неутрализирањето на штетниот метаболитички отпад кој постојано се продуцира во телото – слободните радикали. Покрај ова, споменатите антиоксидативни компоненти, заедно со сулфурафанот, превенирааат од воспалителни процеси на внатрешното ткиво во дигестивниот тракт.

3) Полесно регулирање на крвниот шеќер – погодна храна за пациенти со дијабет

Како што претходно наведовме, круциферозните зеленчуци се особено богат извор на растителни влакна, што придонесува за постепено апсробирање на глукозата во крвотокот – многу важно за пациентите со дијабет.

Дополнително, одредени студии го поврзуваат редовното јадење на ваков зеленчук со намалување на шеќерот при дијабет, што се поврзува со нивниот навистина моќен антиоксидативен потенцијал.

Една анимална студија, дошла до доста интересни податоци. Имено, глувците болни од дијабет, кои биле хранети со екстракт од брокули имале намалено оштетување на панкреасните клетки.

4) Подобро здравје на срцето

Кардиоваскуларните проблеми се водечка причина за смртност во нашата земја. Исхраната е исклучително важен фактор кој може да придонесе за превенирањето на ваквите заболувања кај кои неретко смртта е и првиот симптом.

Круциферозните зеленчуци, како дел од она што значи здрава исхрана, се многу важен фактор за одржување на оптималното кардиоваскуларно здравје.

Повеќе сериозни научни истражувања ни даваат податоци според кои може да се заклучи дека редовното консумирање ваков зеленчук, значително го намалува ризикот од срцевите заболувања.

Ова главно се должи на нивниот антиоксидативен, антивоспалителен состав, богатата содржина на минерали кои се значајни за срцето – калиум и магнезиум, но и повеќето корисни фитохемикалии.

5) Поспоро стареење

Стареењето е неизбежен природен процес кој е силно поврзан со оксидативниот стрес и намалената метаболитичка функција, а квалитетот на исхраната се смета за еден од клучните фактори во определувањето на генетската експресија (актвирање) и развојот на болестите кои се поврзани со овој процес.

Едно истражување кое се занимава со оваа тематика, вели дека сулфорафанот, главната биоактивна компонента на одредени круциферозни зеленчуци, има капацитет да го успори биохемискиот процес на стареење преку намалување на експресијата (активирањето) на ,,антиоксидативните” гени.

Сепак, за потврдување на овие податоци, потребни се многу повеќе студии на истата тематика.

Други корисни ефекти од редовното консумирање на круциферозен зеленчук:

•  Антиканцероген ефект – низа сериозни истражувања укажуваат на антиканцероген ефект на одредени антиоксидативни компоненти на круциферозните зеленчуци.
• Одлична храна за трудници – пред сè поради богатата содржина на витамини од Б групата (посебно Б9 и холин).

• Подоброздравје на очите – поради антиоксидативниот состав (пред сè лутеин, зеаксантин и сулфурафан).
• Помош при балансирање на хормоните– способност (индол-3-карбинол) за намалување на ,,нездравите” нивоа на естроген, што е од огромно значење во превенцијата на хипетироидизам, автоимуни заболувања, хроничен замор итн.
• Подобар имунитет, но и здравје на кожата – поради одличната концентрација на витаминот Ц.
• Подобро здраје на коските –добар минерален состав и витамин К.

  Можни несакани ефекти

  Несаканите ефекти се доста ретки, но постојат ситуации во кои треба да бидете внимателни со количествата од овие зеленчуци: ако имате одредена алергија на ваква храна, ако претходно сте имале навистина сиромашен внес на фибер (постепено зголемувајте го внесот, а не одеднаш), ако имате проблеми со хипотироидизмот или друго нарушување на тироидната жлезда и слично.

  Сепак, доста е тешко да претерате со ваквата храна. Повеќе на оваа тема, прочитајте тука.

Поврзани теми: КАРФИОЛ – толку малку калории, а толку многу хранливост!
12 извонредни својства на БРОКУЛАТА!
Што е поздраво:  БРОКУЛА или КЕЉ?

Вишокот телесна тежина измачува огромен дел од светската популација, па губењето на килограмите е една од најчестите здравствени и фитнес цели.

Според Американскиот центар за превенција и контрола на заболувањата (CDC), речиси половина од населението во САД во последните 12 месеци имало некакви обиди за слабеење.

Желбата за слабеење резултира со безброј стратегии и методи за слабеење, некои поцврсто, а некои многу послабо базирани на наука, повеќе на ,,искуство”.

Неодамна објавено истражување во едно од подобрите списанија кога станува збор за гојазноста – Obesity journal, се обидува да ги идентификува ефективните бихевиорални(збир од навики и однесувања) и психолошки стратегии, споделени од луѓето кои успеале трајно да го загубат вишокот телесна тежина.

Студијата  анализирала волонтери кои успеале трајно да ослабат 9 или повеќе килограми, во текот на 3 години и утврдила неколку специфични разлики кои ги одделувале овие поединци од другите помалку-успешни во обидите за губење на килограмите. Покрај главанта разлика – јадењето здрава храна, разликите вкучувале развивање на силни навики за здраво јадење и редовна физичка активност, техники на самоевалуација(себе преиспитување и надгледување) и стратегии за справување со психолошкиот стрес.

Слабеењето е процес кој има потреба од сеопфатен пристап

Според експертите, оваа студија уште еднаш ни потврдува дека трајното слабеење е процес кој има потреба од внимателен и целосен, сеопфатен пристап.

Значи не е само калорискиот дефицит(кој без дилема ќе донесе резултат, затоа и повеќето диети се успешни, но само на почетоците) оној што ќе ни донесе резултат.

Само градењето на здрави навики во однос на исхраната, но и физичката активност, спиењето и успешното справување со стресот можат да водат кон траен резутлат. Исто така, друг нераскилив фактор е и едукацијата во однос на сите претходно набројани фактори.

Значи и кога станува збор за слабеењето, треба да мислиме со главата, а не со стомакот.

3 стратегии за успешно и трајно слабеење

1) Формирајте ,,цврсти” навики

Секој успешен, долгорочен план за слабеење има потреба, односно треба да содржи идеи за трајни промени во навиките. Превземајќи чекори кон формирање трајни, цврсти навики, се намалуваат шансите од значително варирање на тежината во иднина или враќање на загубените килограми. Според резултатите на споменатата студија, волонтерите кои постигнале најголем успех имале усвоено цврсти навики во однос на здравата исхрана и редовната физичка активност. Сето ова има смисла и не е нешто сосема ново, но како да ги добиеме или како да ги стекнеме ваквите цврсти навики?

Еден од истражувачите од студијата вели дека мотивот, правилните позитивни размислувања и упортноста се неопходните компоненти за успех. Еден од најдобрите начини за формирање на добри навики е прво нивно утврдување, а потоа изнаоѓање на најприфатлив начин на кој можеме да ги оствариме.

На пример, пазарувањето само на здрави намирници и нивната постојана достапност во кујната, за повеќето луѓе го прави полесно одолелвањето на искушенијата кои се чести.

За многумина е исто така полесно, наместо целосно да променат некоја навика, да ја направат барем малку поздрава. Така, полесно ќе дојдат и до најздравата опција. На пример грицките. Можеби и здравите грицки имаат доста калории, но тие побрзо ќе ве заситат и со текот на времето ќе можете полесно да се справите со количните.

Друг пример, ако често јадете од досада или стрес, кога ќе дојде тој момент на потреба за храна, најдете нешто друго за правење, како некој друг вид активност што ви претставува задоволство или пак направете некоја здрава активност, како пешачење или возење велосипед.

На крајот, нешто многу значајно што треба да го разбереме е дека прогресот во однос на слабеењето скоро никогаш не е линеарен. Што значи тоа? Тоа значи прогресот не е постојано со ист интензитет и дека повеќето луѓе имаат периоди во кои работите не одат ,,според планот”. Ова не треба да демотивира, напротив, тоа е нормално и затоа слабеењето се нарекува процес. Џабе користите диети и се изгладнувате кога во главата ви се врти идејата за ,,последниот ден” и враќањето на старите навики. Ниту пак предобриот резултат не треба да мотивира да се вратите кон некоја стара и лоша навика.

2) Процес на семоевалуирање или себенадгледување

Постојат неколку начини за успешно следење на губењето телесна тежина. Во студијата, како најефективна стратегија од овој аспект се покажало запишувањето на тежината на график и следењето на калорискиот внес секојдневно, определувајќи целна вредност (најчесто во некаква апликација). Следењето на физичката активност, исто така била од помош. Поентата на ова следење е да се создаде чувство кои одлуки како влијаат на калорискиот дефицит, но и целокупното чувство и како тоа се одразува во прогресот во реалноста.

По одреден период, веќе нема ниту да имате потреба од толку детално следење, бидејќи пресметките за калорискиот дефицит ќе одат ,,на памет”, а ќе знаете и кои производи и активности како влијаат на намалувањето на килограмите.

Според експертите од студијата, следењето на резултатите, освен што ни овозможува увид во тоа каде грешиме и со тоа, што треба да поправиме, туку ни дава и чувство на успех и задоволство по добриот резултат. Ваквото чувство мотивира, а мотивот е клучен во однос на трајните промени.

3) Справување со психичкиот стрес

Било какви промени во животот, можат да ви создадат одреден интензитет на стрес, вкучително и промените во исхраната и физичката активност, кои се нужни за правилното слабеење. Затоа, како доста битни се јавуваат механизмите за справување со стресот предизивкан од овие промени.

Во студијата, специфичните стратегии за справување со стресот, како размислувањето за веќе постигнатите успеси и размислувањето на позитивен начин околу процесот на слабеење, се покажале како доста важни. Тие се клучни во моментите кога ,,нешто не оди според планот”.

Затоа, експертите советуваат дури и да си ги запишувате и најмалите успеси кои се постигнати во процесот на слабеење, да се потсетите на посветеното време и што е најважно, на мотивот – нешто што е нужно да го утврдите во самиот почеток.

Тие советуваат и комбинација од искрен и внимателен однос кон себеси- рационалност која ќе ви овозможи емоциите да не надвладеат, што е ризик за подложност на стрес и враќање на некои ,,лоши задоволства”.

Свесноста за претходните постигнати успеси и позитивната настроеност кон целта, ќе ви помогнат да сфатите дека голем дел од работите се под ваша контрола.